اليــــــوم اكتشفــــت ان مـــا عندي رفيجـــــات ....!!!

[SaD FaCe]

مدخـــل ..

اللـــي لقى احبابهـ نســى اصحابهـ
يـــا دنيـــا يـــا غرابهـ
كان العشمـ يبقالي ويموت فيني لحالــي
لا ما طرى فــي بالي كذا الغالي ينسى ويطول غيابهـ ​

السلام عليكم ورحمه الله وبركاته

شلونكم بنات شخباركم ...؟؟

انا وايد ترددت قبل لا اكتب مشكلتي بس قلت بقول واللي فيها فيها :j013: لان ماقدر اقمت اللي بقلبي

مابي اكتب التفاصيل وكل شي صارلــي بس اكتشفت ان صج ماعندي رفيجات ..

رفجة عمر سنين تنتهي بدقـــايق ..

رفيجتي من 4 سنين اطعنتني بظهري وقامت اطلع علي حجي ..! طبعا هديتها بس قلت حسبي الله ونعم الوكيل

وهم وحده ثانيهـ انقرصت منها لان كانت جدامي شي ومن وراي شي ثاني وبس اطلع علي حجي ..مادري شسالفتهم انجلينا جولي وانا مادري اللي بس يتكلمون عني بدون سبب ويكرهوني هم بدون سبب ..!!

والحين رفيجاتي كل ما قلت شي يوصلونه حق رفيجاتهم اللي اهمه رفيجاتي بعد ترى فلانه قالت عنج جذي وجذي وجذي وانا ما قلت ولا تكلمت ...!! يمكن اكون قايله شي بس بدون ما اذكر اسامي ..

خل اقولكم السالفه ..

كنا قاعدين نسولف وجذي ووحده اسألتني عن وحده من رفيجاتي قلتلها شنو سالفتها بس ما قلت اسمها عشان ما اشهر فيها ..

ولا وحده من اللي كانو قاعدين قالت ايييي قصدج فلانه ...!! انا سكت لان رفيجتها قاعده واهي رفيجتي بعد حيل ..!!

المهم راحت البنت عند اللي تكلمنا بسالفتها وقالت ترى ساد فيس تكلمت عنج جدام فلانه وعلانه وقالت اسمج جدامهم وسالفتج وافضحتج ..

هذيج تشيشت ومن ثاني يوم كلمتني واعتذرت قلت مو قصدي بس هذيج اسألتني وانا جاوبت بصوت واطي مع ان السالفه والله سخيفه حدها وما تستاهل ..!

المهم ما توقعت انهم جذي عبالي ان احنا على قلب واحد .. اطلعو من تحت لي تحت .. ويربطون عصاعص كانو يتطنزون على البنات اللي يخربون علاقاتهم مع رفيجاتهم ما يشوفون نفسهم ..!

يمكن صج مالي حق اني اتكلم بس ماكان قصدي والبنت اسألتني عن السالفه وقلتلها بس ما قلت السالفه كلها بس رؤوس اقلام والسالفه والله والله والله سخيفه والكل يدري عنها من رفيجاتنا بس ماقدر اقولها هني ...

مع ان اذا صارتلي اي سالفه من باجر اهمه يدرون عنها بدون لا ادري وانصدم ان الكل يدري بسالفتي وما تكلمت خليت الوضع عادي لان رفيجاتي ليش اخش عنهم هالسوالف لان سوالف عاديه ...

مع ان مرات والله في سوالف ما ابي احد يدري عنها مو عشان فيها شي بس سوالف مليقه ونفسهم اهمه البنات اللي تكلمت عنها وشلتها يقولون حق بنات غيرهم واسكت اقول عادي خيقولون لان السالفه مافيها شي من الاساس ..

وانا اللي ما رفضت لهم طلب والله ..! كل ما قالو شي قلتلهم ان شاءالله ..

كنا اكثر من خوات نطلع ونروح مع بعض ..

تخيلو حتى طلعاتهم صارت بروح وما يقولولي مثل اول ..

يعني نكون قاعدين اقولهم يلا خل نحظر يقولون لا انتي روحي احنا متواعدين نطلع ماتشوفينا كاشخين ...

والله تحز بخاطري

والله مرات ابي افضفض حق احد واسولف واطلع مع احد افتح التلفون وادور من بين الاسامي ابي ادق على احد وما القى ولا وحده ..

ويضيق خلقي وانقمت وابجي .. :eh_s(16):

مو معناته انتو مو رفيجاتي بالعكس والله حبيتكم من قلبي وعزيتكم وحده وحده وكل وحده عندها صفه حلوه تميزها عن غيرها ..

ومن كثر ما حبيتكم وقتي صار كله حق المنتدى وما اطلع بس اجابله ...

بس كل وحده عندها رفيجات بالصج وتعزهم ..واكيد حاسين باللي احسهـ ..

نصيحهـ من اختكم اللي تحبكم .. لا تقولون اسراركم حق رفيجاتكم يمكن على اقل شي تشهر فيج وتغدر فيج .. اذا الاخت بهالزمن مو ضامنتها شلون الرفيجهـ ..

والله الناس تغيروا .. وين القى الرفيجهـ الصالحه اللي ما تنافق نفس رفيجاتي ..

والله مادري شلون بجابلهم هالكورس احس منقمته منهم وانا يبين على ويهي بسرعه ..!!

حتى دراستي مالي خلق اجابلها بس ان شاءالله اقدر واتخرج وما احتاجهم

ودي اعرف ليش الطيب بهالدنيا ينداس ....؟؟ لازم نكون نفسهم عشان يحطونا فوق راسهم ولا شنو بالضبط ...؟

ادعولي ان الله يعوضني برفيجات احسن منهم :friends: احس الدنيا ليلحين فيها خير

ادري طولت سوري بس هذا والله ربع اللي خاشته بقلبي والخافي اعظم :eh_s(2):

مخرجــ

يدري فــي عيني داره ومقدراه
لكن طريق اختاره
خلـــوه يشــــوف ويجرب ما يلقى غير حبيّب
وان كان معدنهـ طيب انـــا الطيب ..!
وقليبي فاتـــح ابوابهـ .. ​

 

[دلـــع_الكويــت]

وااااااااااااااي ضيقتي خلقي بعد قلبي والله...حاسة فيج...ترا بهالزمن مو بس انتي كل من يشتكي من الصداقة وللاسف الي صارت شي معدوم...يعني وين تحصلين الرفيجة بمعنى رفيجة حتى الزينة منهم على قولتج تتحول وتتغير وتتأثر باي كلمة او شغلة سواء سويتيها او قلتيها بقصد او بدون قصد..انا مريت بهالتجربة من رفيجات كانو بيوم من الايام اكثر من خواتي...بس الحمدلله انهم انكشفوا ورفت شنو نيتهم واشلون كانت غيرتهم مني بدون لا يبينون لي ...

قولي الحمدلله على كل حال انا عندي اتم بدون رفيجات ولا ان يكون عندي رفيجات ماوراهم الا المشاكل والحرة والغيرة والحسد...

ترا الدنيا ماتسوا تضيقين خلقج...والي يبينا حياه الله وال مايبينا مايشوووووف شررررررررررر...

:*

 

[shai5at al3arab]

حبيبتي والله

لا ان شا الله ربج يرزقج أحسن منهم وأبرك ان شا الله

ما عليج ، يمكن ربج يبي يبعدج عنهم لأن صحبتهم مو زينة ،

يمكن ربج يبيج تطيحين بصحبة أحسن ،

ان شا الله بتلاقين الأحسن ،

خصوصا البنت الحلوة الطيبة مثلج بسرعة تنتصادق .

 

[SaD FaCe]

وااااااااااااااي ضيقتي خلقي بعد قلبي والله...حاسة فيج...ترا بهالزمن مو بس انتي كل من يشتكي من الصداقة وللاسف الي صارت شي معدوم...يعني وين تحصلين الرفيجة بمعنى رفيجة حتى الزينة منهم على قولتج تتحول وتتغير وتتأثر باي كلمة او شغلة سواء سويتيها او قلتيها بقصد او بدون قصد..انا مريت بهالتجربة من رفيجات كانو بيوم من الايام اكثر من خواتي...بس الحمدلله انهم انكشفوا ورفت شنو نيتهم واشلون كانت غيرتهم مني بدون لا يبينون لي ...

قولي الحمدلله على كل حال انا عندي اتم بدون رفيجات ولا ان يكون عندي رفيجات ماوراهم الا المشاكل والحرة والغيرة والحسد...

ترا الدنيا ماتسوا تضيقين خلقج...والي يبينا حياه الله وال مايبينا مايشوووووف شررررررررررر...

:*

دلع انا معاج بس ماقدر اتم بدون رفيجات حاولت اقنع نفسي بهالشغله وان محد راح ينفعني بهالدنيا غير نفسي بس ما قدرت

ومشكووووره على ردج الحلو

 

[SaD FaCe]

حبيبتي والله

لا ان شا الله ربج يرزقج أحسن منهم وأبرك ان شا الله

ما عليج ، يمكن ربج يبي يبعدج عنهم لأن صحبتهم مو زينة ،

يمكن ربج يبيج تطيحين بصحبة أحسن ،

ان شا الله بتلاقين الأحسن ،

خصوصا البنت الحلوة الطيبة مثلج بسرعة تنتصادق .

من ذوووقج والله لا جذي انا استحي :eh_s(22):

ان شاءالله القى البنات اللي صج يتسمون رفيجات ..! مو اللي يدورون مصالحهم ...

وعلى قولتج يمكن الله يبي يبعدني عنهم بس صدقيني عمره جرح القلب ما يبرى ..

صرت اشك بكل اللي حولي .. حسبي الله عليهم ..

 

[دندنه23]

حبيبتي سااااااااااااد فيس لايضيق خلقج ترى صج مافي بهالوقت ناس على قلوب بعض وانا جربت مثل ماقلتي بس شنوو بيدي خليت كل شي على الله والحمدالله بوجود اهلي وخواتي وبنات عمي يوبوجودكم انتم منتدى كويتيات يغنيني بكثييييييييييير عن اللي كانوووا صديقات العمر واكثر والحمدالله على كل حااال وان شاءالله اكون صديقه لج واكثررررر من اليوم والبنات مايقصررررررررررون وكلنا اهل وحباااااااايب ضحكي ولايضيق خلقج على ناس ماتستاهل
استغفرالله واتوووووووووووووووووووووووووووووووب اليه

 

[SaD FaCe]

حبيبتي سااااااااااااد فيس لايضيق خلقج ترى صج مافي بهالوقت ناس على قلوب بعض وانا جربت مثل ماقلتي بس شنوو بيدي خليت كل شي على الله والحمدالله بوجود اهلي وخواتي وبنات عمي يوبوجودكم انتم منتدى كويتيات يغنيني بكثييييييييييير عن اللي كانوووا صديقات العمر واكثر والحمدالله على كل حااال وان شاءالله اكون صديقه لج واكثررررر من اليوم والبنات مايقصررررررررررون وكلنا اهل وحباااااااايب ضحكي ولايضيق خلقج على ناس ماتستاهل
استغفرالله واتوووووووووووووووووووووووووووووووب اليه

مشكوووووووره حبيبتي ما تقصرين بعد عمري وانا معتبرتج رفيجتي من زمان :friends: >> بكيفها هههههه

الله يخليلج اهلج وخواتج ان شاءالله

انا المشكله ماعندي بنات من اهلي كلهم قاطعوني وماعرف السبب بعد ...؟!؟!

 

[( درّه )]

لا يضيق خلقج يا قلبي ..

الحمدلله .. اللي الله كشفهم لج ..

الزمن هذا نــادر تلاقين فيه رفيجات ..

آنا لو أقولج .. أشسوت فيني وحدة عديتها مثل الأخت .. وربي بتحمدين ربج عاللي صار لج ..

أحنا بزمن يخرع ..

الوحدة قبل ما ترافج لازم تحسب ألف وألف حساب ..

ربي يعوضج حبوبة ..

ويرزقج على قد نياتج يارب ..

 

[SaD FaCe]

لا يضيق خلقج يا قلبي ..

الحمدلله .. اللي الله كشفهم لج ..

الزمن هذا نــادر تلاقين فيه رفيجات ..

آنا لو أقولج .. أشسوت فيني وحدة عديتها مثل الأخت .. وربي بتحمدين ربج عاللي صار لج ..

أحنا بزمن يخرع ..

الوحدة قبل ما ترافج لازم تحسب ألف وألف حساب ..

ربي يعوضج حبوبة ..

ويرزقج على قد نياتج يارب ..

اي والله صدقتي زمن يخرع ..

يعطيج العافيه على ردج ما تقصرين

 

[فراشه]

بعد هذه الناس شتهقين منهم وحوش اعوذ بالله

انا من زمان ماعندي رفيجات بس تاقلمت مع الوضع شسوي بعد

الله يعوضنا

 

[روح الدنيا]

بعد قلبي والله .. ما عليج منهم خلهم يولون ..

اصلا حاصلهم نفسج الله يهديهم ..

ما عليج الف من يتمنى صحبتج .. و ان شاء الله تلقين اللي احسن منهم ..

والدنيا على قولتج للحين فيها خير هع

بس انتي لا يضيق خلقج و لا تتضايقين جعلني قبلج

و عسا الله يوفقج بدراستج و تتخرجين ..

و موفقه قلبو

 

[jinaan]

نصيحة لاني وايد انقرصت من سالفة الصداقة ..

تكونين على نيتج واهما من وراج شي ثاني وخصوصا اذا يبون منج مصلحة ولخلصت خلصت صداقتج للاسف ..

لا توجد صداقة اصلاااا ..

وصديتج امج واخت وغيره لا تقولين صديقة ..

بتقولين معقدة ..

من كثر القرصات تعقدت ..

والله يعينج اجوائج وايد مكهربه ..

تصدقين انا صحيح بمكتب ومعاي كذا موظفة بس تناقشت مع مسؤولتي بتقرير كلهم قاموا معها وماقوا يسلمون على قلت ابرك الحين لا سلام ولا كلام كانا يهال بالروضه مو زوجات وامهات مستقبل ..

​

 

[اروى77]

مابي اقول معدومه بس الصداقه بهالزمن اصبحت جدا نادرة هذا شي مفروغ منه

 

[SaD FaCe]

بعد هذه الناس شتهقين منهم وحوش اعوذ بالله

انا من زمان ماعندي رفيجات بس تاقلمت مع الوضع شسوي بعد

الله يعوضنا

اي والله وحوش :j013:

الله يعوضني ويعوضج ببنات احسن منهم

 

[SaD FaCe]

بعد قلبي والله .. ما عليج منهم خلهم يولون ..

اصلا حاصلهم نفسج الله يهديهم ..

ما عليج الف من يتمنى صحبتج .. و ان شاء الله تلقين اللي احسن منهم ..

والدنيا على قولتج للحين فيها خير هع

بس انتي لا يضيق خلقج و لا تتضايقين جعلني قبلج

و عسا الله يوفقج بدراستج و تتخرجين ..

و موفقه قلبو

مشكوره من ذوووقج والله ومشكوره على هالدعوه الحلوه منج

والله يوفقج بعد ^_^

 

[SaD FaCe]

نصيحة لاني وايد انقرصت من سالفة الصداقة ..

تكونين على نيتج واهما من وراج شي ثاني وخصوصا اذا يبون منج مصلحة ولخلصت خلصت صداقتج للاسف ..

لا توجد صداقة اصلاااا ..

وصديتج امج واخت وغيره لا تقولين صديقة ..

بتقولين معقدة ..

من كثر القرصات تعقدت ..

والله يعينج اجوائج وايد مكهربه ..

تصدقين انا صحيح بمكتب ومعاي كذا موظفة بس تناقشت مع مسؤولتي بتقرير كلهم قاموا معها وماقوا يسلمون على قلت ابرك الحين لا سلام ولا كلام كانا يهال بالروضه مو زوجات وامهات مستقبل ..

​

اي والله اجوائي مكهربه وين ما اطقها عـــويه بس الواحد يقول الحمدالله

كله تكون هالجمله على لساني (( ان الله مع الصابرين ))

مشكوووره حبيبتي على الرد

 

[SaD FaCe]

مابي اقول معدومه بس الصداقه بهالزمن اصبحت جدا نادرة هذا شي مفروغ منه

اي والله صدقتي نادره ...!!

كله نفسي نفسي .. والرسول صلى الله عليه وسلم قال احب لنفسك ما تحبه لأخيك... بس وين اللي يطبق كله رافعين خشومهم مادري على شنو ما يدرون ان الدنيا زواله

مشكوره على الرد

 

[futooosh]

ما راح اقول اكثر من اللي قالوه البنات لج بس اقولج شي واحد
وحطي جدام عيونج
ان لم تكن ذئبا اكلتك الذئاب:ssssso::23_asmilies-com:

 

[SaD FaCe]

ما راح اقول اكثر من اللي قالوه البنات لج بس اقولج شي واحد
وحطي جدام عيونج
ان لم تكن ذئبا اكلتك الذئاب:ssssso::23_asmilies-com:

ياليت اصير ذيبه ماعرف

مشكوره على الرد

 

[futooosh]

يا عمري لازم تصيرين ذيبه الدنيا تعلمج تصيرين قصب
وتاخذين حقج والا ما راح تقدرين تعيشين
هذي الدنيا علمتني اصير جذي قويه ومحد يقدر يطقني على راسي