الي حملت بتوام متى بين معاها بالسونار؟

[فينيسيا]

طبعا السؤال واضح
الي حملت بتوام
متى بين بالسونار انها حامل بتوام
ومتى عرفت انها حامل بتوام
وهل في اعراض للحمل تختلف من الحمل بتوام او الحمل بواحد
والله يخلي لكل ام عيالها ويهون على كل حامل حملهاويسهل ولادتها ويرزق كلمحروم آمين

 

[أم حمني]

الللي اعرفه ان التوام يبينون من اول شهر لان الدكتور راح يشوف بالسونار كيسين فهذا معناه توام

 

[البنفسجه]

يبين معاج بالسونار اول ماتحللين انج حامل
ويبين بالسونار التوائم على شكل كيسين وبعدين يصيرون واضحين لما يكبرون شوي

 

[ام جناتي]

الله ونــــــــــــاسة ادعولي اييب توام

 

[oum^zozo]

اللي اعرفه يبين بالاسبوع السادس مع النبض و الاعراض عادي نفس الشي

 

[ZajiL]

انا رفيجتي بين من اول الاحمل جيسين ويابت بنت ولد

والي بجيس واحد مرات مايبين الا بالثالث لمه يبين الجنين عدل ومرات فوق الثالث بعد

 

[داريني]

طبعا السؤال واضح
الي حملت بتوام
انا عندي توام
متى بين بالسونار انها حامل بتوام
انا قصتي قصه
سويت بالاسبوع التاسع
دكتور شاف كيس ثاني بس ما كان متاكد وقال تعالي بعد اسبوعين
وانا ما اهتميت ما توقعت توام
ومتى عرفت انها حامل بتوام
عرفت في بدايه شهر الخامس
ومعنى سويت بالشهر الثالث والرابع بس بين بيبي واحد
بس مشالله بالخامس دكتورة صدمتني قالت لي توام
والظاهر ما بين لانه وحده ورا الثانيه
بس اهيه كانت متوقعه لانه هرمون كان عندي عالي ونساتي قويه
وهل في اعراض للحمل تختلف من الحمل بتوام او الحمل بواحد
مو للكل انا بالنسبه لي فرق من سما للارض من الرابع وانا قلبي ينقطع
واحس بكسل وخمول ودوخه ولوعه وحارج ودمي كان نازل
وطبعا من سادس جني بالتاسع مو شكليا بس ثقل ودقات قلبي تزيد من اقل تعب او حركه
والله يخلي لكل ام عيالها ويهون على كل حامل حملهاويسهل ولادتها ويرزق كلمحروم آمين

مشكوره حبيبتي والفال لج

 

[ذكرى الفراق]

انا بين معاي كيسين في الشهر الاول وبعدين تأكدت لما طلع النبض في آخر الثاني ...

 

[بدوره 22]

مرت حماي مابين معها الا بالثالث

كانوا بجيس واحد ويابت بنات

 

[Q8Lady]

يا حليلكم الله يخليلكم عيالكم التوؤم بس انا عندي سؤال شلون ولادتهم نفس البيبي الواحد ولا اصعب ؟

 

[Emanova]

انا بين معاي بالاسبوع السابع يعني لما رحت علشان اسمع النبض

 

[omm aljawa]

الله يسهل عليكم والله يرزق كل محروم قولو اميين

 

[ما في مثلهااا]

الله يسهل عليكم ويرزق كل محروم

ما عندي فكرة والله

 

[++The DuchesS++]

اذا جيسين يبين بالاسبوع السابع او الثامن
اذا بجيس واحد مرات يطول على ما يبين

 

[توتــه]

اختي تقول من الشهر الثاني تحس بثقل موطبيعي وكانت حاسه ان فيه شئ

بس ما دروا الا بالرابع لان بجيس واحد

 

[م.موون]

السلام عليكم...
انا اول شي بين معاي مبجر حللت تحليل منزلي (بول) عزكم الله قبل اسبوع من موعد الدورة و بين اني حامل لان يكون الهرمون متضاعف عشان جذي يبين بسرعة و سويت سونار بالاسبوع الخامس بين كيسين بس كيس اصغر من ثاني وانا خايفة بس الدكتورة تقولي هذا شي طبيعي يكونون مو كبر بعض و ثالث شي سويت تحليل هرموني طلعت نسبته عالية واايد و ان شاء الله الله يتمم حملي لان عندي موعد يوم 22\7 عشان يتاكدون من الكيس الثاني

 

[ام محسني]

حبيبتي آنه بين معاي من اول سونار كيسين والحمدالله

 

[nana loly]

يبين من الاسبوع السادس الى الثامن

 

[غلاتي غلا]

الله يخليلكم عيالكم ويثبت حملكم ويرزقنا معاكم انشالله

 

[حرم_طيار]

اول ما تسوين سونار يبين على طول لما تسمعين دقات القلب