الي خيبرات استراليا من كان في عون اخيه المسلم كان الله في عونه

[الكويت Q8]

السلام عليكم ورحمة الله وبركاته



من باب :


من كان في عون اخيه المسلم كان الله في عونه

بنات جزاكم الله خير اذا الله يسر لي حابه ازور استراليا وراح تكون المره الاولي لي لزيارة استراليا ...

عندي بعض الاستفسارات وان شالله ما تقصرون في الرد ::-

@ افضل شركات المجربه لسفر القروبات الي استراليا ؟ "" بعد البحث لقيت سفريات المستقبل ثم السيد ولكن حابه اعرف تجاربكم الشخصيه ""

@ تكاليف السفرة استراليا كحد ادني ؟

@ ذكر اي معلومه ممكن انها تفيدني في هذي السفره ؟

=============​

اتمني انكم ما تبخلون علي بخبراتكم​

 

[n-h-m]

ياريت انا بعد ابي

مليت وانا استفسر عن استراليا

نفس اسئلتج حبوبة

 

[n-h-m]

اب لعيونج

 

[اماري25]

مرحبا حبيبتي .. استراليا رووووووعة شوي عليها صج صج وناسة بس ما اذكر كلش جم كان سعر التذكرة والفندق ابدااا ..بس انصحج نصيحة اخت لا تروحين استراليا مع قروب لانج واااااايد راح تتضايقين راح يقيدونج وغير المشاكل اللي تصير بالقروبات رفيجتي راحت مع قروب لااااااااعت جبدها ..واستراليا مليانة مكاتب سياحية ويتكلمون عربي يضبطولج رحلات ورحلاتها معروفة مو محتاجة مرشد ولا شئ والمكاتب تلقينهم وانتي تمشين بكل مكان .. وفي فندق ضروووووووووووري تسكنين فيه لانه مكانه استراتيجي يم الاماكن السياحية والمطاعم والكافيهات يم شارع البارادايس اللي فيه اللويه والحركة .. الفندق اهو فندق ماريوت وسعره واااايد حلو بعد ارخص من الباجي ..واي استفسار انا حاضرة

 

[درر ستايل]

حبيبتي

انا رحت استراليا سنة 2003
مع سفريات السيد
انا وزوجي وولدي 4 سنوات
كانت الرحلة سنغافوره - سدني - ملبورن - جولدكوست - تايلند
لمدة شهر
وكلفتنا تذاكر وسكن 1800 دينار بدون المصروفات
وكانت الرحلة وايد حلوة مع القروب
وبالعكس ما في اي مشاكل
ما قصر معانا القايد
ودونا وايد اماكن حلوة
بس هم كنا احنا نروح اماكن بروحنا
وفعلا مو صعب سهل انج تنظمين الرحلات مع مكاتب السياحة اللي عندهم
بس القروب يوفرون عليج المواصلات - وياخذون تذاكر حق مجموعه من مكاتبهم فتطلع ارخص عليج
يعني ان شاء الله اذا قايدكم شاطر ماراح يقصر معاكم
وبالنسبه للمصروفات كلفتنا 4 الاف دينار عالراهي
واستراليا وايد حلوه وتهبل ووناسه
وجوهم بارد لان شهر 7 يكون شتاء عندهم
سدني روعه جوها
ملبورن ثلج ولا تطوفج رحلة الثلج وايد حلوة ووناسه بس لا تنسين تاجرين منهم الملابس والزحلاقيه
لان وايد ناس ما ياخذون وبعدين يتحسفون وصج هالرحلة احلى رحله في ملبورن
وجولد كوست طبعا ما عليها كلام
جو وطبيعه واماكن ترفيهية وايد (السي وورلد- موفي وورلد - واماكن ثانيه نسيتهم )كل مكان تقعدين فيه يوم كامل وفيه مطاعم والعاب واسواق وايد حلوه
وطبعا اسواقهم تهبل
وان شاء الله ما اكون قصرت
واي شي تبينه انا حاضرة

 

[شرطيه حلوه]

هلا حبيبتي
أنا وزجي بروحنا كنا رايحين أخذنا الرحلات من مكتب سياحي هناك كل اللي يشتغلون فيه عرب اسمه لاوند وطلعو علينا 10 رحلات 450 دينار
بالنسبه للفندق الماريوت حلو وموقعه عجيييب حجزناه من سفريات السيد كانت ليلته 27 دينار والغرفه ما تطل عالبحر اذا تطل عالبحر يصير أغلى
التذكره كويت سنغافوره استراليا تايلند كويت 450 دينار سنة 2004 الحين ارتفعو تذاكر استراليا
بالنسبه للمصرف غير الرحلات حسبي حق أكلج أسعارهم غاليه بس أرخص من أوروبا يعني مثلا الشاورما تطلع علينا دينار ونص بس وايد كبيره تشبع

 

[Watches]

ودي باستراليا والله .. الله يهنيج فيها

 

[MsKeNa]

انا رحت استراليا سنة 2005
مع سفريات السيد ( واااااااايد كانت الرحله معاهم حلوه والقروب والقايد زينين وايد ).. كانت سعر التذكره كامله عندهم على جريب 800 حاليا صارت اسعار استراليا جريب 1200 .. وبخصوص المصاريف الباجي يبيلها ميزانيه راهيه لانه استراليا غاليه من حيث سوق ورحلات بس كل شي يسوى

 

[Om_Ksha]

بعدددددددددد نبي معلومات ,,