اليوم رحت لدكتورة شيرين ... تعالو شفو اشقالت لي

[** رش رش **]

اليوم كان موعدي عند دكتورة شيرين ابو الفتوح ... طبعا هالموعد حاطتة من 3 اسابيع
قلت لها ابي اشفط من منطقة البطن و الافخاذ لا نهذيل اكثر مكانين مضايقيني بجسمي .... اسالتني شوي اسئلة عن وضعي الصحي و عمليات الي سويتها من قبل ... قالت بشوف جسمج افحصتني و قالت عندج كمية دهون كبيرة بمنطقة البطن بس جلدج مرن يعني ما احتاج شد ممكن مع الكورسيه و الكريمات يشد الجلد ,,,, و شافت فخوذي بعد قالت تحتاج شفط من الامام و الداخل
تشجعت و وريتها زنودي قالت ممكن نشفط منهم شي بسيط ... قالت ظهرج في كمية دهون ممكن اشفطها من الخواصر علشان يتنسق الشكل .... و قالت ان اكبر كمية ممكن نشفطها 6 لترات و ممكن نزيد شوي اذا حالت المريضة تسمح
بس بصراحة اصدمتني بالسعر تبي شغل ايدها
شفط البطن 500
شفط الافخاذ 600
شفط الزنود 400
يعني المجموع 1500
هذا غير طبعا المستشفى
غرفة العمليات الساعه 100 دينار و انا عمليتي تحتاج من 4إلى 5 ساعات
و تحاليل و أدوية 200
هذا طبعا بدون سعر الغرفة
ما ادري اشرايكم بنات ؟؟؟
انا كنت مفكرة اسوي بعد حقن للدهون لصدري لان بعد الولاده احس انه فاش .. ما ابي اكبره بس ابيه يكون مليان شوي و مرتفع
عاد الحقن بروحة بعد ب 350
اكتبتلي على تحاليل اسويها ... و اذا اطلعت النتيجة نحدد موعد
شورو علي بنات ..... استخرت بس للحين محتارة

 

[درب السنع]

حبيبتي انا محتارة مثلج صلي استخاره وعسى ربي يكتب لنا الي فيه الخير ​

 

[Turquoiseya]

انا ما اعرفها الدكتورة
بس ترى خطر تحقنين الصدر بدهون الجسم 00 احتمال كبير يتكلس الدهن او يصير necrotic تموت الخلايا وتنتشر بالصدر
وفي حريم استاصلوه بسبب حقن الدهون بالصدر

 

[** رش رش **]

معقولة ؟؟؟؟؟؟
عاد انا سمعت أن أامن شي حقن الجسم بالدهون الذاتية لانها شي من داخل الجسم نفسة مو شي غريب عليه فماراح يرفضة او يتفاعل معاه

 

[خيشة شكر@]

ياالله العافيه

 

[jooosy]

حبيبتي انا عندي كل هاالاشيا اب ١٥٠٠
والله زين
عالاقل مو مكان واحد ابهالسعر
والله خشمي بس سويته اب ١١٥٠
سعرها وايد زين
وصح أئمن شي حق الجسم من دهن الجسم نفسه
انا سائله دكتور من اول عن هالشي
ماقلتيلنا الظهر ابجم اتسوي؟؟؟

 

[Turquoiseya]

الصدر غير 00 مو اي شيء تحقنينه فيه

واذا تبين المعلومات الصح 00 تلقينها بالمواقع الاجنبية

انا قارية عن هالموضوع اكثر من مرة 00 وميخالف هم انتي اقري وعقبها استخيري وقرري

 

[** رش رش **]

يعطيكم العافية البنات الي ردو علي
و الي سالت عن الظهر تسويه ب 500 دينار

 

[عسووووولة]

اب اب

 

[روح عاشقها]

أنا اقول توكلي على الله وليمتى واحنا نخاف
انتي السابقة وانا اللاحقة

 

[الفراشة المزيونة]

حبيبتي هذا الدكتوره باي مستشفى

 

[dectora 7elwa]

اذا متردده من الحقن ترا الدهون يحتفظون فيها 6 شهور ممكن تفكرين عدل وبعد الشفط بفتره بس تحقنين
والشفط مري على دكتور ثاني واخذي استشاره واسعار ثانيه عشان تقدرين تقارنين
والله يكتب لج اللي فيه الخير

 

[** رش رش **]

الدكتورة شيرين ابو الفتوح عيادتها بمركز علاج الي بالسالمية على الدائري الرابع ... و تسوي عملياتها بمستشفى السلام