الي سافرت تايلند وماليزيا تتفضل موضوعي بقيتها بكلمة

[كـــنـــزي]

السلام عليكم
انا باذن الله بسافر ماليزيا وتايلند بالعيد

بقعد بكوالالمبور ولنغاوي وبعدها بروح بانكوك بقعد فيها 4 ايام للتسوق

بالنسبة للتسوق ايهو احسن سوقه
اشتري من ماليزيا ولا تايلند

والماركات الجناط الي اهي بونيا وغيره اخذها من ماليزيا ولا تايلند

وشنو الشي الي موجود بماليزيا ومو موجود بتايلند

انا ابي اشتري كل شي من الالف لي ياء جنه جهاز عروس لاني طلعت من الاربعين ولا شريت شي

فياريت. الي رايحه هالدولتين تفيدني بخبرتها

واشكثر اخذ معاي للسوق

800 كافي على السوق ولا اخذ اكثر ولا اقل

ملابس اليهال اي دولة احسن

وحق الصوايغ ايهو احسن



بليز خواتي اول مره اروح هالدولتين وابي وحده تقولي كل شي بالتفصيل الممل من اسامي محلات واماكنها وجناط تقليد درجه اولى وين احصلها

يالله همتكم

 

[رزه واستايل]

ايييييييييييييييييييييييييي والله انا بعد ودي اعرف تقليد درجه اولي بماليزيا وين؟

 

[كتكوتة89]

ان شالله بروح ماليزيا اول يوم العيد
فحتى انا ودي اعرف عن التسوق اهم شي
رخيصة و لا غالية
و حق 15 يوم جم يبيله ميزانية انا و ريلي بس حق التسوق و السياحة؟؟
لان حاجزة الفندق و التذاكر مخلصة

و شكرا

و سوري اختي كنزي على اللقافة بموضوعج بس حبيت نستفيد

 

[كـــنـــزي]

حياكم الله

انا بعد بروح اول يوم العيد ماليزيا

وين البنات ياللهةفيدونا

 

[مسك وطيب]

اب

اب

 

[كـــنـــزي]

اب اب

 

[يارب اشرح صدري]

حبيبتي التسوق في مالييزيا غير عن تايلند يعني عندج الماركات بكوالالمبور وبمجمع البافليون وعندج التايم سكوير ومجمع البراميد اللي يكون جنبه بالظبط فندق صنواي لاغون علي حسب انتي وين ساكنه وعندج لنكاوي بس استجمام وريلاكس واذا خلصتي عندج مجمع ال بي ام كي في بانكوك وسوق الليل روعه ويابلاش صج تلقين فناتق ٨٠٠ اذا بس للسوق اوكي فيهم البركة ان شاءلله

 

[يارب اشرح صدري]

بنزل موضوع ان شالله اذا فضيت

 

[كـــنـــزي]

بعد قلبي ماقصرتي

بس لو ماعليج امر ابي تفصيل زياده عن البضايع واختلاف الاسواق بين الدولتين

والماركات الماليزية اخذها من ماليزيا ولا تايلند ولا مايفرق السعر اقصد الجناط بونيا وسمبونيا والخ

لاني مخلية بانكوك للتسوق فقط ماراح اطلع اماكن سياحية وماليزيا للسياحه

لكن بنفس الوقت مابي اطوف شي بماليزيا واتحسف بعدين اني ماشريت منها

واذا تقدرين تكتبين موضوعج قبل العيد اكون شاكرة لج

 

[um meshoooo]

حبيبتي انا رحت تايلند بس مارحت ماليزيا فبكلمج عنها شوفي مجمع سنترال بلازا بالسرداب في تشكيله كبيره مصممين عارضين ملابسهم وااايد حلوين وشغلهم حلو وافكار غريبه والمجمع بضاعته جيده موبطقه عرفتي وعندج ام بي كي كل شي فيه جواتي تكرمين واشكال والوان وتي شيرتات ووااايد خرابيط وتقدرين تشترين منه صوغه بعد بس خل اقولج في هالمجمع محل كبير بالزاويه نفس ستايل دبنهامز ومارك سبنسر كله ماركات حلوه ماعندنا ايااه روحيله بس مومتذكره اسمه بالضبط

 

[امنة الرشيدي]

قوة حبيبتي بغيت اساعدج انا رحت لتايلاند وصج صج عجيبة يعني 800 فيها الخير و البركة تشترين اشيار واجد بقولج على جم سوق ومجمع تروحيلهم وانا لفيتها عدل مدل والله انها روووعة شوفي اذا تبين لنفسج ولعيالج في مجمع سنترال ورلد هذا عجيب فية ملابس وجناط واشياء خيال وفية محل اسمة zenاو شغلة جذية هذا روعة ملابس الجهال ماركات موموجودة بالكويت وفي بعد مجمع mbk حلو وفي عندج بنفس المجمع محل نعال عجيب غريب كلة لسهرة ومو غالي يعني النعال تاخذينهم ب11 تقريبا بس شي راقي وشوف ترا هالمجمعات تبطل من الساعة 5 لحد الساعة 10 بس وعقب في اسواق الليل وهذيلة بيكونون ارخص وااااجد من المجمعات وانا انصحج تروحين سوق سوالوم بازار هذا السوق رخييييص حيل وتحصلين فية اشياء تهبل جناط ساعات ونعال وملابس وكسسوارات تقليد ومطاعم وعندج بعد سوق الباتبونج عاد هذا حكاية راح تحصلين فية اشياء عجيبة ومحلات تقليد الجناط هناك ولا يتكلمون عربي وكل شي عندهم تقليد وترا ينزلون بالسعر حيل وكاسريهم لا يغلبونج

 

[امنة الرشيدي]

واسواق الليل تبطل من الساعة 10 لحد الساعة 2

 

[فطافيط و كتاكيت]

مووؤدري بـسس مـآمي كـآنت ترووح مججمع بـآفليون إللي بمـآليزيا بكوآلالمبوور اهو مـآرككـآت أصصلية مـوؤ تقلييد

إمـمـمم لـنكـآوي حق آلياهال لأن مـآفيها سووقة وإهي جزيرة عـآدية بسس آحلى شيي وإستانست فيه لنكـآوي وجنتنق لآن فيهـآ ألعاب لوووول وانا يـآهـل..,

لـنكـآوي فيـهـآسووق نسسيت إسممه كـل جنـآط وبوكـه تقلييد درججـة أولى إلآ مـآركة بـولو آصلييه وأسـعآرههم معقووولة

أمــآ كـوآلآآ غــآلييه ححدهـآ حددهـآ

 

[كـــنـــزي]

حبايبي ماقصرتو

الحين بعرف وين اكاسر بالضبط بكل المحلات ولا بس بالباسطات والسوق الصيني

يعني المجمعات محلاتهم مو نفسنا سعر ثابت

ولا ادش اكاسر على كل شي

ياريت تفيدوني

 

[كـــنـــزي]

Up up up

 

[لحظات الشوق]

BoBae Tower بوبي تاور سوق بالجمله
شارع باتونام صوب فندق بيوك سكاي هذا رخيص
مجمع بلاتيوم بلازا وله اسم ثاني فاشن مول هذا رخيص بعد

 

[فاقده ابوهاااا]

اذا تبين سوالف التقليد عندج تايلند اما ماليزيا ما راح تحصلين فيها تقليد وايد واغلب مجمعاتها تكون راقيه وماركات

 

[كـــنـــزي]

فيه عندهم سوق خام وكلف

ووين صاير اذا موجود

 

[أم سيف وسلطان]

اسواق تايلند اكثر واحلى

بالتوفيق

 

[RouNi-99]

وي انا عقب باجر مسافره ماليزيا وراح نقعد في كولالمبور

يعني راح اشوفج هيهيهيهيهيهيهيي

والله انا مااعرف عن اسواق ماليزيا

بس تايلند اسوقها تينن لما رحنالها