الي جربت بذرة الكتان تدخل ضروري

[بعثرهـ]

السلام عليكم

شخباركم بنات

اليوم اول مره استخدم بذرة الكتان عشان اضعف

ملعقه طحنتها شوي تكون مجروشه وحطيتها مع الشاي الاخضر وشربتها ع الريق الصبح

وحطيت ملعقه مع السلطه الغدا

خواتي خوفوني يقولون تسبب عقم

منو جربتها وضعفت وصج تسبب عقم ولا لا

تكفون جاوبوني :eh_s(16):

 

[بعثرهـ]

؟؟؟

 

[بنفسجيه_Q8]

حبيبتي انا سمعت وقريت بالنت تسبب عقم وتأخر بدوره الشهريه ولخبطه بالهرمونات


بشكل عام كل شي ان زاد عن حده انقلب ضده


بنت عمي كانت تستخدم بذره الكتان قبل عرسي وتاأخرت بالحمل سنه ونص
لانه يوم تزوجت كانت تأكلهم
قال لها دكتور هذا كانها حبوب منع الحمل


والله كريم هذا اللي اعرفه

 

[ميـريام]

انا اخذه قفشه صغيره مع روب قبل النووم والله الحافظ

ومثل ماقالت البنت اللي فوقي اي شي زاد عن حده ينقلب ضده لاتكثرين وماكو الا العافيه

 

[بعثرهـ]

مشكورين حبايبي

الله يوفقكم ويرزقكم الي تتمنونه

 

[حنانو 89]

شكو عقم أنا دكتورة التغذية نصحتني فيه قالت ا معلقه بذر الكتان مطحونة مع السلطة بس أنا ما أخذها للضعف بس عشان تعوضني عن حبوب اوميغا ٣ قالتلي بذور الكتان احسن من الحبوب

 

[بعثرهـ]

عيل راح اكلها ويا السلطه نفسج ويارب اضعف

مشكوره فديتج الله يوفقج ويرزقج بكل الي تتمنينه

 

[متجر جنات عدن]

لللرررفع

 

[ميـريام]

اليوم قريت معلومه وحبيت افيدج فيها
بذر الكتان تطحنينه يووم بيومه وتحطينه بالثلاجه لانه بسرعه يفقد فوايده بالكثير تستخدمينه يومين عقب تطحنين يديد
هالكلام من اخصائي تغذيه

 

[بعثرهـ]

اليوم قريت معلومه وحبيت افيدج فيها
بذر الكتان تطحنينه يووم بيومه وتحطينه بالثلاجه لانه بسرعه يفقد فوايده بالكثير تستخدمينه يومين عقب تطحنين يديد
هالكلام من اخصائي تغذيه

اي انا اطحن كل يوم ملعقه واستخدمها ع طول ما اخزنها مطحونه

نورتي الصفحه حبوبه :eh_s(7):

 

[دلال كووول]

مرحبا اختي انا اعرف انها مفيده للجسم وفيها اوميجا3 للجسم وللتخسيس وايد مفيده بس الكل نصحني ملعقه واحده باليوووم وما تزيدين اكثر من جذي و الله يوفقج يارب​

 

[بعثرهـ]

مرحبا اختي انا اعرف انها مفيده للجسم وفيها اوميجا3 للجسم وللتخسيس وايد مفيده بس الكل نصحني ملعقه واحده باليوووم وما تزيدين اكثر من جذي و الله يوفقج يارب​

اي اكل ملعقه ف اليوم مشكوره ع الرد:eh_s(7):