اليوم اشتركت بنادي لافام الخالديه يجنن (تجمع مشتركات لافام)

[mareem]

الحمام السباحه نظيف وكبير

وبنات انتو لازم تشوفونه عشان تقررون وتسالون الي تبون وتشوفون بعيتكم

اهو بالخالديه يم نادي الفتاة

 

[cup-cacke]

انا امي راحت وشافته..وعجبها

مشكلتي الحين بالوقت..خصوصا يوم قالوا لي فتره الظهر والعصر زحمه مو طبيعيه..لان حاليا ما اقدر اروح للنادي غير بهالفتره

 

[Lemon Juice]

مشتهيه أشترك فيه هالفتره بس عندي إضافي بالدوام أطلع متأخر واصير عيزانه

يصير أروح يوم واحد؟ مثل الزياره

رفيجتي مسجله بنادي شامبين , قالتلي تقدرين تيين زياره إذا عندج أحد مشترك وتدفعين 15

بس لافام مادري اشلون طريقتهم لا بغيت أيي يوم واحد وما عندي أحد مشترك فيه

 

[mareem]

عصير ليمون
عادي اليوم الواحد ب10

 

[حصوووص]

انا سمعت عن هالنادي ومن يومين صادفت وحده مشتركه فيه حيل مدحته ومفكره اني اروحج اشترك فيه لان ودي تنسيق لجسمي وانشالله اصادف فيه

 

[Ỏm 7ảmảЙỹ]

جم رقمهم ؟؟

 

[توني الكويت]

اي شكله النادي وااايد حلو أشلون اذا ابي بس سباحه يتغير السعر ولا مثل ما اهو ؟
يصير تحت سن ال18 ولا لَأ!!!!!

 

[يركدون]

شنو فيه النادي ما عمري رحت نادي ههههههه

يعني شنو يحتوي عليه < افهموها

واذا اشنركت لمده شهر جم ساعه باليوم وجم يوم بالاسبوع اداوم

<< بالمختصر ابي الطريقه