الي سوت طفل انابيب او حقن مجهري تتفضل

[vviipp]

السلام عليكم

شلونكم

عسي الله يرزق كل محروم

حبيت اسال كل وحده عندها تجربة بطفل الانابيب او حقن مجهري

اولا انا انشالله الاسبوع الجاي ببداء علاجي بس حابه اعرف الطريقة والخطوات؟

ثانيا انا معلمة فشلون اذا تم الترجيع وانشالله ربي كتب لي حمل شلون راح اداوم وانا شغلي متعب خاصي اني اراجع مستشفي خاص مو حكومي يعني راح اخذ طبيات او يحقلي اخذ اجازه خاصه

 

[كويتيه مذهله 87]

الله يرزقج حبيبتي

كتبي بقووقل تجارب البنات يطلعلج

واذا علي الراحه اخذي طبيات علي مايتم الحمل ان شالله
,,,

 

[أمونة الحلوة]

حبيبتي اذا سويتهيا عادي دكتورج يعطيج تقرير واخذي مجلس طبي ارتاحي

 

[مناوووي]

الله يرررررررررزقج

 

[vviipp]

لو انا ادارية كان مو مشكلة بس انا معلمة يعني وراي طالبات بذمتي وامتحانات حرام

 

[vviipp]

ماشالله معقوله ماعندكم خبره؟

 

[رووحي لغاليها]

رد : الي سوت طفل انابيب او حقن مجهري تتفضل

الله يرزقج ولايخيب تعبج يارب

يارب البنات يفيدونج
ماعندي خبر

 

[رووحي لغاليها]

رد : الي سوت طفل انابيب او حقن مجهري تتفضل

صج اخذي من دكتورج اجازة وبلغي المدرسة انج بتاخذين طبية وخلي احد يمسك بالج

او اجازة خاصة بدون راتب الله يوفقكم

وين حابة تعالجين ومن متى متزوجة الله يوفقج ياررررررررررب

 

[ام ساره حياتي]

اهلين حبيبتي الله يرزقك ويرزقنا وكل محرومه من بنات المنتدى وبرا بعد
انا قريب سويت الانابيب والحمدلله على كل حال حللت ماطلع معي شي
المهم بقولك على الخطوات طبعن انا سويتها عند عياده ذريه الدكتور حمد الصفيان بديت بالابر المنشط من ثاني يوم الدوره طبعن كنت اخذ ابرتين في اليوم عضل وتحت الجلد اخذت تسع ايام مع متابعه يوميه للتبويض طبعن بعد نهايه ايام الدوره يسوون سونار داخلي يشوفون البويضات بعد ماتجهز يحددون يوم العمليه وموعد الابره التفجيريه لان بعد الابره التفجيريه تحدد ساعات معينه تسحب خلاله البويضات طبعن انا اخذت الابره التفجيريه يوم الخميس مابين الساعه تسع وعشره مساء لازم تلتزمين بالموعد المحدد وحددو العمليه يوم السبت الساعه ثمان الصبح طبعن رحت صايمه ودخلوني الغرفه ويعطونك مهدئ بسيط وبعدها تدخلين الحمام عشان تفرغ المثانه وتتوكلين على الله وتدخلين غرفة العمليات طبعن تخدير كامل وتسحب البويضات وبعدها ياخذونك غرفه الافاقه بعد ماتصحين تحسين بألم بسيط مايزيد عن الم الدوره اعطوني كماده دافيه ضيعت الالم الحمدلله وبعد ماصحصحت شوي يعني ساعه كذا طلعت وبدلت ملابس العمليه وطلعت لزوجي ومشينا وبعدها بيوم دقوا علينا وبلغونا ان التلقيح تم وعدد البويضات الناجحه ثلاث وقالولي موعد الترجيع يوم الثلاثاء اللي هو كان يوم العيد الساعه ثنعش الظهر وطبعن طلبوا مني اجي مفطره وشاربه كميه مويه حوالي كوبين ورحت في الموعد وشافت لي الممرضه بالسونار كميه البول ورجعت اعطتني كوب مويه ولما صرت جاهزه دخلت الدكتوره وقالتلي انها بترجع الاجنه اللي من الدرجه الاولى بس ورجعتهم بفحص نسائي عادي ماحسيت بشي ابدا" عشر دقايق كذا وكنت خالصه واعطوني ابره المثبت الاولى وطلبت منى ماتحرك لمده نص ساعه وبعدها غيرت ملابسي ومشيت وكملت ايام الابر 14 يوم من المثبت وبعدها تسوين التحليل.
ربي يرزقك بتوأم ان شاء الله
نسيت خطوه مهمه طبعن يوم ماتدخلين غرفة العمليات عشان سحب البويضات يطلبون من زوجك سائل منوي طبعن يكون قبلها من سبع الى ثلاث ايام كأقل حد ممتنع عن الجماع .
كل التوفيق حبيبتي واسفه على الاطاله

 

[ريم الجفوول]

رد : الي سوت طفل انابيب او حقن مجهري تتفضل

عسى ربي يووفقك ويرزقك وقبل كل شي توكلى على ربك واكثري من الاستغفار

 

[ماريي]

رد : الي سوت طفل انابيب او حقن مجهري تتفضل

السلام عليكم
عملت حقن مجهري بس من 11 سنه وربنا رزقنى والحمد لله طبعا الخطوات قالتها الاخت ام سارة وربنا يعطيكم جميعا يارب
وللاضافة لما بياخدوا السائل المنوى ممكن يتم تجميدة واستخدامه وقت الحاجة ودا تم معايا لان زوجى كان ضرورى يسافر
الشئ الثانى ودا تم مع واحدة صحبتى انهم ممكن يجمدوا البويضات الملقحة خصوصا لو العدد كبير واستخدامها مرة تانية ودا بيوفر على المراة جهد كبير وادوية وعملية سحب بويضات فى حالة عمل حقن او انابيب مرة اخرى وطبعا ربنا العاطي في النهاية لان كل ده اسباب
واكيد الالتزام بالادوية ومواعيدها مهم جدا وكمية الادوية بتختلف من حالة لاخرى
انا عملت العملية مرة بمستشفى السلام وفشلت ومرة عند الدكتور محمد ابو الغار والحمد الله لانه كان الاول في الشرق الاوسط ايامها في هذه العملية وبالتوفيق

 

[ماريي]

رد : الي سوت طفل انابيب او حقن مجهري تتفضل

[SIZE="4"[SIZE="6"]:aha:

 

[البيداء_77]

الله يرزقج يارب

 

[vviipp]

مشكورين وماقصرتوا
وعسي الله يرزق كل مروم انشالله ويرزقكم بالذرية الصالحه تامت الخلق

ام سارة حياتي مشكورة وماقصرتي والله خرعيني السالفة فيها عمليات الله يرزقج ويعوضج انشالله
ممكن سؤال هذي اول مره ؟ والمشكلة في من ؟

 

[nadoo]

ررررررررفع

 

[ليالي مظلمه]

حبيبتي اذا سويتي العمليه لازم ترتاحين لين موعدا لتحليل حاولي تاخذين طبيه انا الحين حامل ومن اول يوم ترجيع وانا نايمه على ظهري وما طلعت من البيت لما رحت احلل الله يرزقج انشاء الله

 

[vviipp]

الله يرزقج بالذرية وبشرينا

 

[ام ساره حياتي]

لاحبيبتي ماتخوف لهدرجه عادي الوضع واذا خايفه سوي حقن مايحتاج عمليه زي الانابيب بس ياخذون العينه من الزوج ويختارون الحيوانات المنويه الصالحه ويحقنونها في الرحم بفحص نسائي بسيط ماياخذ منك عشر دقايق
وردا" على سؤالك ياقمر ايه هذي اول مره اسويها والمشكله مشتركه دورتي مو منتظمه وزوجي عنده دوالى
ربي يرزقك ويوفقك خلى الخوف ورى ظهرك وجربي بس تبين نصيحتي لاتتركين سورة البقره
هاه بننتظر منك البشاره

 

[vviipp]

الله يرزقكم انشالله
الطريقه الى الان الدكتور ماحددها يقول بشوف شنو الافضل والله يكتب الخيره