هذي قصه على وقتها كانت ولا قصه سندرلا في الثانويه كان الكل يتكلم عنها تقريبا قبل 8سنين
............................................
اول ما بدوا يعطون بيوت في جنوب السره تعرفون انه جنوب السره كانت عبارة عن صحراء وحده تقول قصتها وهي من الي معطينهم بيت في جنوب السره تقول كانت البيوت قليله جدا والصحراء كبيره كانت الكهربا عباره عن مكينه لان ماكان في كهربا تقول ريلها كان شرطي وبهاليوم كان عنده خفاره طلع راح على دوامه الام نومت عيالها وطفت ليتات البيت بس خلت ليتات الدرج وليتات غرفتها وقعدت تقره قران وشوي ولا تسمع صوت من بعيد من الطابق الي تحت بس صوت قوي صوت احد يمشي حاولت تركز على الصوت لا الصوت يقرب اكثر من ناحيه الدرج بس كان صوت قوي مو صوت ريول انسان عادي اول ما فكرت بعيالها راحت قفلت عليهم الغرف الصوت مثل صوت ريول انسان عملاق قاعد يصعد ببطء اول شي وقفت داخل غرفتها تطل بتشوف منو كان اكثر توقعها يني لان الصوت مو طبيعي بس يوم الصوت قرب وصار اقوى خافت وراحت سريرها وتغطت بالكفر شوي ولا تسمع باب غرفتها ينفتح شوي شوي وطبعا صوت الريول كانت قويه فحست انه يي صوب فراشها وقف الصوت شوي ولا حست بشي ثقيل جدا على جسمها وصوت تنفس قوي شي ينفخ اهي كتمت انفاسها هذا الشي وخر عنها وبده يبتعد الصوت ليمن اختفى قامت وتصلت من الموبايل على ريلها تقولا تعال لحقني حرامي حرامي يقولها حرامي شسوه شباق تقوله ما سوه شي ولا باق شي بس وقف شويه وراح (خوش حرامي هذا) قالها ريلها انا مسافه الطريج وايي هي كانت بالغرفه خايفه شوي ولا ريلها ها شفيج تقوله السالفه كلها زوجها دور بالبيت كله ما لقه شي قالها انتي تتوهمين حلفتله وكانت متاكده قالها عيل ما بقه الا السرداب والسرداب كانت في اغراض الدنيه كلها الاثاث في راح ريلها السرداب وخذه عصايه وقام يطقطق على هالكبت وعلى هالقنفه وعلى هالاثاث ولا يقول ما شفنه الا شي شكبره خطف وراح وره الكباته قال لا هذا شي مو طبيعي لازم نتصل بالشرطه اتصل ريلها بالشرطه هي قعدت تنطر في غرفتها شوي ولا تسمع صوت مسدسات مسكينه ما سوه عليها بيتها توه يديد المهم شويه جان ريلها ايي ويقولها صدنا تعالي شوفي، شنو هو الي صدتوا ، انتي تعالي شوفي ،راحت وهي خايفه وداها الحوش ولا تقول شفت شي شكبره طول الحوش يالها الشرطي قالها هذا ورل طوله مترين قالها شفتي يوم وقف عليج وسمعتي نفسه تره هذا نفسه سام لو انتي ماكنتي متلحفه بكمبل كفر ولا انتي الحين ميته سالته شمعنه يي غرفتها قالها لان انتي الغرفه الوحيده الي مبطله ليتاتها وهو اتبع الضوء
المهم يوم تسولف حق اخوها الي بالجيش عن هالسالفه قام يضحك عليها يقولها يحليلج تخافين من ورل طوله مترين احنا على الحدود نشوف طوله خمس امتار
الي ما يعرف شنو الورل انا شفته بالتلفزيون تقريبا اهوه شفتوا البريعصي نفسه بس طوله مترين وضخم وجسمه مرتفع عن الارض
............................................
اول ما بدوا يعطون بيوت في جنوب السره تعرفون انه جنوب السره كانت عبارة عن صحراء وحده تقول قصتها وهي من الي معطينهم بيت في جنوب السره تقول كانت البيوت قليله جدا والصحراء كبيره كانت الكهربا عباره عن مكينه لان ماكان في كهربا تقول ريلها كان شرطي وبهاليوم كان عنده خفاره طلع راح على دوامه الام نومت عيالها وطفت ليتات البيت بس خلت ليتات الدرج وليتات غرفتها وقعدت تقره قران وشوي ولا تسمع صوت من بعيد من الطابق الي تحت بس صوت قوي صوت احد يمشي حاولت تركز على الصوت لا الصوت يقرب اكثر من ناحيه الدرج بس كان صوت قوي مو صوت ريول انسان عادي اول ما فكرت بعيالها راحت قفلت عليهم الغرف الصوت مثل صوت ريول انسان عملاق قاعد يصعد ببطء اول شي وقفت داخل غرفتها تطل بتشوف منو كان اكثر توقعها يني لان الصوت مو طبيعي بس يوم الصوت قرب وصار اقوى خافت وراحت سريرها وتغطت بالكفر شوي ولا تسمع باب غرفتها ينفتح شوي شوي وطبعا صوت الريول كانت قويه فحست انه يي صوب فراشها وقف الصوت شوي ولا حست بشي ثقيل جدا على جسمها وصوت تنفس قوي شي ينفخ اهي كتمت انفاسها هذا الشي وخر عنها وبده يبتعد الصوت ليمن اختفى قامت وتصلت من الموبايل على ريلها تقولا تعال لحقني حرامي حرامي يقولها حرامي شسوه شباق تقوله ما سوه شي ولا باق شي بس وقف شويه وراح (خوش حرامي هذا) قالها ريلها انا مسافه الطريج وايي هي كانت بالغرفه خايفه شوي ولا ريلها ها شفيج تقوله السالفه كلها زوجها دور بالبيت كله ما لقه شي قالها انتي تتوهمين حلفتله وكانت متاكده قالها عيل ما بقه الا السرداب والسرداب كانت في اغراض الدنيه كلها الاثاث في راح ريلها السرداب وخذه عصايه وقام يطقطق على هالكبت وعلى هالقنفه وعلى هالاثاث ولا يقول ما شفنه الا شي شكبره خطف وراح وره الكباته قال لا هذا شي مو طبيعي لازم نتصل بالشرطه اتصل ريلها بالشرطه هي قعدت تنطر في غرفتها شوي ولا تسمع صوت مسدسات مسكينه ما سوه عليها بيتها توه يديد المهم شويه جان ريلها ايي ويقولها صدنا تعالي شوفي، شنو هو الي صدتوا ، انتي تعالي شوفي ،راحت وهي خايفه وداها الحوش ولا تقول شفت شي شكبره طول الحوش يالها الشرطي قالها هذا ورل طوله مترين قالها شفتي يوم وقف عليج وسمعتي نفسه تره هذا نفسه سام لو انتي ماكنتي متلحفه بكمبل كفر ولا انتي الحين ميته سالته شمعنه يي غرفتها قالها لان انتي الغرفه الوحيده الي مبطله ليتاتها وهو اتبع الضوء
المهم يوم تسولف حق اخوها الي بالجيش عن هالسالفه قام يضحك عليها يقولها يحليلج تخافين من ورل طوله مترين احنا على الحدود نشوف طوله خمس امتار
الي ما يعرف شنو الورل انا شفته بالتلفزيون تقريبا اهوه شفتوا البريعصي نفسه بس طوله مترين وضخم وجسمه مرتفع عن الارض
