الوحم لمعرفة جنس الجنين؟

[دلوعة اهلها]

صباح الخير ياحوامل الله يتمم عليكم بصحه وعافية ويسهل عليكم الولاده ودي تناقشوني بالموضوع هذا لانه صار مع ناس وايد من نوع الاكل واللي تشتهينه ايام الوحم بتعرفين سبحان الله اذا فيج بنوته ولا ولد يعني مثلا الموالح ولد واللي تحب الحلو بنت والله العالم ياليت كل وحده تكتب تجربتها واذا صج كلام الحريم الكبار لانه فعلا صار مع خواتي وحريم اخواني ناطره مشاركاتكم وربي ينول كل وحده اللي تبيه يارب العالمين:yaaaaaarb:

 

[فراشة الوادي]

هلا فيج انا حسب معلوماتي الولد حوامض والبنت حلا

 

[أشبـاهـ المطـر]

انا اول حمالي كل حوامض من بعد السادس صرت احب الحلا وارتفع عندي سكر الحمل وفيني بنوته

 

[دلوعة اهلها]

وضح النقا وحامج على الموالح الله العالم يمكن ولد

 

[من دار أبو متعب]

ماكنت مركزه في الوحام بس كنت بولدي احب الفلفل حتى ببنتي بعد ههههههههه بس اشوا ماطلعو صلعاان

 

[ان شكينا بكينا]

انا اكلي حواااااامض وفيني ولد

 

[sweeety]

ana 7wama'6 le al7en bs ma adry shno ebye6la3
ana bethaleth

 

[ريحانة]

انا باولادي الاثنين احب الحوامض والفلفل والحين حامل بس مادري شنو فيني

 

[نبضة]

حبيبتي معرفة جنس الجنين من خلال الوحام غير دقيق كلش .. انا ببنتي كله اشتهي موالح وحوامض وطلعت بنت .. بس الحين صايرة احب الفلفل بزود وهم احب الحوامض .. وهم مادري شنو فيني .. لازم انطر السونار يالله اعرف

 

[fatma]

بالنسبالي مااضبطت معاي انا كل اكل حوامض وانا الحين حامل ابنت

 

[sugar lip's]

انا كنت اتنسى بالتبوله مالحه وحامضة يبت بنية

 

[حـلا و ذوق]

انا احب الحوامض والموالح والحلو ابد ابد ماكله تييني لوعه لا اكل كيك والا شي فيه حلا ..

والسونار قالولي بنت

 

[مشاوي]

هم انا بوحاامي كله حواااااااااااامض وطحت حيييل بمخلل المانجا لدرجه اكله بالقفشه بروحه قاعده بالصاله انا وبطلي ... وطلعت بنت

 

[كيوي كويتي]

ويييي انا وحامي كان بااجار وكنتي اشتهي الصبار حيل
وارتفع شوي
كندر وباسكن روبنز وشعر بنات ههههههههههههههههههههههههه
يعني انا الظاهر ولدي غير محدد الهوية ههههههههههههههههههههه
(ناعم وترف ويموت بالملافع والجناط ويلبس الجوتي ويطقطق بالكعب ههههههه)
الله يستر

 

[جوري الكويت]

انا ما احب الحلو واايد , بس من حملت و طايحه بالحلو .. بالسونار قالوا لي بنت و الله العالم ..

 

[سعوديه دلوعه]

انا اللحين طايحه في المشاوي والمخلل والمكدوس وما اتحمل الحلو يعني شنو؟ ولد؟

ردوا علي لا تنطنشوني بليز

 

[دلوعة اهلها]

سعوديه ان شاءالله ولد والله العالم

 

[أحلى عيون]

بصراحه انا حمالي بولدي كنت احب الطرشي وكانت زوجه اخوي مسكينه تاخذني لسوق المباركيه يا ولد الحجيه علشان اشم ريحه الاجار الايراني واتذوق واشتري لي

في بنتي كنت احب اكل الكاكاو آرو وكيتكات احبهم حيل

 

[كشكول]

أختي كانت في كل بناتها تتوحم و تآآآآآكل ليمــــــــــون
ويابت بناااااات اتوقع مو شررررررط

 

[بطوطه خانم]

مو شرط

انا في اول اشهر حملي توحمت على الحب الشمسي والشلقم

وبعد ما كرهت الموالح قبلت على الحلو برد وفراوله وكرز

سويت سونار طلعت بنوته

والعلم عند الله