الولاده في مستشفى العدان؟؟؟

[شموخ المملكه]

مرحبا بنات حبيت اسئلكم عن الولاده في مستشفى العدان
صج السوااااالف اللي نسمعها وعن الاهمال اللي عندهم اولا
اذا احد جرب الولاده فيه ياليت يقولنا

 

[شموخ المملكه]

للرفع \
يب يب

 

[قلب ناصر]

اخــــتي شموووخ ولاده العدان زينه حدها وماعليج من سوالف الحريم وبعدين التسهيل من ربج وانا امي الله يخليها لنا والده كل اخواني بالعدان وخالاتي نفس الشئ بالعكس العدان يهتمون فيج اكثر من الخاص وهذا راي وتقبلي مروووري

 

[شموخ المملكه]

قلب ناصر مشكوره حبيبتي انا سالت لان وحده اعرفها سالتني عن العدان وانا بصراحه ماعرف عنهم شئ وحبيت اسال واذا احد والد هناك ياليت يقوووول

 

[شموخ المملكه]

للرفع بنات تكفووون اذا احد عنده خبره في العدان يقوووووووول

 

[miss_jamsheer]

والله انا عندي حمواتي والدين وحده توها صارلها سنه اتقول لوعت جبد حتى ريلها كان بيطلعها ويوديها خاص ولا عطوهم كلهم ابره ظهر مايصير اصلا في بنات جسمهم مايطيح عليهم وانا رفيجتي خذتها واختنقت فولدوها قيصريه بس اهي والده بخاص بس مادري العدان محد يمدحه وانا حماتي همن الحسن حامل اهي كانت والده بالعدان قبل اتقول مابي مفكره اروح خاص على الاقل مكان سنع ومادري هذا اللي اعرفه

 

[سفيره الهم]

والله انا اولد بخاص
بس بنت عمي مجربه العدان ثاني ولاده اول ولاده كانت بدار الشفا والكتوره من بره
ثاني ولاده بالعدان تقول سمعت الديح بالعدان ورحت تقول لوعه وتعبانه تقول اذا جاه الطلق وصرخت تقولي السستر اسكتي ما تبين تستحملين ليش تحملين
تقول توبه

 

[ام ناصر 2009]

مادري حبوبه
بس مانصحج بالحكومه حاولي بالخاص
اذا ماكو ميزانيه توكلي على الله والله يسهلج
شوفي قصتي يمكن تفيدج بس انا بالفروانيه

http://www.q8yat.net/showthread.php?t=535080

 

[روان_الكويت]

انا والله ولاداتي كله بالخاص
بس حمواتي و2 من حريم حمواني يولدون بالعدان
زرت حماتي يوم اولدت بالعدان ورحت الحمام عمومي طبعا يلوع الجبد مو نظيف شكله قديم وماكو صابون ولا كلينكس
وحماتي توها طالعه من الولاده وراحت الحمام طلع حمام الوالدات نفسه الي رحتله مجابل غرفتهم
كسرت خاطري اشلون شذي حماماتهم
ياحلو الخاص وياحلو حمامهم لا ولج بروحج وصابون وكلينكس شنه حمام فندق
اهم شي عندي صراحه الحمام
الولاده سهاله من الله واخر ولاده لي بالسلام كمامهم خفيييييييييف اشوه رحمه من الله اني بسرعه ولدت
اذكر تلفوني يمي دقيت عالدكتور الاسطل دكتوري ترجيته قلت له قولها ابي شي بنام كلمها عطتني ابره نومتني شوي

 

[منى وبس]

بنات خلووكم من هالسوالف انا اختي ممرضه بالعدان كل خواتي ولاده بالعدان ويعطون ابرة ظهر عادي وعلى فكره بالطبيب الخاص بفلوس ابرة الظهر بالعدان لا عادي
وعلى قولت اختي تحلف ان تجيهم حالات اتقول تكسر خاطري من الخاص لاعبيبن فيهم لعب من الخياطه او التهابات دااااايم جذي
واتقول العدان من كثر الحريم اللي يودلون صار عندهم خبره اختي تضحك اتقول ماشاءالله باليوم تقريبا اقل شي 15 يمولود جديد وما تبين ولادتهم زينه خذوا خبره ونص واتوقع الحين تقدر تولدج واهي مغمضه ههههههههههه
اللي تبي شي من العدان من الولاده اتقولي ومالها الا طيبت الخاطر انشالله انا اوصي عليها اختي اخذوا ايميلي واللي تقرب ولادتها اعطيها رقمي عالخاص بيني وبينها وتخلي احد من اهلها يتصل علي وان اوصيهم طبعا بالواسطه كل شي غير
وحبيت صج ارد على اختي اتقول الحمامات خيسه مومهم الحمام قد ما يكون مهم انج تولدين بصحه وسلامه لاتفكرون واايد بالمظاهر والوالده عندهم ما طول بالكثير يومين وطالعه بس
ادري طولت عليكم بقرقتي بس عشان تستفيدون
والله يسهل عالكل انشالله

 

[عاشقة متعب]

والله انا اولد بخاص
بس بنت عمي مجربه العدان ثاني ولاده اول ولاده كانت بدار الشفا والكتوره من بره
ثاني ولاده بالعدان تقول سمعت الديح بالعدان ورحت تقول لوعه وتعبانه تقول اذا جاه الطلق وصرخت تقولي السستر اسكتي ما تبين تستحملين ليش تحملين
تقول توبه

امبيييييييييييييييييييييييييه هذي قوية

انا بخاص والله
بس للرفع

 

[ام وليد hamood]

ولادة العدان حلوة .. ومادري هالحريم هذول شيبون كل اللي بالخاص بالحكومه وحتى اساسا يخافون يغلطون مو نفس الخاص اذا شرح وكل شي وصار اي خطا قطوهم على الحكومي.

 

[هموسه!!]

والله الولاده أن كانت عسره ولا سهله فهي من رب العالمين سبحانه

والعدان فيه الزين والشين.. والخاص بعد.. محد كامل

واللي اعرفه ان في حريم متعودين عالعدان وبعدين يتوجهون عالخاص لان عدد المرات اللي تولد فيها.. مايخيطونها

وهي تبي الخياط فتتوجه للخاص مجبوره

 

[شموخ المملكه]

يعطيكم العافيه بنات ومشكوررررررررين واذا احد عنده شئ ياليت يقوله

 

[الدلال]

ما انصح ابداا فيه

الولاده السهاله فيها من الله

بس العنايه مافيه

ولا اهتمام ولا مداراة لج وللبيبي

 

[شموخ المملكه]

مشكووووووووورين

 

[۩۩ الجـــــود ۩۩]

انا اولد بالعدان والله ماظلمهم دكاتره ولا سسترات يهبلون معاملتهم معاى اوكى غرفة الولاده وبرا
وانا لا واسطه ولا شى

والتساهيل من الله

 

[Emanova]

انا في بجري ولدت بالمواساه و قيصريه و لاعت جبدي بدلال ما يدلعوني كان مالهم خلق عمرهم

و قبل 6 شهور ولدت بالعدان قيصريه توائم الله يحفظهم و يخليهم كانت من احلى الولادات ابره ظهر و حاطين ام كلثوم و يسولفون معاي

و احلى شيء فيهم يشجعون الرضاعه الطبيعيه فما يرضعون البيبيات من المميه يشربونه بالقلاص الصغير مال الدوا علشان لما ترضعينه يلقط الحلمه

و كل يوم امجابلتني السستر علشان ارضع الدكاتره و السسترات وايد زينين

و الحكومه احسن علشان الله لا يقوله لا صار شيء عندهم امكانيات و عندهم دكاتره في كل شيء لان انا لما افتحوا بطني دكتوري قام يصرخ و يقولي منو ولدج قبل ؟!؟!؟!؟!

و تخيلي على ما طلعوا اليهال و لا امنادين دكتور المسالك و عدل لي مكان المثانه اللي كانوا الخاص مخربينها و انا كان عبالي ان

مثانتي صارت ضعيفه علشان تزوجت و حملت مو علشان لاعبين فيني و الحمدالله الحين كل شيء تمام

 

[ليونة الكويت]

والله انا ولدت بالعدان في بجري
ووايد ارتحت عندهم عنايه وعطوني ابرة الظهر
وعلموني كل شي حق الياهل
اشلون ارضع واشلون ابدل البامبرز
والله يهبلون وايننون
بس عيبهم بالليل يقطون الياهل عليج
اما كل شي ثاني كان وايد زين

 

[مي الحلوة]

انا جايبة كل عيالي بالعدان والله عنايتهم زينه..ويخافون عليج اذا فيج ضغط ولا سكر..
والتساهيل من الله..وما ابي اظلمهم ما شفت شيء من اللى يقولونه الحريم..