الي تطلقت وارجعت لزوجها

[ام عيالي]

حبايبي انه بغيت اسال الخوات الي تطلقو وردوهم رياييلهم يعني ردو عادي وضعهم مع بعض مثل قبل ماختلف شي ولا ردت وغصه بقلبها وغصبن عنها واشلون صارت حياتها اقبالها علا الحيات نقص شنو صار بالضبط *هل اهو قالها تندمت ومابي اخسرج ولا مابينلها شي هل اهدي اتحس ان حياتها علا محك لانصارت اتحس بالامان معاه وهل تسكت علا شغلات وتنذل عشان مايتكرر الي صار

 

[الذوق والرقه]

انا تطلقت وكنت شايله من بالي اني ارد وطولت قعدت 3 سنين مووشوي تتقدملي 2 بس استخير ومارتحت وسبحانه رديت لزووجي
بس قبلها مارديت الا اني حسيت انه يبي يرجعني وقعدت وياه اول مره مدري حسيت انه يكاابر مع ان الغلط كان مشترك بينا وكان يردد حرام البنت
تربى بدوون ام وابو صرااحه تضايقت من اسلوبه بس رديت له لاني صراحه ابيه واحبه وعشاان بنتي ومافيه عيووب طلاقنا سببه سخيف بس كبر بالعناد
والحييييين ردينا لبعض بس اتفقنا من اول يوم دخلنا فيه شقتنا ان الماااضي خلاص وماتناقشت معاه ليش طلقت اول ليش سويت جذيه خلاص بدايه جديده
والحمدالله هوو تغير وانا تغيرت وابحين احسن من قبل بوووااااجد صدقيني ابدي بدايه جديده المشاكل القديمه مو تنبشين فيهااا واذا تحبون بعض بتستمرون وموفقه ان شاء الله امبيييييه قرقت واااجد اعذريني

 

[نياره]

الله لايجيب الطلاق ويخليكم لبعض

 

[ام عيالي]

اب
اب
اب

 

[ام عيالي]

اب
اب
اب

 

[لمى...]

ماعندي فكرة الله يسخر لج ريلج

 

[••غـلآًهْـم••]

الله يهديكم لبعض

ويصلح مابينكم

 

[اسيرة شجونك]

اب اب اب

 

[نور و نار]

على حسب سبب الطلاق حبيبتي .. وعلى حسب المدة
يقولون ان ماكو شي يرجع لحالته الاولية .. لكن يختلف الامر مثلما قلت لج

الله يسعدج مع زوجج ويبعد عنكم بنات الحرام ويسخره لج << آآآآمين

 

[زوجة عزيز]

أنا تطلقت منه مرتين وردينا لبعض بس الثقه انعدمت للأسف

 

[أم ميميتو]

الله يبعد الطلاق انا احس لو تطلقت من زوجي مارح اقدر ارجع و أعيش معاه مثل قبل واحس الريال اذا طلق مره خلاص تصير الكلمه عنده سهله و يقولها بأي وقت و اكثر الي اعرفهم ما قدر يرجعون حق ريايلهم بعد الطلاق

 

[ام عيالي]

اب
اب
اب

 

[ام عيالي]

اب
اب
اب

 

[{عسوله مطير]

أنصح الي تطلقوا ورجعوا


ماينبشوا عن ماضي ..والرجال أذا رجع مرته يعني يبيها وهي لاتكابر خاصه أذا كان بينكم أطفال حرام والله ​

 

[*uM_MiMi*]

رجال عن رجال يفرق... و اعتقد في ناس بالها طويل واتطوف و تتاقلم و في ناس لا يعني اي مشكله تصير تقول بينها وبين نفسها انا شلي حدني عل رجعه لو ظالين مطلقين احسن وعلي حسب المشاكل احيانا اللي انكسر لا يمكن ينصلح مهما حاولنا نرقع فيه<<<

حبايبي انه بغيت اسال الخوات الي تطلقو وردوهم رياييلهم يعني ردو عادي وضعهم مع بعض مثل قبل ماختلف شي
لازم يكون فيه اختلاف عيل شلون بتحل المشكله اللي سببت الطلاق
ولا ردت وغصه بقلبها وغصبن عنها
احيانا نرجع عشان خاطر اليهال مو لسواد عيونه
واشلون صارت حياتها اقبالها علا الحيات نقص شنو صار بالضبط
يعتمد علي حالتها النفسيه في ناس مسكينه تاكل بنفسها واهي ساكته لما تندمر نفسيتها
*هل اهو قالها تندمت ومابي اخسرج ولا مابينلها شي هل اهدي اتحس ان حياتها علا محك لانصارت اتحس بالامان معاه وهل تسكت علا شغلات وتنذل عشان مايتكرر الي صار
لازم يكون فيه احساس بالامان هذا اقل شي ولا شحقه تردله اذا بيسوي حياتها رعب

 

[ديانا سبنسر]

اب اب

 

[جلكسيه اس 3]

انا الي اعرفه
الي مطلقه طلاق بائن. ما يصير ترجع له
الا اذا تزوجت و ما اتفقت مع الثاني اهني يصير يرجعها و بمهر يديد
ودي اسمع قصص بعد
انا عن نفسي احس مابي لانه خلاص انسان بااعني و تخلا عني. بس اذا صار شي و لمح برجع عشان اعيالي و بس

 

[انثى عاشقة]

اعتقد يختلف من شخصية للثانية
ع حسب الريال والمرة
بس الغالب ينكسر شي بينهم مو مثل اول ​