الي خذو حبوب كلوميد من غير وصف طبيب ( عالبركة يدشون )

[Sween]

السلام عليكم

رجعتلكم بنات وهالمره مقرره اخذ كلوميد بس ماني عارفه طريقته

باخذه من غير استشاره طبيب لان ريلي ما يحب هالسوالف و ماشالله عليه يبي وايد يهال

ابي اعرف من وين اخذه و جم سعره و شلون طريقته جم مره اخذه باليوم وشنو اثاره الجانبية

بنات الله يخليكم الي ما تعرف شي ترفعلي الموضوع لاني قليل ما اشبك

للعلم انا متزوجة من خمس سنين عندي بنت وولد الله يخليهم لي و ريلي يبي بعد و بعد وانا الي ماكلتها

لكم المايك

 

[كتكوته حبيبي]

اب اب
ماعندي فكره

 

[c a t w o m a n]

ما عندي فكرة

إنشالله يفيدونج البنات

 

[Zaina-al-zaina]

حبوبه نصيييييحه لا تاكلينهم

انا كنت قبلج ادور الحمال

في البدايه وصفتهم لي الدكتورا وماصار حمل

وقالت الشهر الياي لاتاكلينهم كانت بجرب فيني علاج ثاني

طنشتها وخذيتهم من نفسي ! وماحملت وقالت لي الدكتورا غلط اللي سويته

المهم ماحملت الا بعد ما غيرت دكتورتي هذي بفضل الله لان الكلوميد

مو كل وحده يناسبها ...

نصيحه اخت نظمي دورتج واهتمي فيها وادعي ...

الحمد لله وحده انا حملت بعد مانظمت دورتي الدكتورا الثانيه وعطتني منشط ثاني
والحين حملت بعد حملي الاول بدووووون اي علاااااج !!!

هذي نصيحتي وتجربتي ...

والله يوفقج ...

 

[@ام يوسف@]

ااااب

 

[الأميرة جوري]

مادام تحملين طبيعي ليش العلاج ...نصيحه الحبوب مضرررره ....انا اخذهم علشان عندي ضعف مبايض .....واذا تبين احسن من الكلوميد السيروفين لتقويه المبايض افضل واضمن من الكلوميد

 

[كتالونيه]

ااااااااب

 

[ام اغلى الناس]

مايصير تاخذينهم من غير استشاره دكتور ومتابعة المبايض بالسونار
سمعت عن وحده انفجروا مبايضها بسبب الكلوميد
نصيحه لاتلعبين وتندمين
ياكثر دكاترة العقم وشطار
منهم ماجده اليتامى وفوزيه وكثيييير

 

[أأأميرة الورد]

رفغ

 

[أنهار الكويت]

اقري موضوعي عن الكلوميد والتوام
ترى بنات مافيهم شي بس لاتاخذينهم اكثر من شهرين وابدي فيهم من خامس يوم الدوره ولمده خمس ايام حبتين باليوم او ثلاث حبات وباليوم ال ١٤ من اول يوم دوره روحي لاي دكتوره تسويلج سونار تبويض وتشوف بويضاتج وحجمهم وتعطيج موعد الجماع المناسب يعني بس مراجعه وحده
انا الحمدلله سليمه ميه بالميه وعندي عيال وجربتهم عشان ابي التوأم وماعطتني نتيجه لاني كنت مو شايله اللولب مبجر ولولبي هرموني يأثر على بطانه الرحم
ولا ضرتني الحبوب

واذا تبين في شي ثاني قريت عنه وايد وحبوب طبيعيه اعشاب اسمها vitex وتنظم الدوره اميه بالميه اقري عنهم ودقي عالصيدلي وسأليه عنهم

والكلوميد انا خذت علبتين تقريبا ب ٦ دنانيير

وانشالله الله يرزقج ياارب

 

[دلوعت مودها]

انا مليت من الكلوميد والابر واخر شي قمت ادور على بديل شي طبيعي واخذت من مره عسل والله شي خيال ثاني شهر انا حامل وعالاقل شي طبيعي وان شاء الله مايضر ...
نصيحه جربي العسل واذا مافاد اخذي اللي تبينه بعدين ...
اي استفسار انا حاضر،،..

 

[الدميره ..]

الكلوميد سبب لرفيجتي تكيس