الولادة بمساعده (الشفط) سوت ورم براس البيبي :(

[كويتية^_^كول]

شلونكم بنات
اول شي باركولي الف الحمدلله ولدت بعد عناء بس الحمد الله علي كل حال والحمدالله بفضل الله ودعواتكم ولدت طبيعي
بس لأني تعبت وبدا يقل نبض البيبي فسولي شفط
واللحين راس البيبي في ورم يخرع تقريبا حجم صحن استكانه الجاي ولونه بنفسجي
اول مره اشوف جذي وقالولي المستشفي شهر ويروح بس ماصدقهم ادري عشان مايبون يخرعوني
بنات بليز منو صار بعيالها او اي احد عندهم صار فيه جذي اطمني؟؟
شي عادي ما يأثر علي مخه؟ وشكثر يطول متي يروح؟؟
بليز طمنوني

 

[كازو ترف]

لا تستهمين يا حياتي ولدي حصل وياه نفس الشي لما قل الاكسجين خافوا عليه و طلعوه بالملقط و صارت علامه كبيره في راسه لكن الحمد لله بعد فتره قصيره (حوالي شهر) اختفت العلامه و هو الحمد لله بخير
وألف مبرووووك

 

[ELFAD3Ah]

عادي حبيبتي ولدت اشفطو ولدي لان تعب من الطلق وعادي مافيه الا العافيه اسم الله عليه

وحماتي هم شفط وماشالله ولدها بالجامعه

 

[ام عبد العزيز م]

ان شاءالله مافيه شي

 

[خوخة الكويت]

اولا الحمدلله ع السلامه و مبروك ما ياج 

ثانيا عادي عادي عادي انا بنتي شفطوها و الحمدلله الورمه باقل من شهر راحت

ما عليج لا تحاتين 

 

[دلال و غلا]

مبروك ما جاكم و يتربى بعزكم
و ابد تطمني و ع قولتهم حطي ف بطنك بطيخه صيفي
الورم باذن الله فتره و يختفي و مافيه ضرر

 

[_زينه_]

الحمدلله علا السلامه

عادي هذا من الشفط


انا ولدي كان يخرررررع راسه جاي بالطول لي فووووق وكنت نفسج احاتي كلها ٣ اسابيع انشالله و تشوفين الفرق يرد طبيعي سبحان الله

 

[طيبة83]

ما عليه شر

بس اختي وديه طبيب اطفال بمستشفي ثاني احسن

 

[Q8_QT]

حمدالله علي سلامتج ومبروك ماياج
هم آنا مثلج ولدي اشفطوه وكان راسه وارم بس راح الحمدالله الحين عمره 6 سنين ومافيه الا العافية

 

[ام الحلوااات]

الــحــمـــد للـــه عـــلـــى ســـلامــتـــج ومـــبـــرووك مـــا يـــااج
وعـــااادي لا تــحــااتــيــن الـــورمـــه شــهـــر وتـــرووح

 

[ام عجمية]

حمد لله علي سلامتج

 

[none2012]

ألحمدلله على سلامتج
ومبروك ماجاج
يتربى بعزكم أن شاء الله

حبيبتي لاتحاتين أناا عيال أخوي كلهم جذي
والورم شهر ويروح لاتحاتين ماياثر لا على مخ البيبي ولا على شكل الرأس
بس تدارو على رأسه لأتعورون المكان ؤلاتخلونه ينام عليه

دعواتج أن الله يسهل علي
ويطلع البيبي سليم معافى

 

[ام رغد 2]

عادي بنت عمي حصل لها مثلج شفطوه
وورم راس ولدها فتره وبعدين اختفى
لاتحاتين

 

[*ضيفة*]

حمدلله على سلامتك وان شاء الله ما عليه شر

 

[فوشيهـ]

اي حبيبتي مثل ماقلو لك عادي

ولد اختي البكر شفطوه لها وبعد فتره رجع طبيعي والحين راسه طبيعي مافيه نفخه او شي

العمر اسم الله عليه عمره 12 سنه يعني لاتحاتين ياقلبي

 

[بنت ريلي]

الحمدلله على سلامتح

لا تحاتين يا قلبي انا بنتي كانت صعرورتها شكبرها واضحه بس راحت بالتدريج خلال 6 شهور والحين عمرها سنه ماعليها الا العافيه

 

[فديت من سماني]

الحمدالله ع سلامتك و ان شاء الله خير

 

[ام دليار]

الحمد لله على سلامتك
مرت اخوي لما ولدت شفطو البيبي كان لون ازرق راح بعد ثلاث شهور مالو اثر

 

[كويتية^_^كول]

يعطيكم العافيه بنات
صح سبحان الله انا ملاحظه عن امس اللون خف شوي الحمدلله وانشالله يختفي نهائيا مع التفخه
مشكووووووورين على تجاوبكم معاي طمنتوني الله يطمن قلبكم دنيا وآخره يارب

 

[مشتطـه]

خخخخخخخخخخخخخخخخخخخخخخخخخخخخخخخ انا مشفووطــه

وشوفيني شزيني جامعية تبارك الرحمن و مافيني عيب ولله الحمد

عادي ولدي شفطوه وراسه على جنب واحد منتفخ جنه فيه ماي

حتى امي راعية العيال المشفوطين خافت

توكلت على ربي وقلنا من الشفط والحين فديت صمممماااااخه لذيييييييييييذ مافيه الا العافيه

بالنفاس يروح قبل لا تطلعين حتى

بس نوعي مرة على الجنب اليمين مرة عاليسااار


لو الشفط يضر جان ماشفطووو الياهل