الي استخدمت شفاطة الحليب ظرووري

[Ms.lool]

السلام عليكم

بنات يزاكم الله خير انا بالاربعين واحيانا استخدم الشفاطه
بس بغيت اعرف شنو الكميه الي تكفي البيبي ؟
يعني لما احطه بالمميه يكون لي رقم * والا3 والاشكثر

 

[@أم يوســـف@]

للرفع

 

[نـعـومـه]

الياهل يختلف عن ثاني بس غالبا اللي بالاربعين يشربون رقمين او ثلاث

 

[شوكلاتة سويسرية]

حبيبتي انا كنت مكلمة اخصائية رضاعة طبيعية يوم كنت بالاربعين وقلت لها ولدي مايشرب من صدري لازم اشفط لة قالت استخدمي الكهربائية لان الشفاطة العادية بتقطع الحليب عنك وماسمعت كلامها قلت كلة واحد وفعلا كم يوم وقطع
بنسبةللكمية اتوقع لي تحسين انه شبع مادري كم والله

 

[M!SS.LOBY]

رقمين

 

[M!SS.LOBY]

الله يحفظه لج

 

[cute_mama83]

هلا اختي

بالبدايه رقمين وفي جدول بعدد الرضعات والكميه لكل عمر كان عندي شوفي بالنت او طلبيه من الدكتوره وااايد سهل علي

وحبيبتي قبل لا تسحبين له حليب بنص ساعه اكلي رهش واااايد يساعد بدر الحليب

 

[ملكه الحطب]

رقمين والاحسن ثلاث بولدي الاول كنت اشفط له لي ١٢٠مل ٤ ارقام

 

[Ms.lool]

حبايبي يزاكم البه خير ماقصرتو

 

[~Diva~]

يعطيكم العافية
ودي أتعلم واعرف حق سالفه الشفاطه
و شلووون احفظ واقدم الحليب له بعدين

 

[بحور العنا]

خليه يرضع لين يشبع مو شرط نحدد له رقم معين اذا كان من حليب الام
وموفقه خير حبوبه

 

[beauty rose]

اول شي حمدلله عالسلامة و مبروك ما ياج حبيبتي


اشفطي لي رقمين او 3 عادي ماكو فرق حسب اللي يشربه و يشبعه لان حليب الام خفيف ما يشبع
و الحليب اللي تشفطينه و تخلينه بس حده 4 ساعات من شفطتيه عقب قطيه
و اذا تبين تحفظينه تحفظينه يكون يديد توج شافطته تحطينه بالثلاجة لمدة يوم واحد بس
يعني ما يكون البيبي شرب منه و بقى شوية حليب تحطينهم بالثلاجة ، لان خلاص تلوث

طبعا لمة اتطلعين الحليب من الثلاجة تحررينه تحطين الرضعه داخل كوب فيه ماي حار و اتدفينها و تشربينه

بس انا بالنسبة لي الاحسن انج تشفطين و تعطينه و تقطين اللي بقى عقب 4 ساعات بدون لا تحطين بالثلاجة عشان تضمنين ان الرضعه فرييش له

الشفاطة سواء كانت يدوية او كهربائية كلها تقطع الحليب مع الوقت و تقلله من الصدر
حاولي تحطين بنتج او ولدج على صدرج يشرب شوي عشان يدر الحليب و ما يوقف