الولاده

[latkt7as]

مرررحباا

بدش بالموضوع على طول انا بالثامن تقريبا

وبصراحه محتاره عند منو اولد

دلال السالم

ليلي اشكناني

الي مو عاجبني بدلال انها ماتولد بالمواساه وبين خياراتها بالمستشفيات
اهون شي لي دار الشفا واحسسه حوسه وزحمه وازعاج

وليلي اشكناني عاجبني انها تولد بالمواساه بس في بنات يذمونها
غير الي يقولون تجي حدددها حدها ممكن اولد قبل تجي بعد..؟؟

عطوووووووني رايكم ابي الي جربوهم مو على كلام الناس

 

[نونا**]

انا دخلت بس اعلق على دار الشفا المستشفى موطييعي اهتمام وسسترات عسل انا ما اولد الا فيه

 

[درة التاج]

سلام عليكم
آراء الناس في الأطباء والمستشفيات تختلف علا حسب الخبرات والمواقف
حبيبتي استخيري قبل أي خطوة
الله يسهل عليك الولادة :eh_s(7):

 

[حبيبي مالكني]

ماحبيت اطلع بدون ما ادعيلج الله يسهل عليج

 

[انا لها شمس]

شعليج بزحمه والازعاج خو اكيد بيولدونج بغرفة الولاده اللي بتكون بعييييييده
عن العالم .. قولي تبين تكشخين وتتميزين عاللي معاج

انا اقول اتكلي ع ربج وادعي يسهل لج ولادتج

 

[Aloe Vera]

الله يسهل عليج

انا بعد سمعت ان دار الشفا وايد ازعاج

المهم خليج على الدكتورة اللي تولدج بالمستشفى اللي ترتاحين له
و لو تكون الدكتورة من نفس المستشفى انا اعتقد احسن جذي الدكتورة ماتتشتت لو صار عندها حالتين
و استخيري

و اثنينهم الدكاترة في من يذمهم و من يمدحهم لان كل شخص له تجربة غير

دلال السالم وايد يمدحونها بس انا جربتها بالمراجعة حسيتها كبيرة بالعمر و اغلب اللي اعرفهم كانو عندها حولو عنها و راحو حق غيرها اصغر بالعمر

انا هذي تجربتي بس بصراحة وايد ناس يمدحون دلال السالم و ليلى اشكناني اثنينهم

 

[حشمه]

اول شي استخيري وربي ان شاء الله يسهل ولادتج

الدكتورتين يمدحونهم واعرف بنات والدين عندهم

امدحوهم واما سالفه اتيي حده حده اغلبيه الدكاتره

جذي من يتبطل الرجم 7 مثلا يدقون عليها اتيي

وانا اشوف شنو مرتاحه عليه المستشفى خلج فيه

اهم شي راحتج النفسيه بالمكان والسهاله من رب العالمين

مايضر استخيري وشوفي شنو تستقرين عليه

 

[latkt7as]

مشكورين حبايبي

والله يحزاكم خير ع الدعوات ويسهل على كل حامل يارب

 

[latkt7as]

شعليج بزحمه والازعاج خو اكيد بيولدونج بغرفة الولاده اللي بتكون بعييييييده
عن العالم .. قولي تبين تكشخين وتتميزين عاللي معاج

انا اقول اتكلي ع ربج وادعي يسهل لج ولادتج

حبوبه شكو اتميز اصلا غرف دار الشفا احلا من المواساه

بس ذاك اليوم لما رحت صدمتني الفلبينيه الي بالرسبشن
قالت لي المستشفى فل مافيه الا غرفه ملكي امبيييه بطلت حلجي

قلت انزين واذا انا ولاده الحين وين تحطوني ان شاء الله
جان تجي مغربيه الرسبشن قالت هاه ماعليه نوفر لج غرفه

وانا بالنسبه لي وقت الولاده اكون حدي متوتره وعصبيه
تخيلي فوق هذا يكون زحمه

 

[latkt7as]

والله مادري بستخير واشوف ربي يسهل لي شنو بالضبط
والخيره بالي اختاره الله لي


بس الي جربو ليلى شرايكم بخياطها تكفووووووون

 

[الأميرة جوري]

الله يسهل عليج

 

[خوية الذيب]

الاستخاره بالاول و بعدين مو شرط الدكتوره اهم شي عناية المستشفا نفسه

 

[انا لحبيبي .]

الله يسهل عليكي وعلينا يارب العالمين

 

[شطانه طفله]

الله يسهل عليج وعلينا يارب انا بعد محتاره بين المواساه ودار السفا ورشحت المواساه عشان ماكو ازعاج

 

[كتكوته حبيبي]

ليلى اشكناني وانتي مغمضه وبالنسبه انها تيي حده حده موشرط اذا طولتي بتيي تطل عليج بين فتره وفتره اما اذا بسرعه من 6 سانتي تيي وانتي شتبين فيها تقابلج مراح تفيدج بشي راح يكون عندج سستر معاج تفحص وتجيك عليج بس يعني ماله داعي وجود الدكتوره اصلا

 

[latkt7as]

شطانه
زين سويتي المواساه مجربته بولدي راحه نفسيه
حتى ستافهم يهبل مع اني عصبت بس يمسحون علي وويبتسمون

كتكوته فدددديتج ريحتيني
ان شاءالله شكلي بتوكل على الله وارجع عندها
والله يكتب الخير والسهاله من الله

 

[أبكاني ذنبي]

ماجربتهم



الله يهوون ويسهل عليج

 

[latkt7as]

فديتكم

تجاااربكم الي راجعوو عند ليلى اشكناني

 

[أم ســـجى]

ليلى اشكناني مولده نص اهلنا ويمدحونها وايد وبكل ولاده يبونها لاتحاتين هالشي اهي تعرف وقت الولاده وراح يكون بينكم اتصال اكيد

 

[امـ خــزامـى]

الله يهون عليك وعلى كل حامل البنات ماقصروا