الي سافرو قطر وش رايكم بقطر والقطريات اببي منكم خدمه

[ام يارا القمره]

هلا مساء الخير اخواتي
حبيت استفسر عن الي سافرت قطر اومن اهل قطر ابغاه تفيدني من خلال سكنها هناك وعسى الله يوفقها الي ترد

اولا ابغى افضل فنادق في قطر وسعرها معقول في حدود 400 الى 500 ريال قطري

ابغى مطاعم نظيفه ومشهوره لان اخاف من مطاعم اذا اول مره اروح ديره مازرتها من قبل

افضل اماكن هناك واشهرها من منتجعات وملاهي ومنتزهات
الله يعافيكم ابغى انكم تجاوبوني لاني عقب يومين اسافر لقطر

 

[جنوني حبك]

حيااج الله في ديرتج الثانيه قطر:



الأماكن السياحيه :

1- الكورنيش

2- سوق واقف

3- المتحف الإسلامي

4- الحي الثقافي ( كتارا )

5- جزيرة اللؤلؤة

بالنسبة للملاهي :

1- عندك مدينة ألعاب في حديقة الحيوان

2- أكو بارك ( مدينة ألعاب مائية )

3- جنغل زون ( ملاهي في مجمع حياة بلازا )

4 - وفي عندك مدينة ملاهي في فيلاجيو صوب المطاعم

5- وفي عندك بعد في السيتي سنتر مدينة ملاهي ​

 

[جنوني حبك]

المولات :
السيتي سنتر
اللاند مارك
فيلاجيو
حياه بلازا
رويال بلازا
المول


ونسيت اقولج بمنتجع سيلين روووعه
بالنسبه للفنادق ما عرف اسعارها ان شاء الله البنات يفيدونج
واذا بغيتي اي شي ما يردج الا الكيبورد​

 

[العمر]

أستغفر الله الذي لااله الاهو الحي القيوم وإتوب إليه

 

[قطرية عسل]

الفنادق اذا تبين 5 نجوم ماعتقد في بحدود السعر اللي حطيتيه في فندق جديد روعه فاتح في منطقة اسباير عند مجمع فيلاجيو اسمه جراند هيراتج روووعه ووايد راقي والاهم انه ممنوع الخمور وهالاشياء اتوقع الغرفه بحدود 600 او 700 ريال شوفي الصور في موقع بوكينج

 

[ام حبيبتي]

هلا وغلا فيج حبيبتي في ديرتج الثانيه ,,, انا قطريه وافتخر اني قطريه

شاللي في خاااطرج ,,, انا حااضره ,,,, واذا تبين بعد ايي لج الفندق واسوي لج جدول سياااحي من عيوني الثنتين انتي امري ,,

حبيباااتنا الكويت واهلها ...

الفنااادق شوفي في موقع بوكينغ واختااااااري كل الفنااادق روعه وخيال ,,, عندج الفورسيزون ,,, منتجع وفندق شرق ,,

الريتزكارلتون ,, الانتر ,,, الميلينيوم ,,, جراند حياة ,,,, وجراند حلووو واتوقع سعره حلو ....

واختي مجنون حبك ماقصرت اكتبت كل شي ,,, وحياااااااااااااااج الله حبيبتي ,, ​

 

[munia]

حلوة قطر بس اشوفها غالية بالفنادق انا اروح لاهلي في قطر بس خاطري اروح فندق

 

[ام يارا القمره]

شكرا كل الي ردت علي وراسلت كل الردود على الخاص شكرا لكم

 

[كويتية و لكن]

لا تنسين تمرين تشوفين جمال الفندق اللي اسمة بيت شرق عجييييييييييييييييييييييب رووووووعة وفي مطعم روووعة والمباني اكثر من رائعة وعندهم صبااا واااي راح تدعيلي والشاطي وووووييييي لكنه شوي غالي بس اذا ما تقدرين لا تسكنين بس زوريه تغدي فية او شربي قهوتك فية خصوصا وقت الغروووب واااااااااااااااااااااااو وبالعافية

 

[ام يارا القمره]

لا تنسين تمرين تشوفين جمال الفندق اللي اسمة بيت شرق عجييييييييييييييييييييييب رووووووعة وفي مطعم روووعة والمباني اكثر من رائعة وعندهم صبااا واااي راح تدعيلي والشاطي وووووييييي لكنه شوي غالي بس اذا ما تقدرين لا تسكنين بس زوريه تغدي فية او شربي قهوتك فية خصوصا وقت الغروووب واااااااااااااااااااااااو وبالعافية

يسلمو يالغاليه ويلا الاخوات ابي اشوف اكثر ردود

 

[Qatar 2022]

حياج الله يالغاليه
تنورين الدوحه
بالنسبة للفنادق اسمحيلي ماقدر افيدج لاني ماعرف فنادق بهالسعر بس اكيد خواتي البقيه بيساعدونج
بالنسبة للاماكن االترفيهيه
اهم الاماكن اللي لاااازم تزورينها
1- سوق واقف (( انا اعتبر اللي ماراح سوق واقف ماشاف شي بقطر ))
2- اللؤلؤه
3-كتارا
وعندج هني موضوع كامل متكامل بالصورعن كتارا http://www.q8yat.com/t880426.html
4- فيلاجيو (( مجمع بتصميم ايطالي راقي جدا وحلوو وفيه ملاهي حلوه وسينما ))
5- متحف الفن الاسلامي

باقي المجمعات :
الستي سنتر (( داخله ملاهي حلو وسينما ))
اللاند مارك (( ملاهي لليهال بس وسينما )) وعلى فكره هالمجمعين مسويين تنزيلات هالفتره
حياة بلازا (( فيه ملاهي للاطفال جنغل زون وداخله كم لعبه للكبار بعد ))
رويال بلازا + سنتر بوينت (( مجمعات ملمومه مو وايد كبيره وهاديه ))

الحدايق عندج :
سباير زون (( وايد عوده وشرحه وفيها بط ونهر صناعي ويسمونها الهايد بارك قطر بس الجو شوي مايساعد ))
حديقة البدع
ومري عالكورنيش صوب البحر فيه عباارات (( مراكب )) تركبينها بالليل ويمشونج بوسط البحر وناااسه

وعندج الاكوا بارك ملاهي مائيه للامانه ولا مره رحتها عشان احكم بس يمدحونها

والمطاعم ف وايد
عندج مطاعم سوق واقف حلوه خصوصا مطعم الطواش يمي اكلهم حلوو
وفي مطاعم عالميه مثل ابل بيز وفرايديز وناندوز
وعندج بعد صوب نادي الدانه مطاعم حلوه معطم بخارى اكله هندي لذييذ


واي استفسارات ثانيه حاضرين

 

[ام يارا القمره]

يسلمو قطر وربي كفيتي ووفيتي وهذا حنا ضيوفكم اكيد نلقى منكم ترحيب لزواركم