الولادة بالطلق الصناعي؟؟؟

[TINA]

كيفكم ياحوامل الله يسهللكم و يقومكم بالسلامة
انا الاسبوع الجاي بدخل شهري:eh_s(9): و موعد ولادتي 25/4 و سألت الدكتور اذا في مجال اولد بتاريخ 17/4 لأن هالتاريخ يعنيلي انا و زوجي قال الدكتور اذا كنت فاتحة 2-3 سم رح يولدني و كل شي بيكون طبيعي انشاء الله شو رأيكم حدا مجرب هالشي من قبل انا بجرية و مقررة أخذ ابرة الظهر وش تنصحوني ؟؟؟

 

[english muffin]

الصراحة انا ضد هالشي كلش
البيبي ماينولد المفروض الي لين الله راد شدعوة العب في روحي و في الياهل عشان تاريخ
صلي عالنبي حبيبتي وتوكلي على الله .. شدراج يمكن من الله تولدين نفس اليوم

 

[طيبة83]

والله فراغه!

 

[أم عزيـز]

ما تقدرين تسوين شي غير تدعين الله يسهل ولادتج
واذا مستعيله خلي الدكتور او الدكتوره تسويلج توسيع قبلها ويمكن تولدين

بس نصيحتي خليها على الله وربج وحده يعلم متى ان شاء الله يطلع على البيبي على الدنيا
لا تلعبين بنفسج علشان تاريخ

 

[ناتشوو]

والله مايندرى
محد يقدر ينصحج بجذي خاصة طبيعي لو قيصري ممكن
انا جربت الطلق الصناعي
بس لاني طوفت موعدي وانفصلت المشيمة
ماحسيت بفرق كبير بينه وبين الطلق الطبيعي
لكن عندي اخت يعطونها طلق صناعي ف بداية التاسع
لأن فيها سكر حمل
تتعب حييييييييييييييييييييييييييييييييييييييييييييييييل
تخيلي لما يستمر الطلق فوق ال12 ساعه
عذاب والم وتعب
الله لا يحرمنا الاجر

خليها ع الله ماتدرين يمكن تجيج الولادة بالتاريخ اللي تبينه

 

[حنطاااويه]

بيبي ينزل ابوقته احسن

 

[FJ style]

كل يوم بالتاسع مفيد لنمو البيبي

لا تلعبين بعمرج
اكيد ما انصحج
وخلو البيبي لي كبر يفرح بعيدميلاده بروحه بدونكم ليش تلزقونه معاكم هههههه باجر يصير زحمة بهاليوم

 

[فتون777]

ههههههههه
بكريه عشان كذا مو عارفه الطلق الصناعي والطلق الطبيعي
انا اقولك قيصري احسن من الطلق الصناعي
انا جاني طلق طبيعي لين طلعت روحي
بس استحملت عشان ربي مايعطي الواحد فوق طاقته
بس لما عطوني الصناعي والله حسيت بالموت
شوفي ترا فأول اربع ساعات تحسين بالم بس يعور بس تستحملين
بس بعد اربع ساعات انا حسيت اني فحلم
من الالم
وماستحملت وخذيت ابره ظهر

صدقيني لو خذيتي طلق صناعي راح تكرهين هالتاريخ

 

[الماسه براقه]

والله ماااانصحج بهالشيئ والطلق الصناعي يحطونه متى ماتاأخرت ولادتج او كان فيج سكر او ضغط وانطري لحظته المناسبه لان متى ماصار جاهز الجنيني بينزل فحرام تتعبينه وتتعبين نفسج وانتي ادعي والله كرييم

 

[زين ودلال]

الطلق الصناعي عذاااااب انا جربته بولادتي الاخيره

 

[LiL MaMa]

الطلق الصناعي مو شي هين و شنو هالدكتوره اللي تقول اذا مفتوحه 2 او 3 تولدج
مينونه هذي !!!!!!
اذا مفتوحه 4 و عطتج طلق صناعي يذبح شلون اذا 2 او 3؟
و ترى الطلق الصناعي اذا طااال و البيبي ما طلع راح يتعب البيبي
خليه يطلع بيومه التاريخ مو اهم من راحتج و صحت ضناج

 

[STAR FAR]

الطلق الصناعي يطول وعوار الأحسن الطلق الطبيعي وكل شي بوقته حلوواذا انتي بجر راح تطول ولادتج ويطول الطلق الصناعي معاج أحسن تكملين شهرج

 

[بحةة آلشۈق]

والله يععععذب الطلق الصناعي حرام تحطينه وهو٢او٣تحسبينها لعب
انتي بكر شكلك
بعععدين يمكن يضر البيبي والله حرام تتحسفين كل شي يهون الا الضنى

 

[ام فطومه الحلوه]

حبيبتي اذا هذا التاريخ ايهمج خلي ولادتج طبيعيه واذا تبين الطلق الصناعي راح تكرهين هالتاريخ وهاليوم الطلق الصناعي عذاااااااااااااااااااااب مو نفس الطلق الطبيعي وهذا انا صارلي اسبوعين وليما الحين اعاني خليها علي الله احسن لج وللبيبي بعد​

 

[بيلسسان]

على قولة جي اف ستايل
خلي كل واحد له يومه يحتفل فيه لوووووووول

خي ولادتج طبيعيه ومتى ماربي كتبلج يالغلا

نفس اللي السنه اللي فاتت ببطنها توم
وسوت عمليه قبل موعدها علشان 1000 دينار
طمعها بعيالها التوم هي وزوجها فقدوها عيالها التوم
يعني لاخذت 2000 لكل واحد ولا واحد عاش

 

[المها الابيض]

اختي ماانصحج خليها علي الله
وانتي بجريه لا تلعبين بعمرج يمكن تندمين لا سمح الله
ودام انتي والجنين بخير ليش تستعيلين

 

[BubbLe87]

احس لو شنو ما اجازف عشان تاريخ
لا تلعبين بعمرج حده ما يسوى

 

[ام فوااز]

خل الياهل ايي بوقته
ليش تلعبين بعمرج عشان تاريخ اقصااه تاريخ!!
أنا ضد هالشي خلي كل شي طبيعي

 

[ام الحلوااات]

اللـــه يــهـــووون عـــلــيــــج ويـــقـــومــــج بـــاالـــــســـلامــــه

 

[بيت التوت]

وااااااااي بنات سهلوا الردود اشوي بجريه البنت
انا ولدت بنتي بنفس تاريخ يوم زواجنا كثر مادعيت ربي واستجابلي
واذا حابه هالتاريخ استخيري ليما موعد الولاده