السلام عليكم
اتمنى تكونون بخير وعافيه :eh_s(7):
بدش بالموضوع على طول
بطول عليكم بس اتمنى انكم تقرونه للآخر لان ادري ان هالمرحله حساسه وعندكم طموحات وفي ناس مأيسين او ماعندهم حتى طموحات !
انا خريجه 2010-2011 يعني توني متخرجه من الثنويه ولله الحمد
بكلمكم عن نفسي وببدأ معاكم من المرحله المتوسطه
وحده اكره المدرسه واكره الدراسه وحياتي اهمال لدراستي ولعب
ماكان عندي طموح :eh_s(2): ماكنت واثقه من قدراتي
كنت كله اقول انا فاشله وغبيه ! انا ماعرف ادرس .. لدرجه اقتنعت اني فعلا " غــبـــيـــه "
وحده من رفيجاتي وكانت كبيره بالعمر شوي مو كبري قالت لي بيوم من الايام ابيج تدشين الجامعه .. ضحكت ! اووله انا ويهي ويه جامعه ؟؟ ابي اطلع من الثنويه وبس انا وين والجامعه وين
طموحي كان مقتصر على اني اعدي هالسنه وامشي حالي فقط لما اخلص من هم المدرسه واتخرج
شنو بصير بعدين ووين بدش ؟؟ مادري :eh_s(1): النسبه اللي بييبها اهيا تحدد لي وين بدش :eh_s(4):
كنت انجح عالحفه ، كنت اييب بالمتوسط بال60% بنهايه السنه
كنت اضحك لما يعلقون اوراق بالمدرسه ويكتبون انا ناجحه وانا متفوقه ! يعني هالاوراق بتخليني اتفوق مثلا :eh_s(10):
نصحتني امي نصيحه يوم من الايام
لاتقولين انتي غبيه ! مخج يترجم على جذي وفعلا تصيرين غبيه .. دايما قولي انا ذكيه
ماقتنعت وايد بس هالنصيحه كلش مانسيتها وشوي شوي قمت اطبقها لما فعلا قمت احس اني افهم واستوعب واقدر ادرس وانجح واييب درجات عاليه !
بآخر مرحله لي بالمتوسط بديت اشد حيلي واهتميت حبتين وخصوصا اني انتقلت مدرسه ثانيه "اجباري لاني انتقلت منطقه ثانيه" وكانت عكس المدرسه اللي كنت فيها اللي ماكان فيها اهتماااام
بديت اشد حيلي رغم اني رسبت بفترتين من الكورس الاول بس صرت اهتم اكثر
وطلعت من تاسع ب75% حيييل استانست وارتفعت معنوياتي اني اقدر اييب نسبه اعلى
دشيت الثنويه وبدت معاي طموحاتي
والثنويه الضغط الدراسي فيها اكثر .. لازم ادرس واييب معدل لان المعدل بيمشي وياي للآخر وبتخرج فيه ! كنت خايفه ودوووم ادعي ان الله يوفقني وادش الجامعه
بستعرض لكم موضوعين لأخواتي العضوات من بعد اذنهم قريتهم وانا ب11 ولو تدورون بين الردود بتلقوني راده
باختصار بالدعاء والدراسه حققو احلامهم ودشو الكليات اللي يبونهم .. اتمنى انكم تقرونهم وايد أثرو فيني
http://www.q8yat.com/t582668.html
http://www.q8yat.com/t563409.html
الدعاء مايفارق صلاتي ،3 سنين وانا احااااااتي تخرجي ودرجاتي ونسبتي ووين بنقبل
سنه عقب سنه قام يتعدل مستواي واييب ببعض المواد امتياز
رغم ان ببعض الاوقات كان يحوشني احبااط واييب بامتحانات درجات مو زينه كلش بس ارد واوقف على ريولي مره ثانيه وكانت عندي ثقه برب العباد سبحانه
ماطول عليكم
ب10 يبت نسبه 70% ومعدلي 7 من 10 الحمدلله طرت من الفرحه اني طلعت بهالنسبه
ب11 يبت نسبه 77% ومعدلي 23 من 30 الحمدلله مع ان كنت ابي اكثرررر
تحسفت عاللي ضيعته بهالسنتين وكنت خايفه من آخر سنه لان معدلي كان مو وايد 30 من 40
ب12 يبت نسبه 85% ومعدلي 51 من 60 ألف الحمدلله والشكر :yaaaaaarb:
يعني تخرجت بمعدل تراكمي 81% "ماشاءالله" وانقبلت بالجامعه اللي ابيها "جامعة الكويت"
والله يابنات 81% بالحرف الواحد هالنسبه اللي كنت ادعي ربي اني اييبها وتحسفت اني ماطمحت للأكثر
فرحتي ماتوصف عقب ماحققت حلمي وونست اهلي .. للامانه محد كان متوقع اني اتخرجت بهالنسبه
اتمنى يابنات انكم تحسون بهالشعور وتتعبون على نفسكم وتحصلون اللي تبونه وتفرحون اهلكم وترفعون راس امكم وابوكم
حزتها حسيت بامي لما تغصبني اني اداوم بالمدرسه وتزفني عشان انام مبجر وتقعدني غصب من نومي وابوي يتقلقص بالزحمه كل يوم عشان يوصلنا لمدارسنا من كنا بالابتدائي لما وصلنا للثنوي
ليش مانفرحهم بتخرجنا ونجاحنا ؟؟ كنت استغرب من البنات المهملين حتى ب12 ! كان همهم التخرج ومايطمحون للنسب العاليه
وتعبج راح يكون حق منو بالاخير ؟ انتي اللي بتدرسين وبتاخذين الشهاده وماتعتازين حق احد وشهادتج بايدج ..
مابيكم تتحبطون من أي شي تحدو نفسكم وتحدو كل المصاعب اللي تواجهونها
كل دفعه بالثنويه كانو يقولون احنا اكثر دفعه انظلمت
وادري حايسينكم بقراراتهم
واحنا واااايد تحبطنا خصوصا بامتحانات الفاينل لما حسينا احلامنا تهدمت بقرارات الجامعه انهم ماراح يقبلون الكل ووايد احباطات حاشتنا وحاشت الدفعات اللي قبلنا وقامت تحوشكم الحين
مرحله وتعددددي وانشالله تعدونها على خير وبنسب ترفع الراس عشان انتي ياحبيبتي تحددين قبولج بالمكان اللي انتي تبينه
لاتستهزئون بكلمه انا ناجحه وانا متفوقه وانا اقدر ادش الجامعه مثل ماكنت استهزأ بهالشي
صدقوني انه يأثر على عقل الانسان ويرسخ هالشي بمخه .. كلكم اذكيا وتقدرون تحققون طموحاتكم حتى لو كنتو متخيلين هالشي صعب تحقيقه .. مافي شي مستحيل =)
بالنهايه اتمنالكم النجاح والتفوق
اخذو بالاسباب وتوكلو على الله سبحانه اللي ماينسا عباده
وشدو حيلكم من البدايه طالبات 10 و11 و12 ودايما خلو طموحكم اكثر من اللي تبونه وحطو اهدافكم جدامكم عشان توصلون لأهدافكم .. حتى لو ضيعتو الكثير بعدكم ببدايه السنه !
موفقين ياحلوين وسوري خذيت من وقتكم :**
دعواتكم لي بالتوفيق :eh_s(17):
اتمنى تكونون بخير وعافيه :eh_s(7):
بدش بالموضوع على طول
بطول عليكم بس اتمنى انكم تقرونه للآخر لان ادري ان هالمرحله حساسه وعندكم طموحات وفي ناس مأيسين او ماعندهم حتى طموحات !
انا خريجه 2010-2011 يعني توني متخرجه من الثنويه ولله الحمد
بكلمكم عن نفسي وببدأ معاكم من المرحله المتوسطه
وحده اكره المدرسه واكره الدراسه وحياتي اهمال لدراستي ولعب
ماكان عندي طموح :eh_s(2): ماكنت واثقه من قدراتي
كنت كله اقول انا فاشله وغبيه ! انا ماعرف ادرس .. لدرجه اقتنعت اني فعلا " غــبـــيـــه "
وحده من رفيجاتي وكانت كبيره بالعمر شوي مو كبري قالت لي بيوم من الايام ابيج تدشين الجامعه .. ضحكت ! اووله انا ويهي ويه جامعه ؟؟ ابي اطلع من الثنويه وبس انا وين والجامعه وين
طموحي كان مقتصر على اني اعدي هالسنه وامشي حالي فقط لما اخلص من هم المدرسه واتخرج
شنو بصير بعدين ووين بدش ؟؟ مادري :eh_s(1): النسبه اللي بييبها اهيا تحدد لي وين بدش :eh_s(4):
كنت انجح عالحفه ، كنت اييب بالمتوسط بال60% بنهايه السنه
كنت اضحك لما يعلقون اوراق بالمدرسه ويكتبون انا ناجحه وانا متفوقه ! يعني هالاوراق بتخليني اتفوق مثلا :eh_s(10):
نصحتني امي نصيحه يوم من الايام
لاتقولين انتي غبيه ! مخج يترجم على جذي وفعلا تصيرين غبيه .. دايما قولي انا ذكيه
ماقتنعت وايد بس هالنصيحه كلش مانسيتها وشوي شوي قمت اطبقها لما فعلا قمت احس اني افهم واستوعب واقدر ادرس وانجح واييب درجات عاليه !
بآخر مرحله لي بالمتوسط بديت اشد حيلي واهتميت حبتين وخصوصا اني انتقلت مدرسه ثانيه "اجباري لاني انتقلت منطقه ثانيه" وكانت عكس المدرسه اللي كنت فيها اللي ماكان فيها اهتماااام
بديت اشد حيلي رغم اني رسبت بفترتين من الكورس الاول بس صرت اهتم اكثر
وطلعت من تاسع ب75% حيييل استانست وارتفعت معنوياتي اني اقدر اييب نسبه اعلى
دشيت الثنويه وبدت معاي طموحاتي
والثنويه الضغط الدراسي فيها اكثر .. لازم ادرس واييب معدل لان المعدل بيمشي وياي للآخر وبتخرج فيه ! كنت خايفه ودوووم ادعي ان الله يوفقني وادش الجامعه
بستعرض لكم موضوعين لأخواتي العضوات من بعد اذنهم قريتهم وانا ب11 ولو تدورون بين الردود بتلقوني راده
باختصار بالدعاء والدراسه حققو احلامهم ودشو الكليات اللي يبونهم .. اتمنى انكم تقرونهم وايد أثرو فيني
http://www.q8yat.com/t582668.html
http://www.q8yat.com/t563409.html
الدعاء مايفارق صلاتي ،3 سنين وانا احااااااتي تخرجي ودرجاتي ونسبتي ووين بنقبل
سنه عقب سنه قام يتعدل مستواي واييب ببعض المواد امتياز
رغم ان ببعض الاوقات كان يحوشني احبااط واييب بامتحانات درجات مو زينه كلش بس ارد واوقف على ريولي مره ثانيه وكانت عندي ثقه برب العباد سبحانه
ماطول عليكم
ب10 يبت نسبه 70% ومعدلي 7 من 10 الحمدلله طرت من الفرحه اني طلعت بهالنسبه
ب11 يبت نسبه 77% ومعدلي 23 من 30 الحمدلله مع ان كنت ابي اكثرررر
تحسفت عاللي ضيعته بهالسنتين وكنت خايفه من آخر سنه لان معدلي كان مو وايد 30 من 40
ب12 يبت نسبه 85% ومعدلي 51 من 60 ألف الحمدلله والشكر :yaaaaaarb:
يعني تخرجت بمعدل تراكمي 81% "ماشاءالله" وانقبلت بالجامعه اللي ابيها "جامعة الكويت"
والله يابنات 81% بالحرف الواحد هالنسبه اللي كنت ادعي ربي اني اييبها
وتحسفت اني ماطمحت للأكثرفرحتي ماتوصف عقب ماحققت حلمي وونست اهلي .. للامانه محد كان متوقع اني اتخرجت بهالنسبه
اتمنى يابنات انكم تحسون بهالشعور وتتعبون على نفسكم وتحصلون اللي تبونه وتفرحون اهلكم وترفعون راس امكم وابوكم
حزتها حسيت بامي لما تغصبني اني اداوم بالمدرسه وتزفني عشان انام مبجر وتقعدني غصب من نومي وابوي يتقلقص بالزحمه كل يوم عشان يوصلنا لمدارسنا من كنا بالابتدائي لما وصلنا للثنوي
ليش مانفرحهم بتخرجنا ونجاحنا ؟؟ كنت استغرب من البنات المهملين حتى ب12 ! كان همهم التخرج ومايطمحون للنسب العاليه
وتعبج راح يكون حق منو بالاخير ؟ انتي اللي بتدرسين وبتاخذين الشهاده وماتعتازين حق احد وشهادتج بايدج ..
مابيكم تتحبطون من أي شي تحدو نفسكم وتحدو كل المصاعب اللي تواجهونها
كل دفعه بالثنويه كانو يقولون احنا اكثر دفعه انظلمت
وادري حايسينكم بقراراتهم
واحنا واااايد تحبطنا خصوصا بامتحانات الفاينل لما حسينا احلامنا تهدمت بقرارات الجامعه انهم ماراح يقبلون الكل ووايد احباطات حاشتنا وحاشت الدفعات اللي قبلنا وقامت تحوشكم الحين
مرحله وتعددددي وانشالله تعدونها على خير وبنسب ترفع الراس عشان انتي ياحبيبتي تحددين قبولج بالمكان اللي انتي تبينه
لاتستهزئون بكلمه انا ناجحه وانا متفوقه وانا اقدر ادش الجامعه مثل ماكنت استهزأ بهالشي
صدقوني انه يأثر على عقل الانسان ويرسخ هالشي بمخه .. كلكم اذكيا وتقدرون تحققون طموحاتكم حتى لو كنتو متخيلين هالشي صعب تحقيقه .. مافي شي مستحيل =)
بالنهايه اتمنالكم النجاح والتفوق
اخذو بالاسباب وتوكلو على الله سبحانه اللي ماينسا عباده
وشدو حيلكم من البدايه طالبات 10 و11 و12 ودايما خلو طموحكم اكثر من اللي تبونه وحطو اهدافكم جدامكم عشان توصلون لأهدافكم .. حتى لو ضيعتو الكثير بعدكم ببدايه السنه !
موفقين ياحلوين وسوري خذيت من وقتكم :**
دعواتكم لي بالتوفيق :eh_s(17):
