الوقت ضيق وصلت لطلاق

[حنو الحنينه]

السلام عليكم

الحمد لله كما ينبغي لجلال وجهه وعظيم سلطانه

أول مره في حياتي انعفس واتلخبط وانحاس واحس مره حلم ومره علم

ودرت بالنت ادور وادور لحد الفجر ويطلع الصبح ويجي الليل ولازلت ابحث

اخر شي قررت اكتب مشكلتي ولا احوس اكثر خاصه ان شعري بدا يطيح بشكل يعور القلب

دريت اني شايله هموم

المشكله لي 12سنه متزوجه من زوج اكتشفنا لديه ضعف 2مليون وقلة حركه

انا عندي تكيس ومافي دوره الا بالحبوب

كل شي كل شي يخطر في بالكم سوينا عمليات وعسل ورقيه شرعيه اعشاب حريم مشايخ

لكن قدر الله وماشاء فعل لم احمل اطلاقا

الحين قرروا اهلي اني اتطلق لان الرجل مهمل جدا جدا في علاجه بكاء وترجي والحاح عشان

العلاج والعمر يمر ولايهمل

الحين طلبت الطلاق وقاعده عند اهلي وهو ماوده وقالي استخيري انا استخرت وقلبي مقبوض اني ارجع

لكن قلت ابي قبل الطلاق افحص فحص شامل لحالتي ممكن احمل طبيعي اذا كان الزوج سليم

والله مايعلم بحالي الا الخالق الرحمن الرحيم ياما بكيت وتخيلت حياتي مطلقه من اباخذ اشلون

اخلي زوجي طيب رجعت نفس الحال مافي اعيال طيب رجال بارد متكل علي وانا مليت الي اقصي

شي طيب كبرت متي اتعالج متي احمل عمري حياتي اشلون وين اتعالج ووووووووووووووو

الي ان بديت ماافرق بين الحلم والواقع

للعلم انسانه ملتزمه صبوره اكتم واتحمل .......................لكن في النهايه بشر انفجر

الحين ظغط شديد من الاهل جميعا اني اتركه طيب انا ودي افحص اشوف روحي مومعقوله كل العيب

بالرجال وانا مافيني شي اخاف من العقوبه ربي يآثره ورزقه زوجه وتحمل وانا اقعد انا لله وان اليه راجعون

خلاص مااقدر اكمل بدي راسي يضغط علي ادري من كثر التفكير ويبون مني رد هاليومين عاجل

وانا بدوامة التفكير ربي لاتكلني الي نفسي طرفة عين

ياخواتي بالله شتشورون علي .............................عاجل ​

 

[شموسة كيوت]

الله يفرج همك وتكونين الحين حامل وتكشفين وتعرفين يارب

والله موقف صعب جدا لوكنت مكانك ما اتخذ الطلاق ابد ابد

يا اختي خلنا نكون واقعيين شوي

انتي ضامنة مية مية بعد الطلاق مباشرة تتزوجين؟؟؟؟هذا السؤال حطية في بالك


انتي ضامنة بعد ماتتزوجين يكون الرجال الثاني (زوجك الثاني)ينجب ويكون سليم مية مية؟؟


يا اختي

ارجعي لزوجك لكن بشروط قوليلة ارجع بشرط تكون جاد في علاجك لان 12سنة شي عادي كثير من الناس 30 واكثر

وبعدها ربي رزقهم

ولاتيأسين تقولين سوينا كل شي

انا اعرف وحدة بعد خمس مرات عملية انابيب حملت يعني في المرة السادسة

صح شعور الامومة شي جميل وكلنا قلوبنا تفز له

بس صدقيني صدقيني

الطلاق موحل ربي رزق زكريا من امراة عقيم بيحيى <<<يعني مافي يأس والا التحبيط هو نصف المرض

خلي اهلك يشرطون علية ترجع لك بنتنا بس بشرط تتعالج وتسافر لاجل العلاج

وفي النهاية هذا اختبار من الله تعالى وان شاءاللة ننجح بالاختبار وربي يكرمك على صبرك ويعطيك احلا تؤام بالحياة


واخر شي سامحيني وعليك بالاستغفار

 

[ورود خذلتها العاصفه]

مادري بس يارب يجعلج الخيره فيما تختارين

 

[فرااااولة]

مع شموسة

اختي انتي مو ضامنة منو بياخذج عقبها وشلون حالته بتكون

توسلي بالله وكلميه بجوف الليل،، قوليله يا رحيم انا راح احافظ على علاقتي الزوجية وما راح اهدمها وابيك اتجازي صبري بطفل صالح يا رحيييم
واكثري من الاية: فقلت استغفروا ربكم انه كان غفارا، يرسل السماء عليكم مدرارا، ويمددكم بأموال وبنين ويجعل لكم جنات ويجعل لكم أنهارا

يااااا رب ترزقها بطفل يقر عينها يا كرييييم

 

[حنو الحنينه]

الله يبارك فيك شموسه

عمر المراه قصير....................................الشكوي لله

اهلي راح يتخلون عني اذا رجعت لان هذي ثاني مره اطلب فزعتهم

 

[حزينه 22]

الله يرزقج انشاءالله بس ياأختي الطلاق مو حل والحمل والذريه هذي من الله سبحانه وتعالى وبالعكس هذا اختبار من ربج وصبرج فيه اجر لج

 

[lovemyself]

اختى حنو الحنينة :اولا وقبل كل شى انصحج بالاستخارة اكثر من مرة وقطى صدقة مع كل صدقة وقومى صلى الليل واسالى الله الخير
ثانيا انا براى انج مفروض ما تفكرين بالطلاق ابدا يا اختى اذا ريلج زين ويخاف الله حرام تتركينه عشان الانجاب صج اهو حق لج بس انتى شدراج انج اذا تزوجتى غيره بتحملين وشدراج اصلا انج بتتزوجين ولا لا هذا مو تحبيط لج بس فكرى عدل وترى العيال من الله يعنى انتى واياه خليكم على قلب واحد وادعو ربكم مع بعض واستغفروا وحاولى فيه تحثينه عالاعلاج انا اكره الطلاق وفكرة الطلاق اختى هدى نفسج صدقينى ما تعلمين الخير وين يمكن العيال مو خير لكم حبى ريلج وعطيه حنان حاولى تغيرينه بالدعاء واذا حبيتى تقرصينه زعلى عليه شوى بس لا تهجرين بيتج وانتى اعرف شلون تتعاملين مع ريلج بس الله يخليج طلاق لااااااااااااااااااااااااااااااااااااااااا
والله ما تعلمين يمكن انتى الحين حامل ترى الرزق عند الله وعلقى قلبج فيه وبس وبس وبس
والله يوفقج لا تقطعين وعلمينا باخبارج مو تتطلقين عفية :eh_s(17):​

 

[So MuCh PaIn]

الله يهدي سركم ويريح بالكم

حبيبتي حللي بالاول و تأكدي انه مافيج شي

ليش ما تسوون طفل انابيب او حقن مجهري

مادري شقولج ادري انه الامومه أحلى مافي الحياة بس ما تدرين يمكن خيره وانتي استخيري اكثر من مره واللي ربج كاتبه راح يصير ويكون خيره لج

 

[هاناا]

الله يفرج همج


و يسر امرج و يجعل لج من كل هم مخرج

 

[الباحثات عن الجمال]

أصبري وعودي لزوجك هذا اختبار من الله وربنا عنده كتير أطلبي من الله.

 

[الريشة]

شوفي أختي..
روحي أي لجنة خيرية و دفعي صدقة مبلغها كبير و صلي صلاة استخارة و اقري سورة البقرة و استغفري باليوم 1000 مرة على الأقل
و قبل لا ترجعين لزوجك شرطي عليه إنكم تتعالجون ليما تحملين إن شاءالله و حاولي توخرين عن زوجك الخوف و قولي له : احنا لازم نجتهد بالعبادة و الدعاء و بنفس الوقت نسعى بالعلاج و ترى إيد وحدة ما تصفق و أنت لازم تساعدني و إذا أنت تحبني ..... أكيد ودك إني أحمل منك مثل ما أنا ودي أشوف عيالي منك. و العمر يركض و أنت لازم توقف معاي لأنك زوجي و أنا فضلتك على كل هالبشر، ما يهون عليك أقعد بدون علاج و قلبي يتقطع لما أشوف عيال غيري... ليش انت مو حاس فيني؟؟؟؟
عطيه كلام يأثر على مشاعره بس بدون هواش.
و مثل ما قالوا البنات إنتي إذا تطلقتي بعدين شنو يضمن لك إنك راح تتزوجين.....
شوفي أقول لك قصة:
بنت خالتي تزوجت و ما حملت لأن زوجها فيه ضعف و بعد كم سنة تطلقت منه ، و الحين قاعدة في بيت أهلها و ليما الحين ما تزوجت ...... طبعاً هذا نصيب بس شوفي شنو صار فيها !!
الله يصلح فيما بينكم و يرزقكم الذرية الصالحة.

 

[حنو الحنينه]

الله يوفقكم ويبارك فيكم وفي بنات فعلا كلامها يدخل القلب

بس شقول ابو طبع مايخلي طبعه كم مره زعلت وطلبت انه يتعدل ويقول مستعد اسوي واسوي واول ماارجع اسبوع يتعدل

بعدها يصك الباب ويمشي واذن طين والثانيه عجين

والله يابنات اهله وهم اهله يعني حمولتي اهل زوجي يقولون حسافه انت عليه المفروض يدلعك وايشوف طلباتك كافي 5سنوات

اصرف علي روحي ولاابين له حاجتي مراعاة للديون اللي عليه لكن عليييييييييييه صمممممممممممممت يهد الحيل ويجافي

اليوم وحده من بنات عمه تبكي وتبكي علي اني رحت عنهم لكن تقول لاني احب لك الخير الله يرزقك اخير منه لكن افقدك

قلبي يتقطع لكن هالادمي عجييييييب

فوضت امري الي خالقي عسي ربي يحلها من عنده

 

[دمثة]

الله يستخير لج يارب الخير

 

[وزيره الخارجيه]

استخيري واللي يستخير ربه مايضيع

وعسى ربي يفرجها عليج ويرزقج الذريه الصالحه

 

[حنو الحنينه]

بنات الله يعافيكم في وحده شاطره تشخص لي الر حم والمبايض بالدقه والوضوح

 

[Om_Ksha]

الله يفتحها عليج .. استخيري واقري سوره يس وادعي ..والله يكتبلج اللي فيه الخير

 

[ice-moon]

ياعمري ناس نسبة العدد عند ازواجهم صفر واحملوا والله رزقهم بيده كل شي سبحانه


الاهم تلجئين لرب العالمين قيام البيل ثم قيام الليل ثم قيام الليل
والصدقات والاستغفار

حبيبتي انتي بنفسج تقولين متفي شي ماسويناه والله ماقدر لج الحمل

طيب هذا معناتها انه زوجج سعى معاج والدليل تقولين سوينا كل شي

حتى لو بالغصب رضى يعالج بس راح وجرب وسعى معاج

صدقيني توكلي على الله

واهلج مالهم حق يحكمون بحياتكم

وبعدين اسمحيلي حتى انتي عندج مشاكل عسى الله يشافيج يارب ليش مافكر يتركج ويقول ازوج وحده ثانيه احسن يمكن تنجب؟

وكلنا عندنا مشاكل لكن ايمانه بالله كبير لازم البني آدم يسعى وربي راح يرزقه

لانه محد عالم حالكم الا رب العالمين ثم انتو


الله ينور دربكم

 

[حنو الحنينه]

السلام عليكم

اللهم لك الحمد كما ينبغي لجلال وجهك وعظيم سلطانك ........................والله يابنات اثلجتوا صدري بردودكم

يالله تكتب لي الخيره بامري فعلا القرار صعب صعب صعب الهي ومولاي تيسر الامور

 

[** باربي **]

شمووسة قالت الي بقوولة مشالله عليها

وانتي تقولين همن انتي فيج تكيس والدورة ما تيي الا بالحبوب

اول افترضي خذيتي ثاني واهوا فيه اعيال وطلع منج العيب ترى راح يدور الموضوع عليج ويمكن يطلقج ويتزوج غيرج

ويقولج يبي اعيال او تضلين جريجه لانه الريال الي بتاخذينه ما اضن بتحصلين عزوبي يا مطلق يا ارمل !!
وقعدي عاد باري اعياله ويمكن اييب عليج اذا ما حملتي وطلع منج العيب

وبعدين حرام اصراحة كاسر خاطري حطي نفسج مكانة لو العيب فيج واهوا سوة فيج جذي وتزوج غيرج وياب منها وهدج من كلام اهله

شنوو شعووورج ؟؟!!
حراااام عليج انا صج حاسخ بمعاناتج بس ترى الريل يحر اكثر من العيال
خوفي تسوينها وتحسفين وما اعتقد عقب الي سويتيه فيه بيرجع لج

حبيبتي لا تيأسين تدبري القران وشوفي اكثر انبياء الله عندهم مشكله الانجاب والله عطاهم على كبر سبحان الله
محد طلق ..وسبحان الله الله خلاهم عبرة للناس لانه معاناه الانجاب الصعب شي عشان جذي اختبر جدامنا انبيائه لنا ..!!
فكري وفكري انه حياتج ماكو ريلج ماكو بيتج ماكو بالليل وراج ريلج الي تعودتي عليه 12

انا عندي يضل الحب والوفا فوق كل شي والله خير الرازقين بالنهاية لا تقولين سوينا كل شي
قعدي ختمي سورة البقرة كل يوم جربي بدون يأس وتشوفين !! مو بعيد عن رب العباد !!
اذا ريلج زين ترى ما يتعوض شوفي الرياييل شلون صايرة ..!!

 

[bint_looda]

الله يفرج همك وتكونين الحين حامل وتكشفين وتعرفين يارب

والله موقف صعب جدا لوكنت مكانك ما اتخذ الطلاق ابد ابد

يا اختي خلنا نكون واقعيين شوي

انتي ضامنة مية مية بعد الطلاق مباشرة تتزوجين؟؟؟؟هذا السؤال حطية في بالك


انتي ضامنة بعد ماتتزوجين يكون الرجال الثاني (زوجك الثاني)ينجب ويكون سليم مية مية؟؟


يا اختي

ارجعي لزوجك لكن بشروط قوليلة ارجع بشرط تكون جاد في علاجك لان 12سنة شي عادي كثير من الناس 30 واكثر

وبعدها ربي رزقهم

ولاتيأسين تقولين سوينا كل شي

انا اعرف وحدة بعد خمس مرات عملية انابيب حملت يعني في المرة السادسة

صح شعور الامومة شي جميل وكلنا قلوبنا تفز له

بس صدقيني صدقيني

الطلاق موحل ربي رزق زكريا من امراة عقيم بيحيى <<<يعني مافي يأس والا التحبيط هو نصف المرض

خلي اهلك يشرطون علية ترجع لك بنتنا بس بشرط تتعالج وتسافر لاجل العلاج

وفي النهاية هذا اختبار من الله تعالى وان شاءاللة ننجح بالاختبار وربي يكرمك على صبرك ويعطيك احلا تؤام بالحياة


واخر شي سامحيني وعليك بالاستغفار

صاجه
الله يوفقج ويهديج للي فيه الخير