الي الشعر راح نهائيااا من جسمهم بالليزر يدشون ما عليهم امر

[reem alflla]

:eh_s(17):السلام عليكم ورحمة الله وبركاته :eh_s(17):

بنات الي خلصوو جلساتهم الليزر والشعر راح نهااائيا

ياريت كل وحده تقولنا بعد جم جلسه راح من جسمها

وادري كل جسم له طبيعته بس ياريت كل وحده تقول عشان نعرف تقريبااااااا جم جلسه الوحده تحتاج


وهل راحت المسامات الي بساقكم وصارت صبه وحده او لا ؟؟

وعفيــه الله يخليكم لحد يذكر عيادات عشان لايصير دعايات على حسابنا ياما كليتها والسبه الي يمدحون شي واهوا خرطي

وبس شااكرتلكم

 

[ام فهد وناصر]

انا راح من المنطقة الحساسة صارت ناعمه وملساء وايديني وارجولي تونب مسويتهم وبديت احس بنعومه شوي
بس يي لي كم جلسة عشان اوصل للي ابيه

 

[LaDantel]

انا سويت ريولي كامله و منطقه البكيني و الباك

الريول خلصت 8 جلسات .. الحين الشعر خفيف بس فيه شعر

البكيني خلصت 8 جلسات و لي يومج موجود الشعر لكن خف وصار انعم

الباك .. ماكو اي تغيير مذكور و هم خلصت 8 جلسات


سويت عند سلطان العتيبي

 

[جذابه بنت ذيابه]

اب لعيوونج

 

[moon23]

اتقوا الله ترى وراكم حساب ما يجوز كشف العورة المغلظه الا لزوج. يعني اللي تسونه يغضب الله وكيف يتعيشون والله غاضب عليكم راح ينزع منكم التوفيق والراحه والسعادة بينكم وبين أزواجكم. اللي تسونه ما راح يكون له فايده لانك سويتي اللي يغضب ربك عشان رضا زوجك وهي مصيبة اكبر واعظم لان لا طاعة للمخلوق في معصية الخالق عزوجل

 

[مشاغبة في الظل]

فعلا شي غريب ( تاج المرأة حياؤها ).

 

[England Chick]

افضل الشمع حلو فيت يخفف الشعر
​

 

[sverige]

اني سويت ٤ جلسات لرجلي وحسبت بفرق كبير الحمد لله والشكر
بس للاسف وقفت بسبب الحمل
حسب الاحصاءات المعدل هو ٧-٨ جلسات وممكن اكثر ممكن اقل حسب الجسم ورده فعله بس الاغلب هو ٧

 

[sverige]

نصيحه اذا الشعر ناعم لتعذبين نفسج وتهدرين فلوسج لانو الليزر للشعر الخشن فقط عن تجربه الاماكن الي بيها شعر ناعم متاثرت بالمره

 

[reem alflla]

ام فهد وناصر

زين ماشاء الله وناسه الشعور مدام بديتي تحسين بفرق استمررري ولا تقطعين عشان ما تخترب النتيجه

Ladantel

بيــــه ما شاء الله وايد 8 جلسات تره بس ان شاء الله جلسه جلستين يروووح نهائيا

جذابه بنت ذيابه

مشكوره حبيبتي :*

moon 23

ماتشيلين شيره بصالون ؟!

مشاغبه في الظل

ماتشيلين شيره بصالون انتي بعد ؟!

england chick

الشمع يعووووور بس اهم شي مناسبج ومريحج :*

sverige
الحمدالله ونااااسه اذا حسيتي بفررق ويالله ان شاء الله بس تقومين بسلامه تستمرين ويروح نهائيا

واي صاجه الشعر الناعم اذا سويتيه ليزر يززيد فماله داعي الي شعرها خفيف وناعم تسويه

_____ شااااكرتلكم مشاركتكم وتجررربتكم :*** _____
_______________________________________________________________


لوسمحتو بنات حبيباتي خواتي :** لحد يطلع بره الموضوع الاساسي الي موعاجبها الموضوع وقناعاتها ضده لا تشارك تطلع من الموضوع عشان لايصير اختلاف ونقاشات ونشط عن الموضوع

*شاكرتلكم *

 

[sverige]

sverige
الحمدالله ونااااسه اذا حسيتي بفررق ويالله ان شاء الله بس تقومين بسلامه تستمرين ويروح نهائيا

واي صاجه الشعر الناعم اذا سويتيه ليزر يززيد فماله داعي الي شعرها خفيف وناعم تسويه

تسلمين الله يسمع منج
واذا مفكره تسووين ليزر انصحج لا تترددين ابد وبلشي باسرع وقت بس اهم شي تنقين عياده تمام ومجربه :rerrerek: وان شاء الله اخلص وتخلصين من الشعر وكل بنات المسلمين :yaaaaaarb:

 

[مدّهره !]

بصرااحه خف الشعر بشكل قووي والحمد لله بس ماابعد راح نهاائي لأني مازلت

أسووي الجلساات ....’

بس الفررررق واااااضح ...’

 

[المعطف الوردي]

موضوع حلو اب

 

[reem alflla]

sverige
والله انا من زمان اسوي ليزر والله وكيلج غيرت 3 عيادات وهاذي الرابعه ومليت ابي يروح نهااائيا اول عياده كانت زووينه ها

يعني الثانيه قريت عنها بالمنتدى الي تخلي الشعر يصير اشقر وعقب جم يوم يطيح مرررررض فلوسي راحت وماحسيت بفرق

نهاائيا وثالث عياده حدهااا معرووووفه والكل يحجي فيها بس شنو ماااااااااادين كلش مايهمهم انج تحصلين نتيجه لا المهم ياخذون فلوس ضليت عندهم سنتين

بس توه من جم شهر زيراني وطناقيري طلعو عليهم وغيرت والحين هاذي العياده الرابعه من قبل لا اسوي عندهم هددتهم وقتلهم اكثر من 6 جلسات ماراح اسوي من الحين اقولكم وخل ما احس بنتيجه راح افضحكم صرت خبره من وره 4 تجارب

واميـــــــــــــــــن نصير ملسين وزبده ونفتــك :$


مدهره


الحمدالله هذا اهم شي انج تحسين بفرق وتلاقين نتيجه ترضيج بس جم جلسه ليمه الحين مخلصه ؟؟

وايييي استمري ليمه يروح نهائيا وتفتكين نهائيا ان شاء الله

المعطف الوردي

عيونج الحلووه حبيبتي :**

تابعينه و ان شاء الله تستفيدين ويصير عندج خلفيه عن الليزر

 

[جوك احلى جو]

ودي اسوي الريل بمكان ثقه ومافيه زحمه

 

[ranzi]

انا من 5 سنوات خلصت 11 جلسه خلال سنتين كنت كل شهر ونص اروح اسوي جلسه والحمدالله الحين يدي ورجلي خاليه تماما من الشعر

 

[Miss--dndn]

Ranzi وين سويتي وجم كلفج ؟!

 

[كويتيه فرنسيه]

والله انا هم مفكره بالليزر يارب نلقا افاده في هالموضوع

 

[reem alflla]

جوك احلى جو

كل العيادات بموااعيد فتروحين على طول ادشين بموعدج

بس عيادة ابولو على لسان عمتي تقول حتى لو حاطه موعد تقعد تنطررررررر للانها ارخص من الباجي وعليهم ضغط



ranzi

ونااااسه ماشاء الله الحين افتكيتي من الالم ومن الشعر

عيل يبلي بعد جلسات انا ليمه الحين ما طبقت 8 جلسات لازم استمر ان شاء الله

انزين تحسين جلدج فرق عليج ؟؟ يعني هذيلا النقط الي بالجلد راحو ولا لا ؟؟

miss _ dndn

حاولي كثر ما تقدرين تسألين عن العيادات قبل ماتروحين

كويتيه فرنسيه

ان شاء الله يارب تحصلين فايده من الموضوع واذا انتي ليمه الحين مو متزوجه وطالبه حاااااولي كثر ما تقدرين انج تسووووين الحين يمعي من اعانتج كل شهر لا تشترين ولا شييي لاتفسفسينهم وروحي سووي والله نصيـــــــــــــــــــــحه من قلبي اقووولج

 

[ranzi]

انا قطريه سويت في الدوحه في عياده الدكتور حسن العبدالله جلدي صار نااعم وايد والمسامات هم اختفت من ريلي ويدي صارت قطعه وحده والله قبل كانت عندي مسامات حتى لو شلت بالحلاوه تبين يدي منقطه الحين اختفت نهائيا بس اهم شي تلتزمين بالجلسات وبعد الليزر ممنوع تسوين حلاوه لان الحلاوه مثل ما قالي الدكتور بعد الليزر اذا رديتي وسويتي حلاوه يحفز ظهور بوصيله الشعر عشان جذي اذا اضطريتي تشيلين بعد الليزر شيلي بالموس