الى معلمات كنترول الإبتدائي

[computer_teacher]

السلام عليكم
بنات بصراحه انا اي موقف يصيرلي بالدوام احب اشاوركم فيه لانه ناظرتنا ما ينوخذ منها كلمة تالف قوانين علي كيفها وكل شيء عندها اجباري مصختها شايفتنا ساكتين وقاعده تالف .... الحين انا معلمة حاسوب مسكت كنترول لجنه خامس وماعندي اي مانع بس هل من حقها تقول الكنترول ما يطلعون الا لما يخلص التصحيح كله حتى لو ورقتين مثل العربي وبعد ما يخلصون شؤون الطلبه ويراجعون الكنترول يالله يطلعون يعني 7 او 8 ؟؟؟؟

مع انه اليوم الثاني الصبح نكون فاضين على ما اييبون لنا اوراق الإمتحان نقدر نخلص الي باقي من شغل امس!!!!!

الحين سؤالي اول شي هل الكنترول اجباري على معلم الحاسوب؟؟؟ وهل ملزم بدوام اضافي بعد ال 1 ونص والا مافي شي رسمي بهالخصوص ؟؟؟

جاوبوني الله يعافيكم ويوفكم ويبعد عنكم كل ناظرة ظالمه

 

[ضحـاوي]

شدعوه تقعدون 7 او 8

انا سمعت ان التاخير ممنوع

وعندنا الحاسوب مالهم علاقه كلش بالكنترول لا بالمراجعات والرصد ولا بالادخال

 

[computer_teacher]

مو اقولج ضحاوي اهي مبدعة تالف قوانين اشكال والوان عشان جذي قلت آخذ رايكم سالت كذا مدرسة هل في نشر وصلت بهالخصوص الكل قال لا الله يعينا عليها ياربي وتعدي هالسنه على خير

 

[شـ ShOoNa ـونـا]

شــوفي يـاقلبي أنا هذه ثـاني سنه اخذ فيــها كــنترول .

بمــا انج كــنترول على خــامســه , مــا تطلعين الا عــقب مــا تخـلصين مـراجــعه كل الاوراق خــامسـه بـس .
مــمــنوع يتـأجل شي لي اليــوم الي وراه الا لظروف قـهريـه .

و تــرى مو شــرط يـطول تــصحيح الورقـتين فيه اقسـام سـريعه و سـاعات يـكون الامتـحان قصـير .

اذا طــولتي كـلش كــلش لي 2 .. أنا اولت العام طلعت من المدرسه السـاعه 8 بـليل و كـان عليهم ريـاضيات

بــس الامتــحــانات البــاجيــه كـانت ســهالات نــخــلص بـسـرعه .

 

[(نبنوبه)]

حبيبتي الكنترول مواجباري اختياري اي بعدين قبل ما يحطون اسمج بالكنترول يستاذنون منج تبين اولا
وانتي عليج تراجعين امتحانات خامس تجميع درجات الاسئلة مع المراية ورصد الدرجة بالدفتر اما اخر شي رئيسة الكنترول والسكرتيرة يدخلون الدرجات بالكمبيوتر الاعضاء مالهم شغل يطلعون بعد ماتخلص اخر ورقة

والامتحانات على حسب مرات نخلص بسرعة ومرات نتاخر مافي شي اجباري لا يقصون علي عليج
اتمنى اني افدتج

 

[computer_teacher]

اول شي مشكورين لكل من رد علي ونبنوبه اهم ما خيرونا بس عطونا نشره باسماء الابلات في الكنترول بدون لا ياخذون راينا
ناظرتنا شغلها كله بالامر ما في شي بالاختيار

 

[ام فله]

ما سمعت احد بالابتدائي يقعد للساعه 8
لحد الساعه 2 اقصى حد
واذا عالعربي والانجليزي يتاجل لليوم الثاني بالصبح لان الكنترول الثناء الاختبارات فاضي للساعه 10 تقريبا يخلصون شغل امس
لازم فيه ورونه لان اغلب المعلمات اللي بالكنترول عندهم اعيال ويدرسونهم
سهالات اختي
حلو الشغل اذا احتسبتي الاجر احسن من قعدت الحش والنجره مع المعلمات اللي ما عندهم شغل
توكلي على الله انا مجربه وناسه الشغل

 

[ابله اريام]

رد : الى معلمات كنترول الإبتدائي

انا اول مره اصير كنترول بالمدرسة ​

اعضاء الكنترول يكون اختيارهم يعتمد على ترشيح الناظره او الوكيله لأبلات يكونون قد المسؤوليه وثقه تعتمد عليهم بس اللي سمعته انه ابلات الحاسوب من ضمن اعضاء الكنترول ​

ام سالفة التأخير ترى يعتمد على اعضاء الكنترول حدهم الساعه 2 الظهر وانتو توكلو على الله وتعاونو وان شاءلله كل شي سهالات ​

والله يوفق الجميع​