الي راحت أستراليا

[جبنة بيضة]

بنات انتهت الاجازة و الكل عاد الى دياره بغيت أقولكم الي راحت استراليا تكتبلي عنها بالتفصيل الأني حابة أيمع معلومات عنها عشان أزورها ان شاء الله

تقدرين تكتبين عن رحلتج و شنو الأماكن الحلوة و جم يوم تصلح و الجو و كل هاذي الشغلات بليز بليز :eh_s(9):

 

[mooomooo]

حبيبتي دشي على هالرابط كل شي تبينه موجود هناك


العرب المسافرون

 

[جبنة بيضة]

مشكورة بس بغيت البنات الي راحو يقولون

اشدعوة ماحد راح استراليا

 

[mooomooo]

ان شاء الله اذا رحت قتلج لووووووووول

 

[جبنة بيضة]

ان شاء الله ههههههههه

 

[غـاده]

انا رحت بس من زمان 2000
رحنا سدني وجولدكوست
وكنا مانعرف للديره وتحسين خايفين نضيع وحالتنا حاله ومع قروب وتقيدنا حيل مع القروب

بس وناسه البيتش اللي بقولد كوست واذكر فيه واحد سعودي فاتح محل هناك ويبيع المعلبات واللحم والدجاج الحلال
تصدقين مثل الحلم
حتى ماني ذاكره الاسامي
انشالله اذا ذكرت بضيف للموضوع

 

[جبنة بيضة]

مشكووووووووووووووورة

 

[أميرة الحلا]

والله مارحت استراليا وودي اروجله هالصيف وجان زين البنات يفيدونا

 

[هيه دنيا]

والله لا تطوفكم عجييييييييييييييييييييييييييييييييييييييبة احلى من دول اوربا وامريكا اسالوني وامان ووناسه ودوله راقية جدا راح اكتب لكم عنها بالتفصيل لاني لاهية برمضان الحين
بس انصح اللي ماراح يروح موطبيعية

 

[~MaNaR~]

والله استراليا ما تطوف لو تروحين لها كل سنه ما تشبعين منها

انا رحت لها مو الصيف اللي طاف اللي قبله ووايد استانسنه فيها

رحلتنا كانت 27 يوم رحنا ملبرون وسدني وقولدكوست بس اكثر وحدة استانسنا فيها

قولد كوست كانت روووعه فيها sea world - Dream world - Movie world هذولي مدن العاب

وطبعا اسم كل وحدة يدل عليها ما يتطوفون رووعه وعندج بعد السوق اللي على البحر يوم الاحد

والسبت في اشياء حلوة وغريبة شرينا منه وايد

ملبرون ما فيها الا الثلج وفيه مثل مكان قالوا لنا يورونج بطاريق بس الطريج يطول ويدوخ والبطاريق

يمكن يطلعون لج ويمكن لا احنا ما رحنا قلنا ما تسوى بس استانسنا بالثلج تزلجنا ولعبنا

سيدني ما اذكر وين رحنا بالظبط بس جنه حدايق وسوقه واشياء جذي

وان شاء الله راح اطلع لج اسامي السوقة اللي رحنا لها والاماكن بعد اللي ناسيتهم

بس صج استراليا ما تطوف كلش اذا تبيين تروحين لها ما تندمين بس احلى شي تكون يمعه يعني

معاج ناس وايد تستانسوووون احنا رحنا مع قروب واستانسنا وايد

 

[جبنة بيضة]

مشكوووووووووووووووووورة وايد وايد الله يعطيج العافية

جم يوم تستاهل و اشكثر تكلفتها كاملة و ثانكيووووو

 

[~MaNaR~]

سوري من زمان ما دشيت قسم السياحة

احنا رحنا مع قروب كان تقريبا لشخص الواحد 800 وشوي طبعامع حجوزات الفندق

والطيران الداخلي ورحنا معاها تايلند بعد

احنا رحلتنا كانت 27 يوم قعدنا باستراليا 20 يوم بس يبي لها اكثر والله لان فيها اماكن وايد ما مدانا نروح لها

انا بقول لج اللحين اللي اتذكره من رحلتنا

1- سيدني

رحنا Darling harbour هو ميناء على البحر في مطاعم وسوقه

اجرنا مثل سفينة وفترينا بالبحر شوي وبعدين دخلنا الاكوراريوم

وفي مسرح ايمكس هناك بعد

ورحنا بلو موتن واهي الجبال الزرقاء هذي يبي لها باص لان الطريج طويل تقريبا ساعه ونص طريج لين توصلون لها

والباجي كله مجمعات بس ما اتذكر اساميهم والله

وملبورن ثلج بس تزلج ومطاعم

وجولد كوست المدن الثلاثة اللي قلت لج عنهم وسوقه متروسه عرب هذي خصوصا امارتيين يعني ما تضيعين فيها كلش وفي مطاعم حلال بكل استراليا يعني ما تحاتين الاكل بعد

 

[جبنة بيضة]

مشكورة و ما قصرتي

 

[Haboona]

قوه حبيبتي ... اذا بتروحين قولد كوست وااااااايد حلوه ... عندج يوم السبت احطن بسطات على البحر يوم اليمعه من المغرب لي بليل احنا مسمينه سوق اليمعه في فناتق و على البحر يسوون أشكال من التراب و في مطاعم حلال ... اذا رحتي شارع العرب اللي اهوا يصير الشارع اليي عقب هارد روك على اليسار على طول بليل كله خليجيين و حتى ما تحسين انج مسافره بس بليل فيه كافيهات و لي دخلتيه على يسارج في مكان بره فيه انترنت كافيه و لاصق فيه مجمع اتدشينه في واحد يسوي شورما تركيه عجيييييييييييبه و هم في كوبن هاجن لا صق ابهارد روك عنده برد يسوي البسكوت جدامج و يحط عليه برد انتي تختارينه عذااااااااااااااااااااااااااااااااااااب و عندج الصبح تقدرين تروحين سوقه ... اسمهم ===>Australian fair , pecific ,robenaو عندج رحلات الصبح تاخذين التذاكر من مثل طاولات بره بالشارع مكتوب عليها انفورميشن أو من الفندق اللي انتي فيه أو من لوبي الشقق اذا بتقعدون في شقه ة روحتكم و ردتكم بالباص وايد أرخص واذا تابيني أعلمج أكثر أنا حاظره من عيوني هاذي قبل هاذي ... و الله يوفقكم و يحفظكم

 

[manoor01]

مشكوره حبيبتي علي المعلومات

وانا بعد مفكره الصيف هذا بس قاعده احاتي الطريج لان معاي
اطفال الصغير 3سنوات وبنت 7 سنوات وبنت 9 سنوات وبصراحه عيالي 3وانا وزوجي فاتمني تقدرين الروحه تكلفتها جم لان احتمال الطيران اماراتي زوجي يقول التكلفه 5000 دينار اذا مو اكثر لاني انا بصراحه راعيت سوق واتمني تقدرن الرحله لان ترانزيت تايلند احتمال اسبوع

ملاحظه :حق اللي راحت اوربا واستراليا شنو الاحلي؟؟
لاني انا رايحه اووربا وعاجبتني حيل وسوقتها حلوه حيل واماكن كثيره للاطفال يعني الكل استمتع الكبير وصغير

واسفه علي الزعاج

 

[سفرجل]

انا رحت سنه 2002
على ما اعتقد
وااااااااااااااايد حلوه ورحنا مع قرووب
رحنا سنغافوره واستراليا وتايلند
استراليا جولدكوست وسدني
بس الي عجبتني جولدكوست فيها اماكن واايد
وسندي بس عجبني المتحف وااااااايد حلو كان عن التعذيب
ومن ناحيه الاكل
كنا ناكل بيتزا بالاناناس لذييييييذ
ومن ماكدونالدز فش وشبس وبيبسي

بس حلوووووووووه والجوو اينن

 

[Featured Lady]

انا رحت 2004 لسنغافورة ثم جولدكوست ثم تايلند بس فعلا لاتطوفكم جولد كوست وكنت انا وزوجى ووعيالى 3سنوات و8سنوات و9سنوات وهذى اول مرة اروح بدون خادمة وكنت اقعد فى القهوة فى ساحة البرادايس انا وزوجى وعيالى يلعبون بالالعاب فوق وكنت مااحاتيهم لانه دولة امان ورحنا لسي وورد والموفى والدريم وورد ورحنا بالقطار لبرزبن وسوقها احلى من من الجولد كوست والدولة رخيصة بس اسواقها مولين اهناك ماراح تشترون وايد اشياء هذى الدولة للالعاب والوناسة والجو اللى يجنن بس نصيحة اخذى الشقة اللى تطل على المحيط لان القعده فضيعه الصبح حتى عيالى كانوا ينزلون بروحهم يلعبون بالتراب على البحر وانا اقعد على البلكونة اراقبهم
بس نصيحة طلعوا الفيزا مبجر يعنى طلعوها من شهر 4 لان احنا تاخرت الفيزا وكنسلنا سيدنى مارحنالها
واذا بتروحين بروحكم خلو الجك ان للشقق مبجر لان الطيارة توصل الصبح وماراح تستلمين الشقة الا الظهر فلاحظو متى توصل طيارتكم لانا احنا قعدنا ندور فى السييرفربرادايز الى وقت الظهر واحنا كنا تعابه من الطيارة هذا اذا رحتو بروحكم بدون قروب مثلنا
واى سؤال انا حاظرة اذا تبين اسماء الاسواق والشقق الفندقية والفنادق اذا بتمرون على سنغافورة وتايلند

 

[manoor01]

مشكورين علي المعلومات حبيباتي
ودي اسال انا وزوجي مانحب القروب هل راح نتعب بدون القروب
ودي اسال عن الاماكن الحلوه والسوقه وشنو الافضل اووربا او استراليا؟
ودي اسال بعد عن الحجاب يقولون يخزون بقولدن كوست لاني انا محجبه

بعد ابي اسال عن الاجو بارد ولالا؟
لاني مفكره نص سته انروح انا رايحه اوروبا فشايفه الجو والخضار العجيب والسوقه بعد روعه
ورايحه تايلند وشايفه السوقه ودي اعرف شنو الافضل استراليا وشرق اسيا ولا اووربا؟؟؟

واسفه علي الاطاله

 

[Featured Lady]

حبيبتى منور
انا لما رحت لاستراليا انا وعايلتى كنا بدون قروب ومايحتاج تروحون بقروبات لانه مايبيلها شي وانتى تقررين الدول اللى تروحين لها والمده اللى تبينها والفنادق اللى تختارينها بالعكس اذا كنتى بروحج من غير قروب ماكو تعب وانتى تحدديم المده المقرره لج مو الشركه تحددلج اما بالنسبه للحجاب محد يدرى عنج وانا متحجبه والبلد امان وفى بكل مكان تروحين له تلقين مصلى والجو بارد نسبيا يبيلج جاكيت بالليل وبالنسبه لجولد كوست فيها 3 اسواق استراليا فير وروبينا وهاربر وكل يوم جمعه يحطون كشكات على البحر بالليل اي استفسار انا حاضره

 

[manoor01]

مشكوره حبيبتي علي الرد السريع:eh_s(6): :eh_s(15):
1-والله ودي اسال عنها اهيا غاليه ولالا؟
2-ودي اسال عن الميزانيه لاتقل عن جم؟بصراحه انا معاي5000دينار طبعا من غير الفيز والبطاقات(الافضل شنو كاش ولا بطاقه ولاالدولار)؟
3-ودي اسال عن افضل طيران؟
4-وبعد عن سنغافورهودي اسال عنها حلوه ولاوجم قعدتي فيها؟

5-علي فكره ما كلمتيني عن ملبرون وسدني رحتيلها ولالا؟
6-انا امس كلمت زوجي عن شقتكم وستانس وقالي اسالج عن سعرها وجم قعدتي فيها واذا ذاكره اسمها؟
7-هل 3اسابيع تكفي حق استرالياولا شهر افضل؟
سوري مصختها معاج:eh_s(22):