الي تعرف عن العنقز ادش

[بطgطه]

السلام عليكم ......
بنات بسألكم عن مرض الجدري المائي (العنقز)
الي فيه هذا المرض متى يقدر يتسبح
انشالله انكم تفيدوني

 

[الغاليه نونو]

ايييييييي يمه يتسبح عادي بالعكس السباحه تبرد علي الحبوب ويخليها تطخ وماتحك
والعنقز بالصيف احسن من الشتا طبعا مو هالايام الجو فيه بروده شوي قصدي ايام الحر اللواهيب اللي فيه عنقز يتسبح بالبحر تبرد حرورة العنقز وبسرعه تنشف الحبوب ويتشافي بإذن الله المريض

 

[بطgطه]

تسلمين حبيبتي
بس انا وايد ناس حيروني الي يقول عادي وبعضهم يقول مو زين بعدين يرد تطلع الحبوب
مشكوره يعطيج العافيه

 

[ii DareeN ii]

يتسبح عادي وعقب تحطين الدوا الابيض الي يبرد بعد انا يوم ياني وانا صغيره يابولي ماي بحر ليش مادري بس لاتحركون ولا تحكون النفر ماله لان يعلم وماتشوفون شر شنو غثيث هالمرض

 

[lady_flana]

حبيبتي انا اول ما يالي انا كبيرة عمري 23 سنة .. وكان الطبيب اللي اراجعه لما سالته عن التسبح وكان شتا وبرد بعد مو صيف قالي عادي بس ماء دافىء وماكو تفرك..عشان الحبوب ما تنبط ويظل اثرها...وصج حمامي كان مرتين واكثر باليوم وبعدها احط الدوا الابيض..مااثر بجسمي مع انه طلع لي وايد حبوب وكبار الحمدالله..ومع العلاج بالجلدية بعدين راح كل شي الحمدالله...بس يمكن حبة او ثنتين تذكار ههههه

 

[لوكريسيا]

يقدرالمريض يتسبح بس بدون تفرك و حتى الشعر غسليه بالشامبو من فوق لي فوق بس .. انا شهر يناير اللي فات حاش ولدي عمره 5 سنين و نص و كان بالشتا بس عندي احسن من الصيف كنت اسبحه و ما احط له الدوا الأبيض على طول و بروحه نشف و طاح و الأثر قاعد يروح ..

انا يانب و انا كبيرة 16 سنة و بالصيف حيل تاذيت لأن حر و أتحكحك وااايد و كله راح بس ظلتلي وحدة تذكار

 

[بطgطه]

تسلمون حبايبي مشكورين افدتوني
انا الحين يايني على كبر
وعقب ماقريت ردودكم تسبحت كنت خايفه اني اتسبح
يعطيكم الف الف عافيه

 

[أم غمازه]

اتوقع تسبحين باي وقت ونصيحه مجربة علشان ما يترك اثر في جسمج كثر ما تقدرين غسلي جسمج بالمره كثر ما تقدرين

 

[كرستال]

انصحج بطوطة لا تسبحين إلا بعد أربع أيام

 

[ضحـاوي]

انصحج ما تسبحين ولو ان نصيحتي متاخره

بس اتمنى افيد الباجي

السبوح يطلع اثر للحبوب للجسم

 

[مذهلة كويتيه]

انا عيالي جاهم العنقز بالجمله ثلاثتهم شنو تلعوووزت بس سبحتهم عقب 5 ايام تقريباا هو اذا نشف يطيح بروحه ومن 4 اسنين وللحين واحد من عيالي اثر العنقز وحده كبيره سودا بخشمه حسافه مخربه المنظر هههههههههههه وعقبهم جا لولدي الصغير عمره كان قبل سنتين 3 اسنين بس والله يابنات شاف الموت جاته حراره داخليه وانا مادري مع اني احط له الدوا وعادي بس الداخليه ماتبين وفجاااه طارت عينه فوق ورجفه غريبه واحس طاير من عالارض من كثر الرجفه وعينه السوداااء ماقامت تبين وانا قعدت ابجي :eh_s(16): :eh_s(11): وماكان ابوه موجود مسافر واطير مع سايقنا الشهم الشجاااع والله اني ابجي واقول له يامحمد خالد مات بسرعه بسرعه وطفنا كل الاشارت والناس تطالع ونطق الهرنات بس ابي اوصل المستشفي باي طريقه ذكرتوني بهاليوم الله لايعوده والله ادخل واخوي قلت لعيالي يدقون علي خالهم يلحقني وجاني بالمستشفي ويطالع السسترات عادي عندهم و3 دكاتره متجمعين:eh_s(20): :eh_s(10): ويقولون مو عارفين شفيه:eh_s(10): مو تشنج مادري شنو وهم قاعدين يتكلمون بكل برود وانا اصارخ اقول بسرعه ولدي ماااات وياخذ اخوي دشداشة ولدي النوم ملبسته بدون حتي سروال عشان اخف له لان عنقزه قوووووي حيل وقام اخوي وشق دشداشة ولدي نصين ويدخله داخل الحنفيه تخيلوووا ولدي بين الحيا والموت وهم يطالعونه حسبي الله علي مستشفي العدان:eh_s(13): وكانت حرارته فوق ال40 يابنات المهم قالوا بنوديه بالاسعاف للامراض الساريه وماراح تروحون ليما تنزل حرارته المهم ركبنا الاسعاف اللي جنها من ايام الخمسينات تضحك تصدقون اقول للسستر:eh_s(13): عطيني ترمومتر قالت مافيه قلت لها ليش جايه معاي جنج رايحه ززززفه قالت لازم عشان يودي ملف مال ولدج قلت لها ولدي يطبخ حاااار بيموت قلت لها مافيه كمادات قالت لا وانا معبيه ماي صحه بارد من دخل الطبيب تحسب للطوارئ وقعدت اكمد ولدي ليما وصلنا للامراض الساريه قال الطبيب اشلون جايبينه واهو حرارته 40 واشلون مافي كمادات ولاشي بسرعه حطوا له ادرررب وابر وعلاجهم ممتاز وقعدنا اسبوع وكان اسؤا اسبوع في حياتي مثل الكابوس واااسفه عالاطاله ههههههههه طولت عليكم لانكم ذكرتوني بالعنقز:eh_s(3): :eh_s(3):