الي سوت عملية ربط عنق الرحم تدش الله يجزاها خير

[Koka_alotaibi]

السلام عليكم ورحمة الله وبركاته

بنات انا اراجع عند دكتور نصر بالراشد وانصحني بعملية ربط لعنق الرحم لان حملي جا بعد 7 سنين

ياليت الي سوت الربط تفيدني لاني خايفه اسويها وكله اوسوس انها تسببلي اجهاض

طبعاً بنات انا استخرت وموكله امري لله بس هم ابي رايكم

لاني قريت ان بنات واجد انزفوا بعد العمليه لمدة يومين يعني اهو طبيعي تنزف الوحده ولالا جد هالشي مخوفني

ياليت الي عندها اي معلومه ماتبخل علي والله يجزاها خير مقدماً

 

[بنت الثانوية]

ينزل دم بسيط ,,

انا سويتها متأخر ,, قالولي انتي يايه متأخر والجيس نازل عندج احتمال وحنى نسوي العمليه ينبط الماي ,, بس الحمدالله ما صار شي ويبت احلى عبود

بس بما اني رحت متأخر ياني عوار نفس عوار الطلق عطوني تحاميل مسكن بو ساعه ومافيني شي وخلاص ما خذيت تحميله مره ثانيه

ونزل معاي دم بسيط اول جم يوم وقعد يخف يخف لين صار افراز اصفر وظل معاي لي الولاده لأني ما راجعت عليه ما احب المسحات خخخخخخخ

 

[Koka_alotaibi]

الله يحزاج خير وماقصرتي كلامج حيل طمني
بس ماعليه اذا فيها ازعاج سويتيها باي شهر
انا اليوم داخله الرابع بالضبط ودكتوري قالي عندج للاسبوع الجاي حددي فيها يوم ودقي علي عشان اجهز غرفة العمليات

 

[بنت الثانوية]

انا سويتها بالسبوع 18 او ال19 كنت متأخره وايد

 

[Koka_alotaibi]

كنتي في بداية الخامس تقريبا

الله يجزاج خير بنت الثانويه وماقصرتي حبيبتي

��������

 

[ام ورد@]

مرحباا اختي
اولاً:مبرووك الحمل والله يتمه يااارب
اناا مسويه ربط في الاسبوع١٢ يعني آخر الثالث
اللي اقوله توكلي على الله وسويهاا اناا الحمدالله مانزل ماعي دم كنت متخوووفه حييل نفسك وبس قاعده على النت وابحث مكان مخوفني موضوع النزيف
بس الحمدالله ماسار معاي شي.
فيه تجمع قروب الرابطات دخليه وشوفي وان شاءالله بترتاحين اكثر

بس يبي لج راااحه تامه بعد العمليه اناا اللحين الحمدالله توني داشه السابع

الله يوفقج يااارب ولا يضيع لج تعب

 

[بنت الثانوية]

اي والله ما باركتلج ما استحي على ويهي نسيت

مبرووووووك والله يتمم عليج ان شاء الله

 

[Koka_alotaibi]

ام ورد الله يجزاج خير حبيبتي على كثر ماكنت متخوفه من الربط كلامج وكلام بنت الثانويه طمني حيل
والله يبارك فيكم ويرزقكم ان شاء الله
ويتمملج على خير ام ورد ����

 

[منونتي]

كوكو مبروك الحمل ي قلبي

انا سويت ربط في الاسبوع 11 تقريبا

و كنت نفسج موسوسه ان البيبي بيطيح وقت العملية لا سمح الله

بس العمليه بسيطة مو مثل ما كنت متخيله اببببببد

توكلي على رب العالمين

الربط لمصلحتنا
نزل مني دم جم يوم يعني تحسينه ينزل من جرح و لا له علاقه بالحمل

و لان المنطقه رطبه ف راح ياخذ كذا يوم عشان يوقف الدم

و بعدها تكون معاج رطوبه مستمرة طبيعي لان عنق الرحم فيه غرزه

 

[Koka_alotaibi]

الله يبارك فيج (
منونتي بعد عمري مشكوره على الرد وان شاء الله بسويها السبت الجاي والله يجعل فيها الخيره يارب
صج كلامكم ريحني الله يجزاج واياهم خير ويرزقج حبيبتي

 

[ام اغلى الناس]

الف مبروك حبيبتي
اي طبعا سويها
انا كنت خايفه نفسج بس الحمدلله ما صار فيني شي
بالعكس احسن تسوينها
انا تقريبا بالشهر الثالث سويتها
عند فوزيه القطان
كتبت موضوع بالتفصيل عن تجربتي بالربط
تلقينه بمواضيعي بالتوقيع
وفيه تجمع الرابطات حلو واي سؤال حطيه هناك

 

[Koka_alotaibi]

الله يجزاج خير ام اغلى الناس ويخليلج من تحبين وتغلين ((
واكيد بشوف الرابط وماقصرتي يالغلااا

 

[امواج الكويت]

انا سويته بالاسبوع ١٢ والحمدلله صارلي ٢١ يوم والده
وما نزل علي دم
واذا سويتيها اول ايام راح تحسين بضغط تحت لا تخافين جم يوم ويروح

 

[بيت التوت]

مبرووووووووك الحمل والله يتمم عليج

 

[Koka_alotaibi]

امواج الكويت ماقصرتي يالغلا زين علمتيني عن سالفة الضغط عشان ما اتوتر واخترع عاد انا من غير شي موسوسه

الله يجزاج خير حبيبتي

 

[Koka_alotaibi]

بيت التوت

الله يبارك فيج ومتقصرتي على الدعوه

والله يرزقج بلي تمنين حبيبتي

 

[خيشة شكر@]

مبروك الحمل والله يوفقج يارب ويتمم لج ع خير

 

[menna_catgirl]

اخوات اللي سوت عملية الربط بالكويت ياريت تقولي وين افضل ومكان وكم تكلفت؟ الرجاء الرد للأهمية

 

[لهفة المشتاقه]

مبرووووك الحمل وعسي ربي يفرحج بشوفته

والله ماعندي فكره عن هالموووضوع بس حبيت اباركلج

 

[عسل حدي]

للرفع