الى اتعرف اي شي عن ولاده القطوه ادش بليييز

[البرنسيسه سعاد]

اشلونكم شخباركم بنات

بنات انا عندي قطوه بس ابي اعرف متى اقدر احملها

واذا احملت جم يوم يبيلها على ماتولد واشلون اقص حبلها


بنات عفيا ابي معلوومات

قطوتي تقريبأ عمرها فوق 4 اشهر

 

[ذات البريق]

لآزم تكون عمرها سنه حتى تحمل وفي بساس تحمل من عمر 9 شهور

ومده حملها من 60 الي 65 يوم


يعني شهرين وشوي هذا الي اعرفه

 

[البرنسيسه سعاد]

يعني لازم انطرها لما تبلغ ؟

 

[shurooq]

اي لازم تنطرينها ليمن تبلغ

قطوتج صغيرة واااااااااااايد توها بيبي


يبييلها بو اربع شهوور

وفي قطاوة يطلبون مبجر التزاوج بعمر السبع شهور

وفي قطاوة سنتييين عمرهم وما بطلبوون على حسب نوع القطوة

 

[lojeeen]

شروق و ذات البريق معاهم حق مو بكيفج تزوجينها على الأقل ثمان شهور يمكن تطلب الزواج و يمكن لا و لو الحين جبتي لها ذكر راح يتزوجها غصب بس بيحوشها نزيف لما تموت

 

[الكرزي]

حبيبتي قطوتج بيبي نطري عليها لين اتكمل سنة عشان اتكون متهيئة جسمانيا على الحمال والولادة والرضاعة وكل شي يعني لين اهي ابنفسها تطلب تزاوج وراح اتشوفينها اتصيح اتنادي الذكر واتحوس كل مكان وتمسح جسمها بالاثاث وتتدلع يعني سبحان الله راح اتعرفين لمن اتشوفينها وحزتها لازم اتييبين لها ذكر ووالحمل ياخذ من 60 إلى 65 يوم ،، اهم شي اتكونين امزهبة لها كرتون اتحطين داخلة قطعة قطنية عشان تمتص الدم بس......والقطوة سبحان الله اتعرف كل شي يعني اهي تولد بروحها بعيد عن الناس وتنظف عيالها واترضعهم والحبل السري بروحه اطيح بعد اسبوع تقريبا إلى عشر ايام
هذا اللي اذكره الحين اتمنى اكون افدتج

 

[البرنسيسه سعاد]

اى ادري اصغيره بس ابي اعرف

مشكووريييييين يعني الحبل السري انا ماقصه ؟

والدوره جم يوم تقعد معاها ؟

 

[sweet cake]

البنات ما قصروا ..

بس بقول لج .. اذا ماني غلطانه قطوتج شانشيلا .. <<< اموت فيهم

واسمها نفس اسم قطوتي


<< مو اكيد شانشيلا في كم شغله لازم تتأكدين منها

وحبوبه في موضوع مثبت .. تلقين فيه مواضيع البنات عن القطاوه وحملها واشياء ممكن تفيدج

 

[البرنسيسه سعاد]

صج لوول توني ادري انها من شانشيلا

اذا بتأكد اشلون

 

[semony]

ستبدأ في طلب التزاوج في الأعمار من 6 او 7 شهور ....ولكن ستبدأي بملاحظتها بعد عمر السنة

والقطط اللي شعرها طويل ممكن تتاخر اكثر من سنه

والحاله تجلس معاها لمده 10 ايام او اسبوعين


والافضل ماتزوجيها الا بعد سنه حرام


وبالنسبه للودلاه راح انزل موضوع ان شاء الله بيفيد

 

[البرنسيسه سعاد]

مشكوره

ع مرورج

بعرف شنو فصيله قطوتي ؟

 

[الفراشة_البيضاء]

مثل ماقالوا البنات زوجيها لما اهي تطلب التزاوج راح تشوفينها اتطلع اصوات غريبه وتنام بالارض تحووووس ههههههه >>> انا عبالي مريضه
ولما تيبين لها ذكر ويتم التزاوج . عقب اسبوعين راح تشوفين حلمات صدرها بارزين ولونهم وررررررررررررررردي بشكل ملحوظ
ومدة الحمل شهرين مثل ماقالوا البنات . اهم شي انج اتجهزين لها كرتون او بيت وتحطين لها خام دافي او فوطه ولازم اتعودينها اتنام فيه لازم يكون في مكان مخشوش عشان اتحس بالامان يعني مثلاً تحت الدرج
وبالنسبه للولاده سبحان الله اهي بروحها تولد وتضبط امورها ماتبي اي مساعده لاتحاتينها
ان شاء الله اكون افدتج

 

[sweet cake]

اذا تبين تعرفين اذا كانت شيرازيه شانشيلا ولا لأ تأكدي من شغله..
اولا العيون تكون مكحله وواضح انها مكحله بالشمس وبالضوء العادي.. الخشم محدد بالاسود.. الكف من تحت لونه اسود.. والفم من داخل فيه تحديد اسود.. والعيون لونهم اخضر..

اذا كانت جذي معناها شانشيلا .. والشنشيلا طبعا نوع من انواع الشيرازي

 

[البرنسيسه سعاد]

اى عيل قطوتي حبيبتي شانشيلا وفديته اعيونها امكحله اتينن

 

[semony]

للتوضيح

الشانشيلا مجرد لون وليس نوع

 

[sweet cake]

اي صح كلامج بس انا قصدت انه يندرج ضمن الشيرازي وهو مو لون وبس يعني فيه ألوان تشبه الشانشيلا بس مو شانشيلا لأن باقي المواصفات مو فيها وطبعا مثلج عارف هالكلام لكن مجرد معلومه لصاحبة الموضوع..

بس ما كان الشانشيلا متواجد بالكويت الا قليل والحين كم وحده شرت من سوق الجمعه وطلع اللي عندها شانشيلا.. !!

 

[semony]

صحيح ^_^

انا اشتريت وحده كبيره شانشيلا بعد وطلع فيها صرع

وربي خفت وبنفس الوقت حزنت عليها وماعرفت اش اسوي معاها

وديتها البيطري اللي بالمنطقه عندي الوحيد مارضي حتى يكشف عليها

قالي ماعندي اجهزه لا تنزليها من السياره (( سوداني وربي كان ودي اضربه ))

المهم اعطيتها واحد بعد ماشرحت له حالتها لاني مابي اخذ ذنبها بصراحه حرام

مو كاني قلبت الموضوع قصص قطوه ههههههههه

 

[البرنسيسه سعاد]

سيموني هههههههه عادي اخذي راحتج


انزين شنو فصيلة قطوتي ؟

 

[semony]

اعتقد شيرازي هجين


اذا قدرتي نزلي لها صور اوضح

 

[||cats_lover||]

ما شاء الله شحلاتها تينن

أنا ما أعرف شئ عن الفصيلة القطط

بس أكيد بفيدونج البنات <<<<<وحده عليمية لووووووول