اليونان أثينا معلومات سياحية

[Tantoshah]

صباح الخير :eh_s(7):

بنات أنا حبيت هالسنة أني أسافر اليونان تقريبا في راس السنة بداية البرد لأني أحب الشتاء , واللي عندها معلومات سياحية عن اليونان أثينا وغيرها من المناطق المجاورة لها في اليونان فقط أكون شاكرة لها لو تفيدني من ناحية :


الفيزا وشكثر تطول و من وين نروح نطلعها ؟
أهم الأماكن السياحية في اليونان والجزر اللي حواليها وطريقة الوصول لها عبر دوميستك فلايت ولا سبيد بوت ؟ لأني سمعت بهالاثنين
والجو شلون يكون من شهر 12 الى شهر 2؟ عشان ارتب الرحلة ونحضر ملابسنا
وأسعار التذاكر التقريبي في هذه الفترة للشخص الواحد ؟
ونوع الطيران وهل يوجد تلاانزيت وما هو أفضل طيران ؟ وماهو أرخص طيران يذهب إلي هناك ؟
الشوبينج و كم هي ميزانية الرحلة ( غير محددة حاليا ) لشخصين أنا وزوجي
نوع الأكل وأسماء مطاعم وأسواق
وبالنسبة للمواصلات شنو عندهم أفضل تاكسي أو غيره ؟


أدري الأسئلة وايد بس ياليت اللي راحت او عندها معلومات حتي لو صغيرة تفيدني لاني وايد متشوقة لها عن طريق البحث بالنت مناظر خلابة شوقتني أروح وناس راحو بس ماعطوني معلومات كافية وقالوا إنها من أروع ما يكون وأنا من باب التغيير وايد حابة أروح نجرب شي جديد

بانتظاركم :yaaaaaarb: ربي يتمم عليكم بالصحة والعافية ويرزقكم الخير حيث ماكان شكرا

 

[Tantoshah]

شدعوة بنات ؟؟ 10 ولا رد

 

[Tantoshah]

معقولة بنات محد يعرف ؟؟

 

[القصيدة]

السلام عليكم و رحمة الله و بركاته

اليونان من دول الشينغن و عملتها يورو

إذا ما فيه سفارة لليونان في الكويت ممكن تطلعين الفيزا من أي دولة أوروبية ثانية لكن لازم تكون شينغن ملتي و تاخذ تقريباً أسبوعين حتى تطلع

أثينا يكفيها 3 أيام :

1- المدينة القديمة ( معبد الأكروبوليس + الصعود بالتلفريك إلى تل كافيتوس + السوق القديم أغورا ) : على الأقدام

2- جولة في أثينا الحديثة و فيه كثير مطاعم عربية هناك مصرية + لبنانية + تركية و فيه مول واحد إسمه أوليمبيك مول : باستخدام المترو أو التاكسي

3 - كروز بحري لمدة يوم واحد من ميناء بيريوس للجزر القريبة من أثينا ( جزيرة إيجنة + هيدرا + بوروس )

و ممكن تروحون عن طريق الطيران لجزر اليونان المشهورة زي كريت + رودوس + ميكانوس و هي الأجمل و تجلسون يومين -3 في كل جزيرة

للأمانــة أنا ما سبق و رحت اليونان لكن المعلومات أخذتها من صديقتي

Have a nice journey :eh_s(7):






​

 

[law love]

دخلي العرب المسافرون قسم اليونان تستفيدين اكثر

 

[zain-bh]

انا رحت جزيرة كورفو احد جزر اليونان حلوه وكانت في شهر 4 فالجو كان بارد وحدها يومين لأنه الجزيره صغيره واذكر كان فيها فندق حلو يطل عالبحر والفيو حده عجيب