الي تركب اظافرها بالبيت تسااااااااااااااعدني... بلييييييز

[روحي تحبك...]

بسم الله الرحمن الرحيم



شلونكم بنات شخباركم؟؟


بنات بما ان العيد قرب وما بقى له شي

وابي اكشخ واركب اظافر...مابي اركب اظافر بالصالون
اشتريت اظافر وبركبهم بالبيت بس ماني عارفه شنو الصمغ الي اركبهم فيه


رفيجتي تقولي انها تركبهم بصمغ حديد


ومتردده احط صمغ حديد..لان اذا شلت الاظافر راح يبقى الصمغ عالاظافر

ووراح يحجب ماي الوضوء



فالي تركب اظافرها بالبيت شنو الصمغ الي تستخدمينه؟ ويبقى عالاظافر بعدين ولا ينشال بسرعه


واذا تركب بصمغ حديد... شنو توخر الصمغ عشان ماي الوضوء؟؟




لان بنات انا بركبهم واشيلهم بنفس اليوم



بلييييييييز لا تطنشوني

 

[Zhoor el7lwa]

اب اب اب

 

[manoooram]

حبيبتي في الصمغ اللي ايي مع الاظافر جربيه بسرعه ينشالون
اما اذا بتحطين مال الحديد مممم اتوقع يتم

 

[عاشقة وطنها]

مال الحديد وعقب حطي إيدج بماي حـار ويروح

أما الصبغ اللي مع الاظافر ماأنصحج بيطيحون بسرعه

 

[روحي تحبك...]

فديتكم بنات ما قصرتوابس اكيد بيروح من الماي الحار؟؟ بجرب قبل ما اغامر يسلمووووووبس ابي بعد نصايح

 

[reemiya]

نصيحه اخختج الي ادمنت تركيب الاظافر


لا تركبين الا اذا عليج عذر شرعي وماتصلين

اما سالفت تركبينها وتشيلينها بيوم والله تتعبين

وغير جذي خلي اظافرج لو كانت قصيره صبغ الاظافر الحلو ومنيكير يطلع شكلهم حلو

بس تركيب حق يوم وتشيلينه ياذي الظفر وخاصه صمغ الحديد لا تسوينه ديري بالج

 

[روحي تحبك...]

ريميه كسرتي مجاديفي لووووووووووووووووووول

انا ادري بيأذي الاظفر بس انا بحطه اول يوم العيد لان بتصدف مع العذر الشرعي

ومابي اطول فيهم حيل

وبعدين الاظافر الطويلة احلى... يبووووووووي

شلون الحين

 

[reemiya]

اذا اول يوم عذر لج نصيحه روحي حطيهم بصالون

لان تقريبا اسبوع واقل من تحطينهم بماي دافي بيطيحون صدقيني


بس لا تحطين بالبيت وانا نصحتج من باب النصيحه

وكا انا والله اظافري ميته عليهم للاسف للحين قاعد اعالجهم

اهوا حبوب اهوا زيوت مابقى شي ما سويته

قاموا يتكسرون من النص وانتي بكيفج

خوو الكشخه مو بس حق يوم واحد خليها ايام العيد كله

 

[روحي تحبك...]

مو يا ريميه المشكلة مو بس بالصمغ

حتى بالاثر الي راح يبقى من الصمغ

انا ابي مساعدتكم بخصوص شنو الصمغ الي يروح بسرعه وما يحجب ماي الوضوء

وحده من الخوات الي ردت علي تقولي اذا حطيتي صمغ حديد وشلتي الاظافر

حطي ايدج بماي حار ويروح الصمغ وبجرب اليوم اشوف يروح ولا لا

 

[angel94bloushya]

اختي ماينفع الا صبغ حديد
اللي ايي مع الاظافر خرطي عل طول يطيح ويفشلج
بس ديري بالج تحطين صبغ حديد كل يوم وكل مره ترى اظافرج تخترب وتتشوه
يني حطيه بين مناسبات اسبوعين مره
حطي ايدج بماي دافي او شي بعدين خليه شوي حار ترى بصعوبه ينشال بس عادي ستانسي بالعيد ههههه انا بلبسهم ثالث يوم بس

 

[روحي تحبك...]

والله يا بنات شكلي ما راح اركب اظافر


لان امس جربت وحطيت صمغ حديد .. ولمن كنت بشيل اثر الصمغ ماااا راااااح


حطيت بماي دافي هم ما صار

حطيت ماي حااار هم ما صار

اخر شي حكيت اظفري بالمبرد وراح وصار شوي خشن



انا قلت لكم مشكلتي مو بالاظافر بالصمغ الي ما يرووووح


ماني عارفه شنو احط

 

[فـسقانه]

اب اب اب

 

[روحي تحبك...]

يا ويل حااااااااالي

 

[زبــــــــدة]

احسن شي صمغ الحديد ...

واذا بتشيلينهم نقعي ايدج بماي حااار ... وحاولي تشيلينهم شوي شوي ...

وبعدين الصمغ شيلي بمرد اظافر ..واسيتون كثر ما تقدرين بس ديربالج شوي شوي على اظافرج الصجيه

 

[the-angel]

انا استخدم صمغ الحديد

وبعد ما اشيلهم احك االلي باقي من الصمغ بمبرد

 

[كـراميل]

ماقصروو البنات...
uup​

 

[الخالديّـة]

حبيبتـي أنا أشتري اللي يصيرون بسنتر بوينت , الصمغ اللي مع الأضافر يدوم أكثر من
أسبوع بـس أذا نقعتي أيدج بماي تقدرين تشيلينهم , يبقه أثر الصمغ , حطي أي زيت
عندج و بردي أضافرج من الويه و عقب لمعيهم , يصيرون أوكي ..

و أكو نوع ثانـي اللي الأظافر نفسهم فيهم صمغ حق بس يوم , بدون صمغ ..

و عيدج مبآرك و عسآج من العايدين السعيدين حبيبتـي ..​

 

[روحي تحبك...]

يعطيكم العافيه بناااااااااات ما قصرتوا فديتكم


وعيدكم مبارك

 

[جروح ودموع]

في صمغ خاص لتركيب الاظافر ينباع بروحه عند الجوثن اعتقد بس نصيحه انا اظافري تشوهت وصار فيها تعرجات من تركيب الاظافر

 

[كوكو_شانيل]

اب اب اب