ســــــــــما
New member
- إنضم
- 28 أغسطس 2006
- المشاركات
- 1,998
- مستوى التفاعل
- 0
- النقاط
- 0
السلام عليكم ورحمة الله وبركاته
حابه اناقش موضوع حساس
لا تهاجمووووني
لاني ما احب اسلوب الهجوم
خلونا نتفاهم بكل احترام وبدون هجوم وبدون تجريييح
ومن الحين اقولكم الي بترد بهجوم وبتغلط او ما تحترم ترا ما راح ارد عليها ولا راح اعتبرها ردت
ابي نكون راقين في ردودنا وكلامنا حباااايبي انتوا احبكم
منو يتبع منو الزوج والا الزوجه ؟؟؟
يعني لما يتزوجون منو يسكن عند منو؟
لو ما يأجرون شقه منو يعيش عند اهل منو؟
الزوجه تنتقل لبيت اهل زوجها والا الزوج ينتقل لبيت اهل زوجته؟
وعيالهم يتبعون منو بالاسم ؟؟ ويتبعون منو بالجنسيه ؟؟
اذا الابو كويتي والام هولنديه العيال شيطلعون ؟؟؟
واذا الابو هولندي والام كويتيه العيال شيطلعون ؟؟؟
وبالغالب منو الي ينتقل من بلدته ليما بلدة الثاني ؟؟
وبالنسبه للغرض من السؤال
موضوعي الي بتكلم عنه اهوا (( الكويتيه المتزوجه من غير كويتي ))
لاحظت بالآونه الأخيره ان اغلب الناس شايلين هم هالموضوع ومعتبرينه مشكله كبيره ويبيلها حل
والمشكله او الي اهما معتبرينها مشكلها اهيا ان شلون الكويتيه الي متزوجه من غير كويتي مالها بيت ولا لها قرض وليش الكويتي لما يتزوج يصرفله قرض الزواج وقرض الاسكان وفلوس الاجار وعلى كل ياهل 50 دينار والكويتيه لما تاخذ غير كويتي مالها شي ؟؟؟
وبصراحه انا وااااااااايد مصدومه من هذي التساؤلات الي الرد عليها بديهي جدا
والمشكله ان الي يطالبون بهالشي ناس دارسه وفاهمه وتعرف بالشرع زين
يعني بالعقل الزوجه تتبع زوجها في مكان سكنه وبديرته واهو الي يصرف عليها وعلى العيال والعيال يشيلون اسمه ويتبعونه بالجنسيه
يعني الي تتزوج مصري عيالها مصريين وبلدهم مصر
واذا الابو حاب يستقر بالكويت علشان اهوا شايف ان راح يرتاح فيها اكثر من مصر فهذا شي راجعله وراجع حق ظروفه
والي تتزوج لبناني عيالها لبنانيين وبلدهم لبنان
واذا الابو حاب يستقر بالكويت علشان اهوا شايف ان راح يرتاح فيها اكثر من لبنان فهذا شي راجعله وراجع حق ظروفه
والي تتزج امريكي عيالها امريكيين وبلدهم امريكا
واذا الابو حاب يستقر بالكويت علشان اهوا شايف ان راح يرتاح فيها اكثر من امريكا فهذا شي راجعله وراجع حق ظروفه
الخ الخ الخ ...
لكن هذا ما يعني ان الديره تتكفل بكل شي
وين ديرته عنه
اذا استغنى عن ديرته او ما لقى راحته هناك هذا مو ذنب الكويت تتحمل مصاريفه
وبالنسبه للزوجه الكويتيه الي تزوجت بغير كويتي فهي قبلت انها تاخذه وتعيش معاه وقبلت بجنسيته وبامكانياته الماديه من البدايه واهيا الي اختارت انها تعيش معاه واهيا عارفه تماما ان عيالها راح يتبعونه بجنسيته يعني ما راح يتمتعون بحقوق الكويتيين ومع هذا قبلت تتزوجه ،، يعني المسأله مسألة اختيار من البدايه ،، ومحد يتزوج غصب ،، ودام انها اختارته خلاص تتأقلم مع ظروفه ..
فما اعتقد ان من العدل ان يتم المطالبه بحقوق السكن والصرف وغيره لأن مالها حق ،، اذا اهيا لها حق معناته ان الكويتيه المتزوجه من كويتي ايضا لها حق ،، لان حاليا القرض وال50 دك على كل طفل وفلوس الأجار وغيره من حقوق كلها قاعده تروح للزوج وليس الزوجه ،، ولما الزوجه تاخذ غير كويتي يطالبون في كل هالحقوق لها ! على اي اساس؟؟ منو الي يصرف الزوج والا الزوجه ؟؟
يا ربي بعد هذا شي بديهي ومعروف ما يحجون فيه اثنين
الي تاخذ واحد من ديره غير ديرتها تهاجر معاه وتعيش هناك في بلد زوجها وعيالها ، واذا اهوا مستقر في بلدتها خلاص يعيش حاله حال اي مقيم ثاني
انزين نفرض ان عايش واستقر في بلد غير عن بلده وغير عن الكويت
هم بعد ا لحكومه بتتكفل فيه واهو هناك ؟؟ اكيد لا
انا ادري كلامي ما راح يعجب ناس وايد ويمكن ناس وايد بتعارضني ولكن انا عندي نظره
الحين اوضحلكم نظرتي
الي مأيدين موضوع ان الي تاخذ غير كويتي وتعيش بالكويت تاخذ كل حقوق الزوج الكويتي
ما فكرتوا ان باجر اذا اقروا حقوق لهذا النوع من الزيجات ممكن هالشي يخلي بعض الرجال الغير كويتيين يطمعون بالزواج من الكويتيات ؟؟؟؟؟؟؟؟ وليش لأ اذا الخدمات الي بالكويت ما يلاقيها بديرته ؟؟؟
علاوة على ذلك البنت الكويتيه وقتها تستهين بالموضوع وتقبل من جميع الجنسيات على اساس ان السكن والقرض والاجار و50 دك على كل طفل وغيره من الحقوق متوفره سواء اخذت كويتي او غير كويتي وفي هذي الحاله يختلط الحابل بالنابل وتفقد الكويت هويتها والكل يصير كويتي ...
صح والا انا غلطانه ؟؟
اتمنى منكم المشاركه بعيدا عن الحزازات
وشكرا حبوبه عالموضوع الحلو نفسج 
