الي تعرف شي عن طالب الشمري تدخل....

[مشتاقة للاهل]

مرحبا بنات

انا ان شاء الله بروح الكويت الاسبوع الجاي وابي اروح لدكتور طالب

وابي اعرف عنوانة .....وهل لازم احجز قبل مااجي ولا عادي ادخل العيادة على طول


وابي اعرف وش رايكم فية هل يشجع على النزول ولا عادي مايهتم

قصدي يحفز الي يجونة كل مرة

 

[sheraZia_Q8]

انا راجعت عنده
اول شي الدكتور غشمرجي ((يحب المزح)) واخلاقه عاليه يونس ويشجعج على النزول بس لازم تمشين على النظام الي يكتبه لج وتسوين الي يقولج عليه ((اذا في نوع معين من الاكل تحبينه قولي له لا تستحين ))

فتح الملف ب20 اتوقع
كل زياره ب5
يمكن يوصف لج حبوب تمشي البطن انا ما وصفها لي بس في ناس يوصفها لهم
كل اسبوعين تراجعينه

هذا تلفون العياده 22455637
22455638
الله يوفقج انشالله حبوبه :**

 

[modern]

رد : الي تعرف شي عن طالب الشمري تدخل....

الله يوفقج و تنزلي بصحة و عافية

 

[miss disaster]

بس حبيت اعدل معلومة الاخت اللي فوق اللي فوقي

فتح الملف ب 15 مو 20

والله يوفقج

 

[مراسي الشوق]

رففففففففففففففع

 

[إستبرق]

خوش دكتور محترم وبشوش واحب رجيمه ويشجع

 

[مشتاقة للاهل]

مليون شكر لكل الي ردو علي

ومالكم الى الدعوة الطيبة


بس بعد ماقلتو لي لازم احجز موعد ولا عادي ادخل على طول

 

[بطاطا]

البنات ما قصروا

و دقي ع العيادة و سالي اذا حجز و لا عادي

لان هالشي يكون حسب الضغط عليه

 

[Q8stylle]

البنات ما قصروا

 

[مشتاقة للاهل]

الله يجزاكم الف خير والله يسعدكم بالدارين
صدق ماقصرتو
كفو والله

بدق واشوف الله يسهلها لي يارب

 

[om MaRyooM]

مادري ماأنصحج فيه

ماعجبني على قد ماطيروه لي للسما


يعطي نفس الجدول حق الكل ! ونصايحه مو شي

مع ان اذا اتبعتي جيمه بتنززلين بس مادري ليش ماارتحت واايد حقه

مرة قتله ليش كله خضاار عالغدا مايصير دياي مشوي مثلا ؟ .. تخيلي جان يقولي شتبين باللحوم خليها حق المتان !!!

تكفين شنو هالرد الله يصلحه لووول