الو وين تاخذون الديرة ؟؟؟ حسبي الله عليكم

[monmon12]

السلام عليكم بنات
اول شي بس تذكير قبل لا ندش موضوعنا عشان الردود
أصلح المسيء بحسن فعالك ودل على الخير بجميل مقالك
الهدف نناقش مشكله وليس انتقاد شخصي وأرجو استئذاني قبل نقل موضوعي
بسم الله الرحمن الرحيم
اللهم صلي على محمد وآله وصحبه وأزواجه المنتجيبن جميعا من غير تفريق واحشرنا معهم يوم الدين

بنات وشباب وكل من يقرا موضوعي

بس ابيكم تتكرون الأحداث الي صارت من 2000 الى 2010؟
ابي خلال ه10 سنين تشوفون جم مره احل المجلس؟
جم استجواب صار؟
جم هوشة صارت بين النواب والنشطاء؟؟
شنو هذا الي قاعد يصير بالكويت في الأيام الأخيره؟؟

مؤشر خطير والله العظيم

الى أين تريدون ان تأخذو الكويت ؟؟؟؟

يا نواب يا نشطاء يا سياسين يا كتاب

جميعكم بكل توجهااتكم

الى وين بتاخذون الكويت؟؟

الى حرب اهليه ؟؟؟ الى فوضى وخراب؟؟ الي يبي يعمر ويحارب الفساد بالطريقه هذي

وين الاسلام ووين خلق الرسول وين الدين الي خليتوه لعق على السنتكم

والله دمعتي بعيني على الكويت

فرقتو الكويت واهلها وانتو تقولون تبون مصلحتها

والي يبي مصلحه جذي يصلح؟؟

بالصراخ بالتهديد بالطق بالسب

بالتحدي

ماقام احد يترس عينكم ولا تحطون اعتبار حق أحد

يقولوكم ممنوع باسم الأمير وتعاندون ياخي احتراما بس لاسم الأمير فقط تطيعون الكلام

لأجل اسمه فقط على قرار صاحب السمو كلنا نسكت

شنو تبون ؟؟

أصوات انتخابيه

مكاسب مصالح شهره اموال
الاعمار ايي من ورا فتنه؟؟

بالله قوليلي في أي تاريخ او كتاب او اي زمن

الفتنه يت وراها أعمار وبناء وازدهار


لا تقولون الكويت ولا تقولون الدستور
لا تقولون أهل الكويت

انتو اول من كسر الدستور والقوانين بواسطاتكم للي ما يستاهل

انتو فرقتو اهل الكويت وسويتهم
مع فلان او ضد فلان

لو تبون مصلحتها مو جذي تسوون

بس حرام عليككم فرقتو الديرة لعبتو لعب بالناس

شوفو ويين وصلتو الديرة


ما تخافون الله ما تخاوفن يوم القيامه هاليوم الي يقولوكم الله

قفوهم أنهم مسؤلين

حرااااام قطعتو الكويت حرااااااااااااام

بسكم عبث
بسكم تفرقه

بسكم بس

10 سنين اسلوبكم فااد بشي ؟؟

سواا شي؟؟ بنا شي؟؟؟

اذا هذا مو دليل انه غلط؟؟

لو صح جاان الحين عندنا اعمار؟؟


خلو الناس تعيش مرتاحه يبا احنا مشاكلنا عاديه حالنا حال أي ديرة

حلوها بالعقل مو بالسب والطق

شتبون توصلوله ؟؟؟

الكويت لها نوخذه واحد الشيخ صباح الأحمد الله يطول بعمره وراه الشيخ نواف


ايهم منو يقودون السفينة الي ايهي الكويت

انا ولائي لهم وللكويت

مو لنائب او ناخب او ناشط او كاتب او اللي يكون

يا خي تكلموا تحجو بس عيب عليكم كل واحد بيدوس بطن الثاني عشان عارضوكم

الله يحمي الكويت من هالفتن

ويرد كيدكم بنحركم وحسبي الله ونعم الوكيل فيكم
​

 

[عصير ليمون]

رد : الو وين تاخذون الديرة ؟؟؟ حسبي الله عليكم

صاجه صرحه اللي قاعد يصير ما أدري لمصلحة منو
هذي مو الكويت ، عمري الكويت ما كانت بالشكل
عمر الأمور ما تناقشت بالأسلوب ،، ياما مرت على الكويت
مشاكل ومصاعب ،،لكن ما مر عليها مثل اللي قاعد يصير الحين
ما صرنا نعرف وين الصح وين الغلط ما صرنا نعرف منو اللي معاه الحق
ومنو اللي على الباطل ،،، صار الكل يتكلم والكل صار سياسي محنك
وكل من هب ودب دخل هالمجلس وحاس الدنيا ،، والله بس قولولي منو اللي نصدقه
منو الصادق فيهم ،،، حوسه ما لها أول ولا آخر
ما أقول الا الله يحفظ الكويت بس ،، أما هالمجلس واللي فيه لا هم حافظين ولا حافظين تاريخه
الكل يدور على مصلحته ومصلحة ربعه ،، وأرباح وقتيه ،،، لكن الكويت مو في حسبتهم

ما أقول الا ( حفظ الله الكويت من كل مكرووه )

 

[monmon12]

عصير ليمون حبيتي مشكوورة والله الكويت محتاجه الدعاء منا هالأيام

لأنه في ناس حمقى قاعدين يثيرون الفتنه والتفرقه بين الناس

الله يرد كيدهم بنحرهم يا رب

 

[فانتا ستروبري]

اي والله صاجة احس قمت ما احس بالامان

وحدي خايفة والله :eh_s(2):

بس ما اقول اللا الله يحفظ لنا الكويت والامير يارب​

 

[مهيره]

رد : الو وين تاخذون الديرة ؟؟؟ حسبي الله عليكم

والله كنا انشوف المظاهرات وهجوم القوات الخاصه على الشعوب في التلفزيون وكنا نحمد ربنا على ديرتنا والحين الي قمنا انشوفه عندنا ترى لكويت مرت على محن كثيره ولكن انحلت بسرعه اكثر وحده طولت ٧ اشهر الغزو العراقي اكثر من غزو شنو بعد ولكن كان بطل تحرير الشيخ سعد وامير القلوب جابر الله يرحمهم موجودين

 

[monmon12]

اي والله صاجة احس قمت ما احس بالامان

وحدي خايفة والله :eh_s(2):

بس ما اقول اللا الله يحفظ لنا الكويت والامير يارب​

الله ان شاء الله حافظ هالديرة من شر كل فتنه يا رب

ويرجع لنا الأمان

 

[monmon12]

رد: رد : الو وين تاخذون الديرة ؟؟؟ حسبي الله عليكم

والله كنا انشوف المظاهرات وهجوم القوات الخاصه على الشعوب في التلفزيون وكنا نحمد ربنا على ديرتنا والحين الي قمنا انشوفه عندنا ترى لكويت مرت على محن كثيره ولكن انحلت بسرعه اكثر وحده طولت 7 اشهر الغزو العراقي اكثر من غزو شنو بعد ولكن كان بطل تحرير الشيخ سعد وامير القلوب جابر الله يرحمهم موجودين

ان شاء الله حبيتي سحابة سوده وتمر

والله يرد كلمتنا وحده

 

[ياشايل الظبى]

الله المستعان
من متى واحنا جذيه تفكيرنا
من متى صرنا نقول
هذى سنى وهذى شيعى
هذى بدوى وهذى حضرى
هذى كويتى ولد بطنها وهذى مزدوج
من متى .. من طلع علينا هالجويهل .. اللى الله اعلم من وراه
من له مصلحه ينشر الفتنه بين الشعب ويكرهم فى بعض

الله المستعان

 

[pяiήcєşš]

رد : الو وين تاخذون الديرة ؟؟؟ حسبي الله عليكم

♥•

ان شاء الله فتره وتعدّي على خيير
تفاءلووا خييرا تجدووه
عندي أمل ان الحال ينصلح ويتغير كل شي للأحسسسن

الله يحمي الكويت من الفتن مااظهر منها وما بطن


اللهم آآآآآآآميييييييييييييييين

♥•.

 

[Sh0sho]

اي والله صاجة احس قمت ما احس بالامان

وحدي خايفة والله :eh_s(2):

بس ما اقول اللا الله يحفظ لنا الكويت والامير يارب​

اي والله نفس شعوووووووري:eh_s(16):
ربي يحفظها

 

[monmon12]

الله المستعان
من متى واحنا جذيه تفكيرنا
من متى صرنا نقول
هذى سنى وهذى شيعى
هذى بدوى وهذى حضرى
هذى كويتى ولد بطنها وهذى مزدوج
من متى .. من طلع علينا هالجويهل .. اللى الله اعلم من وراه
من له مصلحه ينشر الفتنه بين الشعب ويكرهم فى بعض

الله المستعان

اختي العزيزه لا تذكرين اسامي عشان ما يقلب الموضوع لشي ثاني

ولو انه هذا فعلا انسان سبب فتنه ما يعلم وين راح نروح منها وفعلا فرق بين الناس

لكن احنا لازم نكون عقال

ما نخلي واحد نفسه يأثر فينا

خلوووه يتكلم أنه ما في أذن تسمع

بعدبن حبيبتي انا قتلج من 2000 ليش؟؟

لان من 2000 ماكان فيظاهره جويهيل النواب حببيبتي أيضا سبب في مشكالنا الحالية

بتصرفاتهم اللامسؤوله

كلامي حق حتى النواب والجويهل وكل واحد غبي

يبي يفرق بينا

آرائكم حرين فيها بس ما تفرضونها على أحد ولا تقصون على الناس

 

[monmon12]

رد: رد : الو وين تاخذون الديرة ؟؟؟ حسبي الله عليكم

♥•

ان شاء الله فتره وتعدّي على خيير
تفاءلووا خييرا تجدووه
عندي أمل ان الحال ينصلح ويتغير كل شي للأحسسسن

الله يحمي الكويت من الفتن مااظهر منها وما بطن


اللهم آآآآآآآميييييييييييييييين

♥•.

الله يا عمري يسمع منج يا رب

 

[معابر الذكرى]

رد : الو وين تاخذون الديرة ؟؟؟ حسبي الله عليكم

السلام عليكم ورحمة الله وبركاته..

جزاج الله خير اختي صاحبة الموضوع وجعله في ميزان حسناتج..خاصه وانا اشوف الحسره مابين الحروف على الي قاعد يصير بالديره..

معااااااااج بكل الي قلتيه بس لازم ازيد واقول...ليس كل ما نراه الصحيح ولا ما نسمع..

هناك ناس قاعده تهدم باساس البلد..هناك اصوات حق يراد بها باطل..هناك حراميه صغار ينفضحون عشان يتم التستر على هوامير السرقات..هناك الي يضربنا ببعض ..ويشين النفوس..ويحمل راية الشيطان..ويوسوس لمرضى القلوب..

يكفي اني اسمع اي واحد يذم ولد ديرتي او يشكك في ولائه واصله وفصله وافعاله عشان اعرف ...ومن غير شك انه عدوي..
سنين اخوان وكل من اشعل الفتنه عليه من الله مايستحق..

بالنسبه للنواب..خلوهم يجتمعون..المثل يقول لاتبوق لاتخاف..ومن عرفنا الكويت والدوواين سمتها الي ميزتها بين البلادين..وترى الاجتماع يقودونه نواب هم ادرى الناس بمصلحة البلد..اما انه تكون هناك قوانين بالمتر تحدد مقاييس التجمع !!!!!!! ليكون الامر عصا مسلطه فوق رؤوس البشر....ليش الخوف..

الجويهل .. الي مهما كان قصده والله من وراء القصد..الا انه لم يرضي العاقل رغم وجود العذر ان يضرب بتلك الطريقه...و والله لو ان من ضربه اراد هلاكه لفعل خاصة وانهم مئات من الغاضبين(لكن ظل قصدهم تاديبي...وان كان لايبرر) وهاهو بعد الضجه الاعلاميه لم يصب سوى برضوض..ولله الحمد والمنه..ففي النهايه للناس حقوق واهل وارواح حرم الله ازهاقها الا بالحق..

والان نواب ...نوااااااااااااااب..يمثلون الشعب بكل اطيافه ان لم نقل اكثريته..تهان كرامتهم بذلك الاسلوب..وبالامس كنا نقول كان على من ضرب الجويهل ان يلجا لدولة القانون..ولكن القانون لجا اليوم لشريعة الغاب..والحجه مخالفة الاوامر..رغم ان المنع يجب ان يسلم باوامر خطيه من صاحب السمو امير البلاد..وهذا من الدستور..

وقد كانت الاصابات فادحه..من تضربون .. من الذي يضرب..من الذي امر...

سبحان الله يؤتى المرء من مأمنه...وهذا ما سيحدث فمن نهب الكويت من اضاع القوانين والاعراف..من ظن انه خلف الدروع الحصينه..كشفت حقيقته..وليعلم ..(وما الله بغافل عما يعمل الظالمون)

هناك الم وحسره للوحده التي كانت واهيه كخيوط العنكبوت بفعل السموم التي تبث وتشاع بين ابناء الوطن الواحد..

تتعثر الكويت ولكنها تنهض بقلوب محبيها..تنهض بالرحمة التي خصصنا بها اكاد اقول دون خلق الله..
لنعر بالغضب ليكن تجاه من يقسم الكويت ففي النهايه كل يجري لمسعاه..وطموحاته السياسيه..
لكن الكويت بعد الله حماها دستور ومجلس امه .. يراد اليوم ان يغتاله الذين يريدون ان ينهبوا مقدرات البلد دون حسيب او رقيب..وسؤال لم حين يراد ان يتم تقديم وزير للاستجواب وهذا ما يحدث يوميا في الدول المتقدمه..وهي الطريقة التي يقاس بها انجاز الوزير وحتى لو ان للنائب الذي استجوب غايات اخرى..نرى الحكومه تحركت ككيان واحد مسير وكانهم شله لحد يمس شعره من راس واحد منهم..خل كل وزير يواجه مسؤولياته الي امنوه الناس عليها..لماذا الخوف فما دمت على السراط المستقيم ..فسيكون كواثق الخطى يمشي ملكا..

اتكلم اليوم وحبا خالصا يفيض فالعروق لكل ابناء بلدي الذين لاتقاس دماءهم بمال الدنيا كلها..ابناء كويتي التي عشقتها عشقا..كويت الحاضره والباديه والسنه والشيعه...


وانت يامن تتلاعب بارواح الاخرين ودساتير الشعوب وكرامتهم...اعلم واصحى من غفلتك..وانظر للتاريخ فما مصير الطغاة ببعيد..
الشارع يغلي..والنواب الذين تراهم يتحملون الاذى يتبعهم الالاف..ولكن الله جعل في نوابنا مخافة الله..ولو اننا في بلاد اخرى ..لدارت بالامس حرب شوارع..لكن الله سلم..فهم ادرى بما وراء المسرحيه..لكن...لكل وعد حين..
والشرطه والقوات الخاصه ولو طاعت اليوم ..بكره مستحيييييييييييييييييل لانهم ابناء واخوان للذين يواجهون...

وفي النهايه..اللهم احفظ بلادنا واميرنا وولي عهده ونوابنا وكل كويتي بما تحفظ به عبادك الصالحين...واصلح ذات بيننا..

واهدي الضال منا وارنا عجائب قدرتك بمن اراد بالكويت سوء.....اللهم امييييييييييييييييييييين

 

[سديم*]

ممكن سؤال ليش كل ما طالبوا النواب باستجواب رئيس مجلسً الوزرا انحل المجلس؟؟؟؟؟؟؟؟؟؟ والحين لما سووا ندوه عشان يتفقون علا استجوابه طقوهم بقوات خاصه فوق ٢٠٠ داشين عليهم والله عيب عيب اللي قاعد يصير الديره فيها فساد مو طبيعي ما اقول غير الله يحميج يالكويت من شر الفتنه عيب نواب ودكاتره ومهندسين ونواب افاضل مثل الطبطبائي ينطق وينهان يدزونهم والطراثيث لبسوه الورد البطل الشهم وكانت تمثيليه ماصخه وواضحه استغفر الله شي يقهر ترا احنانتكلم ماندري عن الخافي وعن الفساد اللي صاير لا تلومون النواب الله يعين ما ودي اتكلم اكثر لاانفعل بس اللي بقوله ان رب العالمين وربنا فوقنا يحمي ديرتنا ويحفظها من شرالفاسدين ويطول بعمر اميرنا وولي عهده الامين

 

[كرة ثلج]

رد : الو وين تاخذون الديرة ؟؟؟ حسبي الله عليكم

اللهم احفظ وطنا من كل مكرووه واهدي الضال منا وارنا عجائب قدرتك بمن اراد بالكويت سوء اللهم امييييييييييييييييييييين

 

[εïз Ǎβε 8ĥωą]

رد : الو وين تاخذون الديرة ؟؟؟ حسبي الله عليكم

الله يحمـــي ديرتنــآآ من الفتــن بسس ،،

والله انهــم بطوو جبدي كل هوآش وطق لي متى يعني ؟!!

الله المسستعآإن ،،

يعطيج العآإفيــه يآإ عسسـل =)

 

[amami al-kuwai]

رد : الو وين تاخذون الديرة ؟؟؟ حسبي الله عليكم

للاسف انه كل واحد فيهم يفكر بمصلحنه الشخصيه وكل الجبروت اللي قاعد يعرضونه جدام العامه تكسب انتخابي

علشان يردون كراسيهم

لكن المشكله مو فيهم المشكله بالناس اللي قاعده تردهم مكانهم كل شخص للاسف مايفكر بالكويت

يفكر بمصلحته ومصلحته عايلته او قبيلته او طائفته

انا من ناحيتي اتمنى يعلقون الدستور لان للاسف ان النواب خلو الكويت متخلفه عن الركب الحضاري وتقدمت علينا كل الدول واحنا

صرنا بالنهايه وتخلفنا بكل الخدمات والمجالات بدل 10 سنين 100 سنه

للاسف الكل يدور مصلحته محد يفكر بالكويت

 

[dnyay_mll]

رد : الو وين تاخذون الديرة ؟؟؟ حسبي الله عليكم

معاج حق

وماراح اقدر اعلق لان ردي ماراح يرضي البعـض لانهم يبون نسكر حلوجنا عشان قب....

 

[amami al-kuwai]

رد : رد: الو وين تاخذون الديرة ؟؟؟ حسبي الله عليكم

ممكن سؤال ليش كل ما طالبوا النواب باستجواب رئيس مجلسً الوزرا انحل المجلس؟؟؟؟؟؟؟؟؟؟ والحين لما سووا ندوه عشان يتفقون علا استجوابه طقوهم بقوات خاصه فوق ٢٠٠ داشين عليهم والله عيب عيب اللي قاعد يصير الديره فيها فساد مو طبيعي ما اقول غير الله يحميج يالكويت من شر الفتنه عيب نواب ودكاتره ومهندسين ونواب افاضل مثل الطبطبائي ينطق وينهان يدزونهم والطراثيث لبسوه الورد البطل الشهم وكانت تمثيليه ماصخه وواضحه استغفر الله شي يقهر ترا احنانتكلم ماندري عن الخافي وعن الفساد اللي صاير لا تلومون النواب الله يعين ما ودي اتكلم اكثر لاانفعل بس اللي بقوله ان رب العالمين وربنا فوقنا يحمي ديرتنا ويحفظها من شرالفاسدين ويطول بعمر اميرنا وولي عهده الامين

كل كلمه قلتيها انا معاج فيها لكن والله كل الفساد من النواب

اهم اللي قاعدين ينشرون الواسطات والمحسوبيات وهذا الشي اهو اللي خرب ديرتنا

يبون فايدتهم ومصالحهم

مو الكل لو خليت خربت

 

[دموع تائهه]

الله يحفظ الكويت وشعبها من كل مكروه