الى مدمنات العطور تجمعنا لكل مايخص عالم العطور حيااااكم •||

[Brora ~]

السلام عليكم

شلونكم بنااات


بالقسم مافي مواضيع وايد عن العطور

المكياج طاغي عالقسم ،، فقررت احط هالموضوع لمدمنات العطور

او محبين العطور واللي يهتمون فيها ،،

شنو فكره الموضوع ،، عندج عطر حلو ?

شميتي عطر حلو ؟

شريتي عطر حلو ؟

تعالي هني وكتبي اسمه
وصوره له ،، من تصويرج او النت

و حطي وصف له وشنو ريحته

و سعره ومن وين شريتيه

يعني تفاصيله ،،

و اذا عندكم استفسارات تخص العطور .. مثلا تبون عطور تصلح لسهرات ..
تبون عطور تدوووم .. تبوون تسألون عن سعر عطر .. الخ
تقدرون تطرحونها بهالموضوع .. وراح نساعدكم

.. بما اني مدمنــه يديدهـ بعآلم العطور ما اقدر اجيب على استفساراتكم لاني توني
بأول خطوهـ لوول


وبعد .. اذا عجبوكم عطور ناويين تشترونها .. تعالو كتبوها هني
عشان نقلدكم .. لا اتغشمر نياهاهاها

ومابي وحده تدش يعني بتكتب عن عطر معين شمته او شرته

وتكتب انا عندي عطر مثلافيفا لا جوسي و عجبني حيل

قلتلكم لازم تعطينه سعره وصورته و ريحته ورايج فيه اذا كنتي شاريته او شامته

ما اجبركم تقولون سعر العطر والمكان اللي شريتو منه

لانه في مرات يكون العطر هديه .. او شاريته وناسيه من وين

.. بس اذا تعرفووون قولو

هم اذا في عطر ماعجبكم قولولنا عنه

ابي الكل يشاارك ويتفاعل معاااي

وخلو هالموضوع متجدد لنا

يلا الحين اخلي لكم المجال

ونبي يكون الموضوع مرجع لنا

اي ونسيت انه تقولون العطر ينفع حق شنو

حق الصبح الليل سهرات طلعات عاديه اعراس ،،

وهالموضوع حق العطور الفرنسيه والعربيه


باااي

 

[Brora ~]

بآآآكـ

بتكلم عن 3 عطور احبهم ..

بالترتيب من اللي احبهـ اكثر شي لي الأقل



1 الـبيست عندي حاليا وانا الحين هآبه فيه ...
Escada absolutely me





عجييييب ريحته بنوتيه وحلوهـ .. صاير فروتي على سويت
و بالموقع حاطين انه اهوه اكثر شي سويت .. بعدين فروت .. بعدين فانيلا .. بعدين
باودر .. بعديين woody .. ينفع حق الليل + ونتر ( شتا ) + خريف
شريته من مطار الامارات لما كنت مسافره بـ 196 درهم 50 مل .. مادري جم كويتي

ملاحظه :: انا اكثر العطور اللي اشتريهم 50 مل لانه امل من العطر بسرعه .. ولانه ادري مايطوف جم يوم عالعطر الا شاريه غيره . وعشان انا ماحب اعلق على عطر واحد
واهوه eau de parfum


نمبر 2 اهوهـ





Pure Poison Dior for women
ماخذته من الوالدهـ لوول .. فخم راقي .. ريحته زهور .. ورود
بالموقع .. زهور بيضاء .. حمضيات .. وود
واهوه من مجموعه .. في منه اخضر واحمر و ازرق .. انا شامه الأزرق واسمه
midnight poison حلوو بس ماعندي يآه .. نفس مستوى بيور بويزن بالحلاة
و نسيت اقولكم .. ينفع حق الونتر والخريف .. والليل .. ماينفع بالنهار
مادري جم سعره .. اخوي يايبه حق امي من لندن ..
واهوه eau de parfum


3 عطر بنآتي الكل يعرفه ...



Viva La Juicy Juicy Couture





سويتي .. زهور وفلورز ولو دقققتو فيييه عدل وشميتوه راح تلاقون فيه ريحة كاراميلا واضحة جدا .. انا لما شميته عدل حسيت بالريحة .. ولما قريت بالموقع طلع صح كلامي فيه كراميلا
بناتي حيل .. ينفع حق الصبح .. العصر .. مو بليل .. و اهوه صيفي او سبرنق .. ( ربيع ) هديه من اخوي - لندن ..
eau de parfum

اكيد لاحظتو انه بعد هالعطور الـ 3 كتبت eau de parfum..

ليش شنو معناتهآ .. في عطور تكون
eau de Toilette و في عطور eau de parfum
eau de parfum : معناتها يكون العطر اكثر ثبات .. اكثر تركيز اكثر فوحان يعني عطر قوي

eau de Toilette: العكس .. يكون العطر هادي اخف واقل فوحان اقل ثبات اقل تركيز

تقدرون تعرفون اذا العطر اي يو دي بارفيوم او اي يو دي تواليت من غرشه العطر تحت بالقاعده تلقون مكتوب

وسلامتكم ترى انطركم وانطر مشاركاتكم

هااا تبوني اكمل

برب لي بآآكـ

 

[Brora ~]

212 Sexy Carolina Herrera for women

منوو مايعرفه ..؟ ريحته فخمه حدها ونايس .. سوفت سبايسي مع فانيلا ومسك وحمضيات وزهووور خفيييفه .. عجيب .. عند اختي مآعندي ياه
ينفع حق كل فصول السنة .. وحق النايت اكثر من الصبح
اي يو دي بارفيوم .. ناويه اشتريه قريبا ان شاء الله



Narciso Rodriguez For He

وهذا الحلو منو مايعرفه .. راقي حده وينفع حق سهرات واعراس ريحته مسك و وايت فلورار .. ( زهور بيضا )
وحمضيات خفيفه و earthy يعني في ريحه ارضيه .. نفس تذكرج بالأرض ..
ينفع حق النايت والونتر .. لانه قوي شوي .. الوردي والأسود عجيبين مافي فرق .. ماعندي ياه بس ناويه اشتريه طبعا اهوه اشهر من نار على علم ..




Guilty Gucci for women

شميته بالسوق الحره .. مطار دبي .. ماااعجبتني ابدا .. سدت نفسي بعد .. امم مابي اذم فيها وايد لانها عاجبه غيري .. ريحتها زهور وباتشولي وسبايسي ( توابل ) و فروتي وسويت .. في وحده تشبهها بس الأختلاف بالغرشه ..

بنات انا الصور اللي احطهم اهمه نفسهم مافي ولا ذرة اختلاف عن العطر اللي قام اتكلم عنه .. لانه في عطور تكون اكثر من واحد نفس الاسم او اختلاف بسيط بالاسم و اختلاف بسيط بالغرشه ..

وينكم بناات

 

[miss-apple]

هلا أختي موضـــــــــــوعك جوناااااان يهبل

ياليت تكملين و متابعتك لمن النهاية ..

العطورات حييل مهمة لتكملين اللوك كنت أبغا أشتري عطر للجامعة بس ما عندي خبرة في العطورات

فجبت واحد عاادي لأني ماكنت أحب العطورات قبل كنت بس آخذ حق أمي >>> خخخخ

بس موضوعك مرررة حلوو والفكرة أروع و أهم شي أنك تكتبين نوعية العطر إذا كان قوي أو ضعيف علشان

نعرف إذا يناسبنا بالصبح او بالليل ولا لأ إختصرتي علينا و الله ...

الله يجزاك خييييييييييير
​

 

[Brora ~]

هلا أختي موضـــــــــــوعك جوناااااان يهبل

ياليت تكملين و متابعتك لمن النهاية ..

العطورات حييل مهمة لتكملين اللوك كنت أبغا أشتري عطر للجامعة بس ما عندي خبرة في العطورات

فجبت واحد عاادي لأني ماكنت أحب العطورات قبل كنت بس آخذ حق أمي >>> خخخخ

بس موضوعك مرررة حلوو والفكرة أروع و أهم شي أنك تكتبين نوعية العطر إذا كان قوي أو ضعيف علشان

نعرف إذا يناسبنا بالصبح او بالليل ولا لأ إختصرتي علينا و الله ...

الله يجزاك خييييييييييير
​

هلا حبيبتي .. مشكوورهـ عالكلام الحلوو فديتج :* ان شاء الله اكمل وياريت تتفآعلون معاي :eh_s(17):
اي صح العطر شي مهم خصوصآ حق البنت .. ان شاء الله راح اكتب نوعيه العطر ويناسب الصبح او بليل .. الخ .. تسلمين قلبي .. وتابعيني

 

[Brora ~]

بآك

عطور بودي شوب كلهم .. ترشينهم وتنسينهم .. ولا جنج راشه شي بعد 5 دقايق بالضبط تختفي الريحهـ
فمآ انصح فيهم ابد .. و 6 دنانير عالفاضي ليش ؟


وينكم بناات شاركوني
​

 

[NEW WOMEN]

يعطيج العافيه

 

[zqertya]

انا مافي عطر ماجربته واااااااااااي احس ولا عطر يناسبني واغلى العطور ويضيق خلقي الوحيد اللي بيسك الوحيد اللي من ارشه الكل يشمه هههههه

 

[لولا 14]

ذا وان من دولسي آند جابانا نسائي​

The One DOLCE & GABBANA-F
​

​

عطر زهري شرقي دافئ ذو طابع حديث​

ذو رائحة مغرية وحديثة وكلاسيكية ساحرة

يبدأ بمكونات من البرغموت والمندرين والليتشي والدراق

المكونات الوسطية من زنبق مادونا والسلاق والياسمين

المكونات الأساسية من الفيتيفر والفانيليا والمسك الكهرماني
​

​

هديه من زوجي حبيبي في الملكه سعره 215ريال سعوودي
بصراحه له ذكرياااات مرررره حلوه​

 

[Brora ~]

نيو ومن .. الله يعافيج قلبي

زقرتيا .. لوول دوري لازم تلقين عطور تناسبج .. انتي شنو تحبين من نوعيات العطور اذا نقدر نساعدج

لولا قلبي ثانكس عالمشاركه الحلوه .. وصاجة هالعطر عجيب ونسائي بحت وفيه زهور

 

[طالبة MIS]

انا بصراحة ادامان عطورات وجربت الكثير ومن ضمنهم كم واحد ذكرتيهم بس راح اذكر عطرين اموت عليهم
الاول عطر انسولنس الوردي سعرة يوم اخذتة 350 ريال 100مل
ريحتة خييااااااال وباردة وعلى نظافة وثابت واللة يقعد بعباتي وملابسي لمان اغسلهم
وكل من شمة اسىلن عنة وازين مافية ريحتة ماهي مكررة وتشمينة على غيرك

والثاني عطر فرزاتشي الاخضر قمة الفخامة خصوصا مع البخور روعة ويصلح لزواج ومناسبات كبيرة سعرة 400 ريال يوم اخذتة
لي باك انشاءاللة :eh_s(17):

 

[فلبينية عبدة]

يعطيج العافية ع الموضوع

 

[Brora ~]

منورين بنات

 

[يالبيه يشماغه]

موضووووعج ررروعه


اب
اب
لعيووووووونج

 

[قطوووة]

متااابعه

 

[Brora ~]

ثانكس بنات وياريت تضيفون معااي

 

[Brora ~]

euphoria CK



خووش عطر .. صاير سويت على وود وشوية زهور .. مسك وعنبر خفييف وبودر .. اول ما تمشمونه تحسون رمان خفيف .. وبعد فتره يصير زهره الاوركيد وزهرة اللوتس وبالنهايه يصير مسك وعنبر .. ينفع حق الليل اكثر .. وبالخريف والونتر ينفع .. يذكرني اقولكم بشنو ؟ شور جيل لوكس البنفسجي النيو
انا استخدمه .. لوول .. يحبونه الفئات العمرية فوق 20 سنـه


Magnifique Lancome for women



مقآرنه مع ايفوريا .. اعتبر ايفوريا الأحلى بالنسبه لي انا .. هذا صاير على سبايسي ( بهارات ) وود .. روز خفيف .. ايرثي ( أرضي ) .. و فيه ريحة التبغ اللي اهوه نوع من انواع الحشائش .. موجود بالزقاير لوول .. لا تستغربون ترى هذا يعتبر مكون اساسي للعطور خصوصا الرجالية و بعد فيه شويه خضار يعني يذكركم بريحة الحشائش وجذي .. ينفع حق الليل وهم الصبح بس الليل اكثر .. الونتر والخريف اوكي فيهم .. من النوت الموجودين فيه ( مكوناته ) .. زعفران .. روز .. ياسمين .. سندل وود ( خشب الصندل ) ..


نسيت اقولكم من ناحية الثبات .. اثنيناتهم يطيرون بسرعه لووول
بس اذا سبحتو نفسكم بالعطر يمكن يضلون مادري .. ماجربت ارجخ نفسي فيهم صراحه لوول

من رايي الأول احسه ينفع حق البنات .. من 15 لي 25 اتس اوكي
الثاني احسه امهاتي .. لا حلفي .. يعني حق حريم اربعينات ..
( هذا من رايي لوول )


استحملوني وايد اقول لوول

برب ولي باك

 

[Brora ~]

الحين بعلمكم على وصف العطر

..

انا ادخل مواقع اجنبية وعربيه عشان اقدر اتوصل على مكونات العطر و وصف لريحته فـ بالمواقع لما بيوصفون العطر ..

مثلا اذا كان العطر ريحته بودر ومسك وياسمين خفيف و قرين .. ( خضار )

1-Powderyالشي الطاغي على ريحة العطر ...........
تدل على الشي اللي يتبع نمبر 1 بالقوة 2-Musky
3-Jasmineيتبع نمبر 2 بالقوه ...................................
4-Greenيتبع نمبر 3 بالقوه .....................................

للي مافهمت رقم 1 يعني الشي الاساسي بريحة العطر .. رقم 2 الشي الاخف من الاساسي بشوي .. رقم 3 الشي الأخف من رقم 2 بشوي .. ونمبر 4 الشي الخفيف ..

هاذا يعتبر وصف للعطر اما مكوناته عالم آخر ..

بعددكم نقطة من بحر مكونات العطور

الياسمين المسك خشب الصندل التبغ الخوخ المشمش الرقي البطيخ الكرز البلاك بيري الرسبيري باتشولي بانزين ماي الزعفران .. كل انوع الورود والروز مثل البنفسج و التوليب والورد الطائفي والورد الدمشقي وزهره عباد الشمس وجابانيز روز .. ~~ الكرز والتمر والفتسق

انا قلت نقطة وهالمكونات كلهم ماصارو ربع نقطه .. كل شي موجود بالكون تقدرون تشمون ريحته بعطر حتى لو خفيفه حتى نجم البحر والكافيار

بس الأشياء الغريبه مثل الحيوانات وانواع السمج نادرا بس اكثر شي انواع الفروت والروز والكارميل والشوكلت والباتشولي والمسك والياسمين .. الخ


مثل ماقلتلكم هذيلا مكونات العطر .. اما اللي فوق وصف للعطر ..
مثلا في ناس ماتحب عطور سبايسي او تطغي عليها ريحة السبايسي اللي اهيه التوابل
( مثلي انا يعني لوول ) ..


اممم ادري طولت عليكم بس عشان تفهمون عليي لما اوصف عطر ..

واي وحده تبي تشتري عطر و ماتعرف ريحته او تبي تعرف ريحة عطر

او تبي تعرف اذا اهوه ينفع حق ليل او صبح واي فصل من السنة تقولي

وانا راح اساعدها ان شاء الله ...

وهالموضوع لكم ولي اللي تبي تضيف عطر شرته ورايها فيه

حياها الله والعين اوسع لها من الدار :eh_s(7):

وانا ان شاء الله كل ما شريت عطر يديد سواء كان فرنسي او عربي

راح اقولكم عنه و اذا شميت عطر راح اقولكم عنه


انا كل العطور اللي حطيتها للحين انا شامتها شخصيا بس مثل ما قلتلكم انا ادش مواقع وجذي
فممكن اني اطلع وصف للعطر من المواقع ومن راي الناس


..

ادري قرقت وايد ..

:eh_s(7):


تابعوني عشان اتشجع :eh_s(9):

 

[أم سيف وسلطان]

نحنا متابعين وياج أختي

وانا روحت عطر لانكوم اليديد وريحته واااااااااااااااو وسعره اعتقد فوق ال200درهم

 

[Brora ~]

نحنا متابعين وياج أختي

وانا روحت عطر لانكوم اليديد وريحته واااااااااااااااو وسعره اعتقد فوق ال200درهم

هلا حياتي

شكرا وتنورين موضوعي :eh_s(7):

اي صح ريحته حلوه بس احسها وايد توابل ماتعجبني هالنوعيه غالبا :eh_s(4): :rerrerek:

نورتيني وخلج متااابعهـ