الي جربو مستشفى الراشد

[كتكوته حبيبي]

السلام بنات شلونكم
بسالكم الي ولدو بمستشفى الراشد شلون عنايتهم والسستترات اهم شي عندي هالشيين ريلي محنج عالراشد وانا ابي دار الشفا لان كمامهم قوي وعنايتهم حلوه اما الراشد ماعرف شلونهم انا دكتورتي من بره فمراح تفرق معاي من ناحيه الدكتوره بس ابي شلون السسترات وعنايتهم نظاف يعني
​

 

[*kim*]

رفيجتي كل ولادتها فيه وتمدحه والله اعلم

 

[KOKO_284I]

ان شالله البنات يفيدونج اكثر

بس سالفه ان الكمام قوي هذي شغله سلبيه مو شي ايجابي

 

[ام فواازي]

والله حبيبتي انا ولدت 3 مرات وماستخدمت الكمام الا قليل احب احس بعيالي لما يطلعون واكون صاحيه هذه احلى لحظه ماابي اكون دايخه مو حاسه بالدنيا
هذه وجهة نظري
بالنسبه للمستشفى مااعرفه كلش ولا مره طبيته

 

[ام ساره 4]

انا ولدت فيه مرتين وكمامهم قوي تنامين وماتحسين بشي وعنايتهم والسسترات زينين ماعليهم بس غرفهم عاديه

 

[yes or no]

النظااااافه اكسسسسسسسسسس وساخه
بولادتج بنت عمي

 

[الجوهرا]

ماتمدحهم اختي كلش لما راحت الطوارئ مارضوا يدخلونها لماتدفع نص المبلغ مع انها والده عندهم قبل هالمرهوقالت انا تعبانه دخلوني قالولها ماندخلج لماتدفعين نصه وراح زوجها وعاطهم وقالهم شنو هالنظام الخايس يقولون هذا نظام جديد والسستر تنادينها ماترد عليج واختي طالبه ادويه منهم الساعه 8الصبح والله ماجابهم لساعه8بليل والجهال قاطينه عندها من الساعه 3العصر لساعه 9بليلولا قالوه نبي البيبي نبدل حفاظه نعطيه رضعته وحلفت اختي ماتروح لهم مره ثانيه واللحين هي حامل تبي تروح مستشفى العرف الكل يمدحهم

 

[kuwaitiya_84]

انا ماجربتهم بس مرت اخوي ولدت عندهم مرتين مره سنه ٢٠٠٤ بنتها البجر ومره سنه ٢٠٠٧ عند دكتوره ايفا الكل يمدحها واهي تمدح المستشفي واهلها كل ولاداتهم هناك

 

[ام الحلوااات]

ااااااااااااااب

 

[انسام الكويت]

عن تجربتي المستشفى زين بكل شي وكل اللي فيه خبره صج انه قديمه بس مو مهم الشكل المهم الولاده وستاف الممرضات والعنايه

واهم شي حطي فبالج التساهيل من ربج سواء ولدتي بالراشد او غيره وبالنسبه بالعنايه الممرضات وايد حبوبات ومعاج اول بأول ويساعدونج ولاتحاتين

هالمستشفى له سنين ومنين ويولودون فيه وهالشي زين احسن من غيره وكافي سعره معقول وزين بس عذروبه الوحيد غرفهم عاديه بس ماشي حالهم وموفقه.

 

[دلووعه نواف]

مووو شششي

 

[تحبني ولا ...]

انا ولدت مرتين حلوه الولاده وماتتعبين والعنايه روعه والسسترات حيل زينات

بس عيبه الوحيد ان المبنى قديم والغرف عاديه حيل

وولادتي هذي ان شاءالله اوولد فيه بس بجرب ايفا هالمره

 

[بيرلا ستور]

روحي وانتي مغمضة
احسن مستشفى للولادة بعد تجربتي
تحسف ما يبت ولدي الاخير فيه
يكفي تصحين تلاقين كلشي خالص وكمامهم عجيب

لااااااااااااااا والف لاااااااااااااااااا للمواساه ولدت بروحي وربي شاهد بس يبون فلوس

صحيح الراشد مبناه قديم والغرف مو كثير بس احس بمليون مرة من كل شي

ولج الخيار

 

[ريح قهوه]

رووووعه انا والده فيه ثلاث مرات عنايه واهتمام والسسترات فضيعين خاصتن اللي معاج بالولاده

 

[نياره]

انا ولدت عند ايفا والله لا اهتمام ولاشي والسسترات اناديهم مايردون علي مع اني بجر

 

[روح الأحزان]

حبيبتي الصراحة كل وحدة وحظها اللي اعرفه وحدة من اهلي ولدت عندهم وامدحته بس يوم امي سوت عمليه عندهم لاعت جبدنا عدل منهم اهتمامهم موذاك الزوود

 

[كتكوته حبيبي]

مشكورين حبايبي ع الردود ماقصرتو انا محتاره بينه وبين دار الشفا بستخير

 

[".شاعريه."]

انا ولدت بالراشد عند د ايفا
الصراحه اهتمااام عجيب مايخلونج بروحج ويساعدونج حتى عقب الولاده يدخلونج الحمام تكرمين ويساعدونج باللبس وصوروا البيبي من غير مااطلب ومادفعت الا عقب الولاده بالعكس
بس اللي يخليني اتردد ان الغرف صغيييييره بس انتي اخذي جناح مهراجا زين وهم في جناح جديد توهم فاتحينه حلو بعد

 

[ام - وهابي]

ما انصح فيه كلش ولدت عندهم مرتين وتبهذلت بس كنت اروح لانه مرتاحه حق الدكتور بس توبه ما ادشه بعد

 

[الوردة المكنونة]

ولدت فيه مرتين السسترات بغرفة الولادة فوق الممتاز
والكمام روعه ما تحسين باي الم

ولدت بدار الشفا كمامهم اخف من كمام الراشد