اليوم التاسع !!!

[روعة البراءة]

السلام عليكم بنات شخباركم
بنات انا اليوم التاسع من ترجيع الاجنه والرابع عشر من الابره التفجيريه
والحمدلله متفائله بس المشكله انه كلمالي يضيق خلقي من النظرة وصراحه انا اليوم نفسيتي تعبانه
الي ودي اسويه اني اجيبلي تحليل منزلي واشوف النتيجه تتوقعون يبين او لا ؟؟
شوروا علي بنات
وادعولي بالحمل الثابت السليم يارب
والله يرزقنا جميعاً ولا يخسر علينا *

 

[جنان ام عزوز]

ان شاء الله حاامل


نصيحه لاتحللين الحين

بعضهم مايبين بتحليل المنزلي ويصيبها احباط وكل شي ياثر على نفسيتها وبالاخير تطلع حاامل

وان شاءالله ربي يفرحج بالحمل


عند منوو سويتي العمليه؟؟

 

[روعة البراءة]

مشكورة جنان عالنصيحه صاجه النفسيه تلعب دور
عند فاطمي الي بالفريق البلجيكي

 

[فانتا ستروبري]

يا عمري الله يكتب لج الحمل يارب ونطري لا تحللين ولا تتعكر نفسيتج اهم شي الراحة النفسية

وحاولي تقرين قران وادعية تريح قلبج وتفائلي وعسى الله يوفقج =)
​

 

[مربى و قيمر]

نصيحه لاتسويين التحليل الا بعد14 يوم
وان شاء الله حامل

 

[روعة البراءة]

فانتا ومربى مشكورين ماقصرتوا ان شالله ابشرك بخبر الحمل يارب
والله يرزقكم ان شالله

 

[arnooba123]

يارب يكتب لج الحمل ويثبت اللي ببطنج
مادري بس تقدرين تسوين تحليل الدم وراح يبين معاج اما اذا قادره تصبرين صبري

 

[زين ودلال]

حبيبتي ان شاء الله حامل

وان شاء الله تبشرينا يااارب

 

[أمونـه الحمادي]

حبيبتي نطري احسنلج لي يوم التحليل وصج ترا التحليل المنزلي مايطلع مضبوط في بعض الاحيان

انا قبل يوم التحليل سويت تحليل منزلي شسوي كنت قاعده على اعصابي ومافيني صبر ويوم سويت مابين شي

بس لما سويت بالمستشفى الحمدلله طلعت حامل وعلى فكره انا سويت التحليل بالبيت مرتين بس ماضبط معاي

فأحسنلج نطري يوم التحليل وعسى الله يفرحج بحمالج ان شالله

 

[غلا عيوني]

روعه باذن الواحد الاحد حامل بس لاتحللين عشان لاتلعب بهرموناتج التحليل لهي نفسج بلقرايه القران والادعيه وان شالله تبشرينا بحملج عن قريب يارب

 

[tbola]

ان شاء الله تكونين حاامل

 

[ابدا يالغالي مانساك]

نطري ولاتحللي وان شالله حامل وتوكلي علي الله تعالي
لاكن عندي
سوال وددي افههمه
حبوبه شنو يعني ترجيع الاجنه
ماعليج امر

 

[Q8_QT]

حبيبتي ان شاءالله حامل بس لاتفكرين وايد
ونصيحة كثري الإستغفار والصدقة بنية الحمل والله كريم

 

[ma7rooma]

ان شاء الله حامل يارب وتفرحينا وربي يرزق كل وحده فيكم اللهم آمين

 

[روعة البراءة]

مشكوورات حبيباتي والله لكم مثل دعواتكم لي الله يرزقكم
حبيبتي ابد يالغالي ترجيع الاجنه يعني لم يرجعون الاجنه الي اهم لقحوها وهي ناتج عن ت
حقن الحيوان المنوي بالبويضه ان شالله اكون وضحتها لج عدل

 

[ScarletteO'Hara]

حبوبة انتي حاطة شريط الحمل بتوقيعج
حللتي و طلعتي حامل؟؟؟
بشرينا الله يخليج انا استانست لما شفت الشريط!!
ان شاء الله يا ربي حامل

 

[روعة البراءة]

هلا حبوبه انا بعد ماحللت بس حاطه الشريط فال خير ان شالله وعشان ارفع معنوياتي
وان شالله اكون حاااااامل يارب
الله يوفقج ويسهل عليج ويرزق كل محرومه يارب

 

[قلب مغليك]

لا لاتحليلين حللت اليوم 11 منزلي ودم هرموني ومابين