الي تعرف بدبي واسواقها تدخل

[ألمـاااس]

شلونكم بنات ؟؟

حبيباتي انا امس وصلت لدبي بسفره مفاجاه ما امداني ارتب واسوي سيرج

الي تعرف بدبي ابي منكم ...

محلات الجنط واسم المجمع الي فيه المحلات

محلات البخور والخلطات العطور ابي اسم البخور او الخلطه واسم المحل الي يبيعها وباي مجمع

محلات البهارات الزينه واسمها ،اسم المحل

محلات الساعات الحلوه واسم المحل والمجمع

محلات العبي وباي مجمع

محلات القماش يعني ابيلي خامات حلوه وباي مجمع او سوق

بالمختصر ما ادري شنو الشي الزين ابي تعلموني شنو اشتري من دبي انا اول مره اسافرلها وماعندي خبره في بضايعهم الزينه

يعني اشوف الناس تروح لدبي وتجيب كل شي زين بس والله محد يعلم من الناس الي حولي

لا تقصرون معاي فديتكم

 

[أم سيف وسلطان]

محلات البخور عندج الياس وانفاسك دخون تلقينهم في دبي مول الطابق الاول

والقطع اممممم سوق مرشد والشنط سيري الكرامه او دراغون مول

والساعات في كل مكان حبيبتي وحلات العبي من ابوهيل وفي السطوه بعد مجمع فيه محلات عبي حلوه

 

[نورآ]

اختي ام سيف كفت و وفت..

انصحك بعد تروحين القرية العالمية, لاتطوفينها

 

[كنوشة 2009]

الجناط الماركات في دبي مول والامارات مول
بس دبي مول اكثر والخامات في الغرير

 

[ألمـاااس]

فديتكم لا خلا ولا عدم يا رب

انزين تكفون انا والله مرشحه وما اشم شي خشمي مسكررررررر من وصلت صابتني انفلونزا

ابي اسماء بخور وخلطات للملابس تكون حلوه والله ما اقدر اشم شي

 

[جروح ودموع]

روحي سوق الذهب يمه وااايد محلات متخصصين بالخلطات والعطور الشرقيه والبخور والمعموول وخمريات الشعرر

 

[بنت الشامسي]

منكم نستفيد

 

[مبرد اظافر]

بالنسبه للعبي و الخامات سوق مرشد و افتري قيه عدل تلقين اشياء روعه
بالنسبه للبخور انفاسك تلقينه بمجمع دبي مول فوق كشك
الجناط والاكسسوارات السوق الصيني

 

[ألمـاااس]

مشكوووورين للي ردووو عالموضوع


بس بسالكم عن بخور ام خليفه وين احصله؟؟؟

 

[ضي الغلا]

محلات الجنط واسم المجمع الي فيه المحلات

اذا تبين ماركات عندج الاوت لت و دبي مول و الامارات مول و اذا تبين تقليد عندج سوق التنين يعني الصيني و سوق الكرامه

محلات البخور والخلطات العطور ابي اسم البخور او الخلطه واسم المحل الي يبيعها وباي مجمع

عندج مطار دبي فيه عطورات حصريه ما تنزل الكويت الا بعد فتره و عندج باريس غاليري عنده الهند للعود و الشيخ عبدالله روووووووعه هذول الاثنين و عندج سوق مرشد كله عطور عربيه و عند عطور الفارس و اعنفر او انفر اخربط بينهم و نسيت اذا ذكرت ارجع موضوعج

محلات البهارات الزينه واسمها ،اسم المحل

ما اعرف بالضبط بس اعتقد في السوق الايراني و عندهم ربيان يابس حجمه كبيره اهو جامبو حلو

محلات الساعات الحلوه واسم المحل والمجمع

في كل المجمعات

محلات العبي وباي مجمع

ابو الهيل و في حمرعين و الغرير

محلات القماش يعني ابيلي خامات حلوه وباي مجمع او سوق

ما ادري اشوف امي و ارد عليج


و ان شاء الله اكون فدتج يا قلبي و اي شي تبين قولي لي

 

[ألمـاااس]

تسلمين يا ضي الغلا فديتج والله

بنات الي تعرف عن بخور ام خليفه وين احصله؟؟

 

[منوشة قلبي]

حبيبتي بخور ام خليفه تحصلينه بالقريه العالميه قسم الامارات انا رحت له وسالت ودلوني على مكانها
بس صراحه ماعجبني والناس اذواق اللي صج روووعه بخور الياس

 

[ألمـاااس]

تسلمين على الرد يا قلبي