الولادة بمستشفى الفراونيه ابي نصيحتكم

[الشوق ياخذني له]

السلام عليكم
الله يعطيكم العافيه خواتي
بدخل بالموضوع بعد اسبوع بدخل بشهر التاسع
وتفقنا انا وزوجي اولد بمستشفى حكومي كنت مفكره
بالصباح لكن كلمتهم قالو البطاقه على الفراونيه مايصير
وانا خايفه منه ابي منكم كلام يريحني
ابي تجاربكم وهل فيه اللم الوسواس ذبحني
طبعا هذي اول ولاده لي وعمري 20
لاتخلووووووني وشكرا لكم​

 

[انصاريه قمره]

حياتي انا والده بنات ال 2 بالفروانيه ولله الحمد والسهاله من الله ولاداتي كانت سهله
والسسترات حليوين
للامانه اول مراا كانت واسطتي عمتي والمره الثانيه لاني ولدت الفير استحيت ادق فكانت واسطتي رب العالمين من ناحيه النفسيه والاهتمام بالولاده اوكي
بس الغرف مو شي ما تلقين خصوصي كله عمومي

والله يسهل علي وعليج

 

[صمتي حكيه]

السلام عليكم الله يهون عليج ويسر ولادتج انشالله...اختي انا جربت الاولاده بالفروانيه مرتين بولدي البجر وكان عمري عشرين.ولدي الثاني الولاده عندهم حلو وزينه وفي اهتمام خاص اذا كنتي بجر وانا بجري سولي طلق صنعي لي اهو تحاميل تساعد عل فتح الرحم وحتى بولادتي الثانيه ويعطونج كمام وعل اللم في اللللللللم اكيد وعوار انا ماقاعد اخرعج بس اقول الصج لاتخفين شي عادي واهمه يعطونج ابره تخفف العوره بغرفه الولاده مع الكمام واختي تر اهي تيسير من الله انتي ادعي ربج انه يسر ولادتج ولاتخفين ولاتحتين وانشالله نسمع عن قررريب انج ولادتي وقمتي بسلامه انتي ولبيبي الله يسهل عليج ويسرلج *

 

[سوسن1980]

بما انك بكريه تطمني ان شالله سهالات

 

[لوجين@]

انا تو والدة لي ٤ ايام هذي مو اول ولادة جربت
خاص وحكومه الاخيرة بالفروانيه لان عندي ظروف
بس والله عطوني كمام يجننن اقصد حلو دخت ونمت
وماقعوني الا ع الراس ولقيت بعدها غرفه خصوصي
بس عن تجربه البجر الاهتمام فيها غير

 

[جود2008]

انا ولدت بالفروانية بولدي قبل سنة ونص واللة سهالات الحمدللة والسستر عندي ماتفارقني وحتي خياطهم مظبوط حيل احسن من الخاص

بس المشكلة اذا طلعتي في عمومي ماتلقين خصوصي والبيبي يكون عندك فااحسبي حسابك في حفاضات الجاهل أخذي كمية معاج نصيحة

من اخت

والحمدللة كلها يوم وتطلعين

 

[Zaina-al-zaina]

انا والده فيه

بس انا حدي خوااافه مت رعب من الولاده نفسها

كمامهم زين ، وكانت اول ولاده لي ، وقرروا لي عمليه

وكانت عميليتهم كبس مو خياط يعني الكبس افضل لانه مايبين وايد

وللامانه مااقول كمامهم توب ! بس تحسين بالام وتغفين شوي مو وايد !

انصحج تستخيرين ! وتكثرين دعاء واستخاره !

وللامانه الحمامات مو نظيفه !

باختصر عليج الطريج

اذا الولاده طبيعيه خلج خاااااص!
واذا الولاده قيصريه خلج عند الحكومه!

والله يعينج ،
ويقومج يالسلااااااامه وتفرحين بعيالج يارب ...

 

[الشوق ياخذني له]

مشكوريين حبايبي ماقصرتو
انزين اخذ ابرة الظهر ولا بس كمام ؟؟​

 

[الشوق ياخذني له]

؟؟؟؟؟؟؟؟؟؟؟

 

[الشوق ياخذني له]

؟؟؟؟؟؟؟؟؟

 

[! بــدويه وآآيــد !]

،


حبيبتي انا ماااجربت الولاده كلش بس ذاك اليوم عندنا بنت عم امي تقول ولدت فيه دشهااا هواا وذبحهااا البرد تقول حتى لما ولدت ومبطلين رجولي اقولهم ابي بطانيه جابوا لي شرشف صغير قالوا مافيه الا هذا تقول صارت فيني حراره كفخني الهوااا اخذي معاااج بطانيه جديده خليها مع امج او زوجج الي معاااج بوقت الولاده لايدشج هوااا ومن الحين حاولي تحجزين خصوصي لان كله عمومي وحمامااااتهم وصصصصصصخه حيل

الله يسهل عليج

 

[أأأميرة الورد]

انا ولدت بنتي الثانية بالفروانية بصراحة بالوضع يهتمون فيج وينطرون على الوحده مو بسرعة قيصري نفس الخاااص
والسسترات حبوبات بس انتي وحظج اذا زحمه الوضع احس يكونون مضغوطين بس للامانة عندهم اهتمام ورعاية وكمام يعطونج
انا بنتي البجر بالسلااااام بس حولت للفروانية لاني كنت تعبانه وولدت قبل موعدي باسبوعين واكتبوا لي دخول وطلق صناعي
احلى شي فيهم ينطرون على الوحدة والله يسهل عليج ياااااااااااااااااااااااارب

 

[" ام حمود "]

الله يسسسهل عليج ياااااااااارب

 

[منار البربرية]

الله يسهل عليج يارب