خواتي الأمهات يمكن عنواني غريب بس فعلا امس انصدمت من شغله في ريل ولدي انا طول عمري الي امجابله اعيالي من تسبيح وتلبيس وتقريض اظافرهم
الزبده امس قاعده اقرض ريل ولدي والا الاحظ ان صبعه الصغير الطرفي معكوف علي جنب بشكل واضح يعني يصير الظفر نايم علي جنب مو سيده وحتي ريله الثانيه وكان واضح حيل وكان زوجي يمي ويقولي انتي توسوسين قمت فحصت ريل اخته نفس الشئ الصبع الصغير معكوف بالريلين بس اهي اهون من اخوها
لدرجة يوم زاروني خواتي انصدموا من ريل ولدي اكثر شيئ لأنه حيل واضح وقارنت ريله ببنات اختي اهم عاديه
طبعا طيران علي طبيب المستوصف بعد ما تأكد ريلي من كلامي وانصدم نفسي من ريل اعيالنا
انا حاطه ابالي انه ممكن يكون عيب خلقي بعيالي من الولاده وتوه يبين خاصة ان عندنا ولد معاق ممكن وراثه واحنا ما ندري
وعندي ولدي معاق الوسطاني سبحان الله الشيئ الصاح فيه ريله مو نفس اخوانه
اول ما شاف الدكتور ريل ولدي قالي هو خابط ريله بشيئ قوي وهو فعلا من سنه كان ضارب طرف السرير بقوه لدرجة امطير ظفره واخته نفس الشيئ وفحصها لقه نفس الأنعكاف الواضح وقالي اثنينهم ريلهم ضاربه بشيئ بقوه وسبب لهم هالحاله
طبعا اهو يتكلم بهدوء ويطمني انه شيئ عادي وماله ضرر وانه اهو الدكتور طرف صبعه نفس وضع ولدي لأنه يوم اصغير كله يضرب بالأثاث ويراكض وان هالأصبع غير مهم لتوازن الجسم
وانا اقوله دكتور يحتاج تحويل للرازي باتطمن عليهم وهو مصر ويقول والله لو اقدر اقط جوتيي وانتوا ابكرامه واراويكم صبعي نفس ولدكم بس لبسيهم جوتي مريح وواسع من جدام
وسلامتكم ديروا بالكم من ضيق المكان وكثرت الأثاث علي ريل اعيالكم
الزبده امس قاعده اقرض ريل ولدي والا الاحظ ان صبعه الصغير الطرفي معكوف علي جنب بشكل واضح يعني يصير الظفر نايم علي جنب مو سيده وحتي ريله الثانيه وكان واضح حيل وكان زوجي يمي ويقولي انتي توسوسين قمت فحصت ريل اخته نفس الشئ الصبع الصغير معكوف بالريلين بس اهي اهون من اخوها
لدرجة يوم زاروني خواتي انصدموا من ريل ولدي اكثر شيئ لأنه حيل واضح وقارنت ريله ببنات اختي اهم عاديه
طبعا طيران علي طبيب المستوصف بعد ما تأكد ريلي من كلامي وانصدم نفسي من ريل اعيالنا
انا حاطه ابالي انه ممكن يكون عيب خلقي بعيالي من الولاده وتوه يبين خاصة ان عندنا ولد معاق ممكن وراثه واحنا ما ندري
وعندي ولدي معاق الوسطاني سبحان الله الشيئ الصاح فيه ريله مو نفس اخوانه
اول ما شاف الدكتور ريل ولدي قالي هو خابط ريله بشيئ قوي وهو فعلا من سنه كان ضارب طرف السرير بقوه لدرجة امطير ظفره واخته نفس الشيئ وفحصها لقه نفس الأنعكاف الواضح وقالي اثنينهم ريلهم ضاربه بشيئ بقوه وسبب لهم هالحاله
طبعا اهو يتكلم بهدوء ويطمني انه شيئ عادي وماله ضرر وانه اهو الدكتور طرف صبعه نفس وضع ولدي لأنه يوم اصغير كله يضرب بالأثاث ويراكض وان هالأصبع غير مهم لتوازن الجسم
وانا اقوله دكتور يحتاج تحويل للرازي باتطمن عليهم وهو مصر ويقول والله لو اقدر اقط جوتيي وانتوا ابكرامه واراويكم صبعي نفس ولدكم بس لبسيهم جوتي مريح وواسع من جدام
وسلامتكم ديروا بالكم من ضيق المكان وكثرت الأثاث علي ريل اعيالكم
