الي بلش معاها الثقل من بداية الخامس شنو طلع فيها

[كتالونيه]

مرحبا
حبايبي الي بلش معاها الثقل بداية الخامس شنو جابت
انا اتوقع بنت لانه الثقل جاني ببنتي الي صار معاها
العكس حياها نتناقششش
ولو سمحتووو الي يدشون يرفعون الموضوع بدعاء
لكل محرومه

 

["*آآآنؤؤؤقهـ*"]

الله يهون علييييج

 

[Ga6waah83]

الله يهون عليج وعلينا ويرزق كل محرومه يارب
انا بالرابع واحس بالثقل ولي الحين ما رحت شفت شنو فيني الموعد اللي طاف البيبي مسكر ريله

 

[أإلع ـشق دلع ـهـأإ]

ماله شغل حبيبتي

كل حمله غير عن الثانيه وكل مامتنتي وكبر حجم البيبي بتحسين بثقل اكثر

ماله شغل بالجنس اببببببد

والله يرزقج ماتمنين يارب

 

[أأأميرة الورد]

ماله شغل الثقل كل ما تتمنين ويكبر الياهل تحسين بالثقل

 

[سمراء كويتية]

والله انا من الرابع وانا من الثقل جني بالتاسع وفيني بنت والي سمعته انه البنت حمالها ثقييييل

 

[ام عجمية]

انا بالخامس بس موحاسه بثقل بس عوار
بالظهر والحوض بس واعتقد الثقل بالسابع

 

[بنفسجيه_Q8]

الله يهون عليج انا ثقل صار من سابع وجيت بنت

 

[تبطي عظم!]

بحملي بالبجر كنت احس ان رحمي ثقيل من حللت اني حامل مع انه ماطلع بطني الا بالسادس

الا ان حمالي من بدايته لين ولدت كان ثقيل وجبت ولد

حالياً

ما احس بثقل كلش للحيني خفيفه من بداية الحمل مااحس بشيء وهم فيني ولد


اعتقد ماله اي علاقه

 

[ام عجمية]

انا اعتقد ان الثقل ماله شغل بجنس البيبي

 

[latkt7as]

والله انا حسيت بالثقل والتعب من الرابع
مادري من الدوخه الي احسه لانه فجاه يغمي علي

وماله علاقه بجنس البيبي كلش اتوقع له دخل بالتغديه
لاني بحملي هذا مهمله حيل حتئ ادويتي
اما بولدي كنت حيل اهتم وماحسيت بالثقل الا بالثامن
والله يرزق يارب كل محرومه ويفرح قلبهم يارب

 

[Ranoon]

انا بجر والحين بخامس للحين ما أحس بثقل الحمدلله


بس لنا اشتغل وانظف وأتعب
ارتاح وأحس بطني ثقل بس خفيف عادي
من تعب تنظيف شقه

 

[نونا**]

انا بعيالي حملي ثقيييييييل

اما بالبنت احس اخف

 

[فـراوله]

عندي ولدين واثنينهم أحس عادي الثقل بلش من السادس أو السابع

وأختي يوم حملت ببنتها كانت تحس بالثقل مبجر ويبين عليها تعبانه

بس أكيد هذا مو مقياس على حسب كل حمله وكل وحده أدرى بنفسها

والله يسهل عليج يارب



​

 

[حروف من ذهب*]

اعتقد طبيعي الثقل والتعب يبتدئ بالخامس لان الجنين يكبر والله يرزق كل محرومة عاجل وليس اجل

 

[شروق &]

مالهادخل اناجبت بنتين وولدوكل حمل مختلف

 

["*آآآنؤؤؤقهـ*"]

الله يهون عليج

الحمل ثقل بثقل بنت او ولد

 

[نرجس 2]

حملي في بنتي كان
اوحام صعب
وكنت نافشه يعني اسمنت واتنفخت
وكنت ثقيله مره

 

[كتالونيه]

بنات انا مامتنت بس
الثقل بداخلي ذابحني
يعني اكل ابي انسدح واذا طلعت مستانسهً
اوقف خمس دقايق وبعدين اتعب حيل
سبحان الله نفس حمالي بنتي الثقل حيل ذابحني
فابعرف هل العلامات بالبنات بس
يارب تهون علينا وتقومنا بالسلامه

 

[^ دانة الزين^]

الثقل ماله شغل إذا بنت ولا ولد