الى خبيرات دبي الله يخليكم فيدونى

[كويتية صغيرة]

السلام عليكم اخواتى ودي تفيدونى من خبرتكم

انا اول مرة اروح دبي يعنى ما اعرف شي فيها
و معاي أطفال

الله يعافيكم الله يعافيكم
شنو الأماكن الترفيهية حق الأطفال اللي فيها شي جديد غير عن مجمعات الكويت
اللي اقصده اختى راحت دبي تقول اكو مجمع (نسيت اسمه) تقول من طقه المهلب عندنا ..... يعنى العاب على جنب و سينما و مطاعم .......... انا ما ابي جذيه ....ودنا بشي جديد نحس ان احنا فعلا مسافرين
و سمعت بعد عن الوايلد وادي (انه مثل الأكوابارك عندنا بس اهم على اكبر)..... بس عيبه انه كله مفاصيخ و مختلط .... و حطيت عليه اكس وماراح اروح له

1. شنو الأماكن الثانية الترفيهية ....
2. ايهم افضل شقة فندقية نسكن فيها (4نجوم)....وتكون قريبة من كل شي و سعرها معقول

فيدونى جزاكم الله خيرا
منتظرتكم يا خبيرات و ماتقصرون

:e3::balo:
مقدما لكل وحدة ترد

 

[حلوة قمرية]

رد : الى خبيرات دبي الله يخليكم فيدونى

ممممم
شوفي الله يسلمج انا توني راده مع زوجي و عيالي قعدنا 4 ايام زوجي ترسهم برامج حق اليهال و هم للسوق و احسن شي سواه انه اجر سياره هناك مع جهاز النوخذه بس شوي تعبنا لأن الشوارع وايد متغيره مو نفس الخريطه عدل

المهم كان برنامجنا مقسوم نصين كل يوم النص الأول لليهال و النص الثاني سوق و مطاعم
حق اليهال يا قلبي في مجمع السمه دبي مول هذا بتلاقين فيه 3 اماكن لليهال يستانسون فيها
اكبرهم و احسنهم و الي قعدنا فيه 6 ساعات و ما خلص كدزانيا هذا مكان تدشينه انتي واليهال عباره عن عالم حقيقي صغير يدش الياهل يجرب كل الوظايف من بدايه الصباغ والبنيان والصالونات لغايه الدكاتره والمهندسين والطيارين يعني الياهل يجرب كل الوظايف حتى الشرطه والمطافي
و في مكان هم بدبي مول اسمه عالم سيجا هذا مو كبير وايد يعني ساعتين يخلص يمكن كل الي فيه 10 لعبات بس حلوين
و في بعد بدبي مول الإكواريوم حلو وايد كبير من بره يبين من داخل المول حتى لو ما دشيتي و في بعد حديقه الحيوانات المائيه تقدرين تدشينهم مع بعد بتذكره وحده
و عندج في مجمع الإمارات مول مكان اسمه سكي دبي هذا مكان كبير شوي كله ثلج يلعبون اليهال فيه و يتزلجون على الثلج و يحذفون بعض بكور الثلج بس نصيحه اشتري لهم الدس يدفي ادينهم لأن ما راح يقدرون يمسكون الثلج على قوله ولدي يقول ابي قفازات حق ابوه وايد متأثر بالبباي
و في عالم مدهش هذا بمكان بروحه بس مو وايد قوي يعني عادي يمشي الحال
و في مكان اسمه مدينه احتفالات دبي شي جذي بس هذا ما رحناه مع ان قرينا اسمه بالشارع بس ما درينا بسالفته الا لما ردينا الكويت ثاني يوم شفنا دعايته بتلفزيون دبي
اي و في مكان راحه زوجي مع ولدي العود انا خفت الصراحه ما رحت صعدو قمه برج خليفه يمكن 220 دور صعدو انا شفت التصوير دخت
و في بدبي مول بره نافور راقصه عجيبه لازم تشوفينها كل نص ساعه تشتغل على اغنيه غير تبلش من ست المغرب لين تالي اليل

و سلامتج هذا كل شي و اي استفسار انا حاضره

 

[كويتية صغيرة]

رد : الى خبيرات دبي الله يخليكم فيدونى

ممممم
شوفي الله يسلمج انا توني راده مع زوجي و عيالي قعدنا 4 ايام زوجي ترسهم برامج حق اليهال و هم للسوق و احسن شي سواه انه اجر سياره هناك مع جهاز النوخذه بس شوي تعبنا لأن الشوارع وايد متغيره مو نفس الخريطه عدل

المهم كان برنامجنا مقسوم نصين كل يوم النص الأول لليهال و النص الثاني سوق و مطاعم
حق اليهال يا قلبي في مجمع السمه دبي مول هذا بتلاقين فيه 3 اماكن لليهال يستانسون فيها
اكبرهم و احسنهم و الي قعدنا فيه 6 ساعات و ما خلص كدزانيا هذا مكان تدشينه انتي واليهال عباره عن عالم حقيقي صغير يدش الياهل يجرب كل الوظايف من بدايه الصباغ والبنيان والصالونات لغايه الدكاتره والمهندسين والطيارين يعني الياهل يجرب كل الوظايف حتى الشرطه والمطافي
و في مكان هم بدبي مول اسمه عالم سيجا هذا مو كبير وايد يعني ساعتين يخلص يمكن كل الي فيه 10 لعبات بس حلوين
و في بعد بدبي مول الإكواريوم حلو وايد كبير من بره يبين من داخل المول حتى لو ما دشيتي و في بعد حديقه الحيوانات المائيه تقدرين تدشينهم مع بعد بتذكره وحده
و عندج في مجمع الإمارات مول مكان اسمه سكي دبي هذا مكان كبير شوي كله ثلج يلعبون اليهال فيه و يتزلجون على الثلج و يحذفون بعض بكور الثلج بس نصيحه اشتري لهم الدس يدفي ادينهم لأن ما راح يقدرون يمسكون الثلج على قوله ولدي يقول ابي قفازات حق ابوه وايد متأثر بالبباي
و في عالم مدهش هذا بمكان بروحه بس مو وايد قوي يعني عادي يمشي الحال
و في مكان اسمه مدينه احتفالات دبي شي جذي بس هذا ما رحناه مع ان قرينا اسمه بالشارع بس ما درينا بسالفته الا لما ردينا الكويت ثاني يوم شفنا دعايته بتلفزيون دبي
اي و في مكان راحه زوجي مع ولدي العود انا خفت الصراحه ما رحت صعدو قمه برج خليفه يمكن 220 دور صعدو انا شفت التصوير دخت
و في بدبي مول بره نافور راقصه عجيبه لازم تشوفينها كل نص ساعه تشتغل على اغنيه غير تبلش من ست المغرب لين تالي اليل

و سلامتج هذا كل شي و اي استفسار انا حاضره

:nbvppw:
تسلم الإيد اللي كتبت
حطيت ببالي يومين دبي مول .....يوم الامارات مول ....يوم برج خليفة مثلا
مارحتو اتلانتس والا كلها مفاصيخ بعد
عموما
مشكورة حبيبتى جزاكي الله خير
تنصحيني بفندق معين

والخوات الباقي
ممكن تعطونى من خبرتكم شوية

 

[حلوة قمرية]

رد : الى خبيرات دبي الله يخليكم فيدونى

لا والله ما رحنا اتلانتس مادري عنه بس وايلد وادي زوجي يقول التفصخ فيه مو طبيعي مو ناقصين بعد نروحلهم بريولنا هههه
انا سكنت بفندق اسمه قمر الدين بالسياره بينه و بين دبي مول 3 دقايق و تقدرين تروحين مشي بأقل من 10 دقايق لأنه عبر الشارع بس الجو والجر كلش ما يساعدون الفندق زوين 4 نجوم الغرف و الحمامات و انتي بكرامه حلوين بس اكلهم مو ذاك الزود الريوق بس كنا ناكله عندهم لأنه من ضمن الحجز و هم يعني ناكل بس سد يوع

الله يسلمج خيتو و انشالله تستانسين بهالسفره الوحده بس تبي تطلع من الديره لو يومين تغير جو

 

[miss-2020]

رد : الى خبيرات دبي الله يخليكم فيدونى

روحي كدزانيا مكان مخصص للاطفال اعتقد في دبي مول

 

[مضيعة برقعها]

كل شئ فيهاااااا غيررررررررررر عن الكويت أحلى وأحلى من الكويت بكل شئ وخاااصتن النفسيه اذا أنتي مرتاحه وبسسسس

 

[الريانة]

السلام عليكم
حبيبتي انا توني رادة من دبي
بكتبلج المفيد 1- الشقق اوفر لكم في موقع حجز للفنادق و الشقق الفندقية وايد حلو اختاري حسب الميزانية اللي تبينها
هذا الموقع

http://www.fendeq.com/results_w.php?city_id=-782831




اقترح كورال الخوري بمنطقة البرشا بقرب الامارات مول
اقترح ايضا شقق فلورا اللي بمنطقة ديرة


هذه صفحة التعليقات على الفندق الكل يمدحه

http://www.fendeq.com/hotel.php?hotel_id=69126



بالنسبة للاماكن
دبي مول فيه مدينة كيدزانيا
الاكواريوم
الحديقة المائية


الامارات مول سكي دبي

حديقة الخور فيها عرض الدلافين بس سالي عنه لان اخر يوم 8

 

[الريانة]

الاماكن وايد بدبي للاطفال
مدينة مدهش حلوة راح يستانسون فيها وايد
عيبها انها بعيدة جدا
انصحج انج تاخذين المترو ( تجنبي الجمعه والسبت بالمترو) اسرع واوفر لكم بس ترا لما تنزلون لازم تاكسي
يوصلكم بس مو بعيد 10 دقائق من المحطة اللي بتنزلون فيها

 

[الريانة]

اذا تبين تفاصيل اكثر راسليني
او تبين طريقة الحجز مثلا لا تتردي
بالتوفيق

 

[محلبية]

صاجين كل شئ بدبي حلو
كدزانيا - سكي دبي-الدلافين- الاكواريوم -مشاهدة فيلم بالسينما - النافورة - كان في عروض للمسرحيات الكرتونية حيل حلوة تكون بالمجمعات - هذا كله غير التسوق والشغلات الحلوة

 

[Ameeraaaaaa]

حبوية
انا ما أأيد ببدبي تأجرون سيارة حتي لو تستخدمون GPS
عشان الشوارع علي طول فيها تصليح
التاكسي يوفر علي الحوسة اللي مالها داعي بس الله يعينيج علي العداد ولئم بعض سواق التاكسي !!!
الفنادق ,, عندج بشارع زايد :
grandmid west
radisson blu
وااايد زينين ونظاف واسعارهم حلووووة ومحترمين !!
الاماكن ما راح ازيد الخوات قالوا كل شي

))