الوحدة..؟!!

[Purple Occasion]

السلام عليكم

مشكلتى عاديه بس بالنسبه لى كبيره واعانيها كل يوم

احساس الوحده

انا عندي دوامي والجامعه والمعهد وكل شى كامل بحياتي لله الحمد

وماكو اي مشاكل

بس احس بالوحده ودي بشخص قريب منى

احس بصخه البيت كل يوم وهدوء

ودي احد اسولف معاه ونضحك مليت الهدوء بحياتي

 

[Deeep]

رد : الوحدة..؟!!

سيم سيم هير

بس لي درجة اني صرت احب اعيش بروحي

يعني ودي بهالشي بس من سابع المستحيلات!

 

[• الْـڪَـونّتيسَـہٌ «]

رد : الوحدة..؟!!

اتقربي من أمج اكثرر

سولفي معاها طلعي معاها عادي مافيها شي

صيري رفيجتها ! انا رفيجة امي واسولف وياها ونضحك ونسولف

وعادي لاني اعرف ان امي مابتضررني بيوم

أو

كوني صداقات من الجامعه والمعهد خذي ارقام بنات وسولفي وياهم

صدقيني بتتغير حيآتج =)

 

[GOLDEN___ASHES]

حتى انا احس بالوحده يمكن لاني وحيدة امي وما عندي خوات وبنات خالات او خوال

بس حاولت اني اتغلب على الوحدة باني اسوي اشياء الي احبها مثلا نفسي اشترك بمعهد عشان اطور اللغة
قمت ازور رفيجاتي ابيتهم واناديهم واحاول اتعلم اسوي طبخات معينة عشان افرح الوالدة

فانتي بعد حاولي انج تسوين اشياء الي تحبينها عشان تكون عندج سوالف وتشاركين رفيجاتج فيها واهما بعد يستانسون ابيتكم
اذا انتي شاطرة بالانقلش اشتركي بموقع مثل لايف موجا عشان تعلمين وتساعدين غيرج بالانجليزي

بس هذا الي طرى على بالي واهم شي الصلاة لمن تصلين كل صلاة بوقته راح ترتاحين اكثر وتصيرين نشيطة لانه رياضه وعبادة بنفس الوقت وعلى طاري الرياضة لو تخصصين لج يوم تروحين فيه الممشى مع رفيجتج او احد من اهلج نوعا ما تغيرين الجو وسبحان الله تتعرفين على بنات يدد
وان شاء الله ربي يرزقج على قد نياتج واذا مو متزوجة عسى ربي يوفقج ويقدر لج الزواج برجل صالح

 

[GOLDEN___ASHES]

حتى انا احس بالوحده يمكن لاني وحيدة امي وما عندي خوات وبنات خالات او خوال

بس حاولت اني اتغلب على الوحدة باني اسوي اشياء الي احبها مثلا نفسي اشترك بمعهد عشان اطور اللغة
قمت ازور رفيجاتي ابيتهم واناديهم واحاول اتعلم اسوي طبخات معينة عشان افرح الوالدة

فانتي بعد حاولي انج تسوين اشياء الي تحبينها عشان تكون عندج سوالف وتشاركين رفيجاتج فيها واهما بعد يستانسون ابيتكم
اذا انتي شاطرة بالانقلش اشتركي بموقع مثل لايف موجا عشان تعلمين وتساعدين غيرج بالانجليزي

بس هذا الي طرى على بالي واهم شي الصلاة لمن تصلين كل صلاة بوقته راح ترتاحين اكثر وتصيرين نشيطة لانه رياضه وعبادة بنفس الوقت وعلى طاري الرياضة لو تخصصين لج يوم تروحين فيه الممشى مع رفيجتج او احد من اهلج نوعا ما تغيرين الجو وسبحان الله تتعرفين على بنات يدد
وان شاء الله ربي يرزقج على قد نياتج واذا مو متزوجة عسى ربي يوفقج ويقدر لج الزواج برجل صالح

 

[ام الدرر]

السلام عليكم

مشكلتى عاديه بس بالنسبه لى كبيره واعانيها كل يوم

احساس الوحده

انا عندي دوامي والجامعه والمعهد وكل شى كامل بحياتي لله الحمد

وماكو اي مشاكل

بس احس بالوحده ودي بشخص قريب منى

احس بصخه البيت كل يوم وهدوء

ودي احد اسولف معاه ونضحك مليت الهدوء بحياتي

ماشاء الله تبارك الرحمن اتصور تدرسين وتشتغلين
يعني ماعندج وقت تضيعينه تكونين صداقات
حبوبة من حديث للرسول صلى الله عليه وسلم ((.........لبدنك عليك حق )) يعني لازم تعطين نفسج فجه مثل مايقولون
تقربي من خواتج امج انا عندي صداقة خواتي افضل من اي صداقة
او
اكيد معاج بالدوام بالجامعة او المعهد بنات تقارب لافكارج ميولج اطباعج
اما اذا انتي ماتحبين صداقات العمل شوفي من اقاربج اهل امج او ابوج لابد فيه وحده ترتاحين لها وظروفها تناسب ظروفج
تقربي منها بالمناسبات مسجات مكالمات وعقب اعزميها على طلعة غدا اوعشا
او اذا عندج وقت سجلي بدورات تطوير الذات تستفيدين وتتعرفين على صديقات
الافكار وايد بس تحتاج لجرأة ومحاولة ​

 

[سنيني]

رد : الوحدة..؟!!

حاولي ديم تكونين اجتماعية او تجلسين مع بنت عمك او بنت خالتك او خالك

 

[m-3atboha]

رد : الوحدة..؟!!

خواتج امج جيرانكم رفيجاتج
كل هذووول ويينهم????؟؟؟؟؟؟

 

[om deaj]

مريني قعدي مع دعيج واخوه والله لا تقولين وين الوحدة ارحم ههههههههه

شغلي نفسج ووقتج بدورات مفيدة وخلج اجتماعية

 

[العبيدان tenuta]

رد : الوحدة..؟!!

حبيبتي انا مقدره ظرفج ادري ودج يكون لج كيان وبيت وزوج واولاد بس هذه مونهايه العالم حبي اتمني انج تتحملين كلامي يمكن يكون ثقيل بس انا بييج من ناحيتين
الاولي انت بنعمه نعمه الصحه والحريه وعندج راس مالج علمج وظيفتج تري ساعات الريال يعيق الزوجه بأدوات النهي والنفي لا تروحين لاتجين لاتأخرين طلعي عن الدوام هذا غير التطنيش والخيانه وترك المسؤوليه كامله عليج روحي الجمعيات شوفي الحررريم مساكين كل وحده عينها بقمه راسها والله يرحم شكلها وحالها ولبها بس تلبي الطلبات
طبعا مو الكل البعض هذا غير الخاله والحموله وبرستيج الزواج اللي وظيفته الاساسيه بس بلعي العافيه وانت ساكته عفوا انا ملززومه اقولج الواقع ووناسه اي وناسه اول شهرين بس علشان تستمر حياتج ملزومه تضحين وتلغين اشياء ووايد من حياتج علشان سعاده البيه يكوون راضي طبعا هو يجيج محصن ومدجج بنصايح الربع والدوانيه وانت المختبر اللي يتم فيه التجارب الاخر اخذي نفس عميييييق علشان تدشين هالعالم :080402ask_prv:النصيب جاي جاي انشالله بس وضعج الحين استراحه محارب :eh_s:استغلي مثل هالوقت وفكري وابتكري شي انت وحده مثقفه نمي هوايتج العيد الوطني جااي فكري بفكره مشرووع كوووني محط انظار فكره فيها ابداع ابتكار انت بهالحال تظربين عصفورين بحجر منها طلعتي بشي جديد ومبتكر وخدمتي وطنج وطلعتي فيها لانه الزواج فيه جرأءه زائد كأنج تقولين نحن هنا بطريق غير مباشر والبعض يسأل منو هذه :hjy5jewf:تعتقدين راح تحسسين بوحده علي فكره اغلب المتزوجات يحسسون بوحده ووودهم ينجزززون بس حاااامض مربطين :bbbiu:​

 

[Om_Ksha]

الله يرزقج بالزوج الصالح

 

[العبيدان tenuta]

رد : الوحدة..؟!!

الشي الثاني ندخل في العقل الباطن
وهذا شي اساسي لازم تعرفينه عدل وحاولي وجبري نفسج من الحين الحين اذا تبيين تغيرين وضعج تدرين اي شي تقولينه حق نفسج او اي فكره تطرحينها تترجم الي الواقع مثل ماتقولينه لانه افكارج عباره عن بذور والعقل الباطن هو التربه اللي تنمو فيها افكاررج انت قاعده تقولين انج وحيده هذه فكرتج او انطباعج خلاص راح تظليين وحيده لانه ميولج افكارج بيئتج سماتج كلامج شكلج الخارجي راح يكون المسكينه المغلوب علي امرها حتي طريقه مشيتج حركاتج ملامح وجهج تشير حق هالطابع اللي انت حطيتيه حق روحج انت ماتدرين مايدور حواليج يمكن اكو نااس متكلمين عنج بس يوم شافوج شافوووا ملاح الوحده والمسكنه والكابه
من الحين طلعي عن هالقوقعه وفكري وغيري بذورج وافكارج وحطي ورقه وقلم وكتبي خلال 3اشهر راح تتغير حياتي راح اتزوج وقعدي واهلي نفسج واهتمامج بروحج كأنه الاسبوع الجاي ملجتج غيري ملابسج استايلج غيري نظام غرفتج حتي طريج دوامج غيريه من باجر روحي طريج ثاني شعرج او طريقه لفه حجابج روحي باجر الدوام بلووك يديد لبسي شي جديد
ودايما قولي حق نفسج حياتي راح تتغير اجتهدي علي قد ماتقدررين بس بتوازن بحدود المعقول صدقيني التجديد يطري الحياه بكل شي حتي لو تغيرررين مكتبج بالدوووام المق اللي تشربين قهوتج الاكسسوارات اللي علي المكتب الملفات الحلوه الملونه اللي في سنتر بوينت ومنطر حلو وراج مفارش ملونه علي طاوله الزوايا
لوني حياتج انبسطي جددي لا تنكسررررين لالالاتقولين وحيده لالالالالاتقولين انا بروحي
هذه نصيحتي لج وهذا الجهد وعليك التكلان:icon30:​

 

[جنى q8]

رد : الوحدة..؟!!

نفس الحاله ياحبيبتي

خليها على الله
وسبحانه يفرجها ان شاء الله

اصعب شي الوحده
لكن كل شي رحمه من رب العباد
تضيق تضيق وتضيق
لكنها تفرج من اوسع الابواب ان شااء الله

وع فكره انا بعد صرت احب الوحده

 

[العبيدان tenuta]

رد : الوحدة..؟!!

كل وحده تقول انها تعاني من الوحده
جم اعماركم لو بالتقرررررريب
مجرد سؤال ​

 

[سارونه*المزيونه]

رد : الوحدة..؟!!

انا اخس منج الله كريم حبيبتي

 

[عرش الأنوثه]

الله كريم

 

[طويت صفحة الماضي]

رد : الوحدة..؟!!

حبوبه نفس الشعور بس اقعد مع الوالده اروح الممشى يعني اقضي وقتي لين انام وجذي

 

[Purple Occasion]

رد : الوحدة..؟!!

سيم سيم هير

بس لي درجة اني صرت احب اعيش بروحي

يعني ودي بهالشي بس من سابع المستحيلات!

اي حتى انا تعرفين حبيت داري ولاب توبي..
حبيت ممتلكاتي وكل شى يخصني..

 

[Purple Occasion]

رد : الوحدة..؟!!

اتقربي من أمج اكثرر

سولفي معاها طلعي معاها عادي مافيها شي

صيري رفيجتها ! انا رفيجة امي واسولف وياها ونضحك ونسولف

وعادي لاني اعرف ان امي مابتضررني بيوم

أو

كوني صداقات من الجامعه والمعهد خذي ارقام بنات وسولفي وياهم

صدقيني بتتغير حيآتج =)

ايم حبيبتي ما تقصر
بس الافكار تختلف بفارق السن
ان شاء الله

 

[Purple Occasion]

رد : رد: الوحدة..؟!!

حتى انا احس بالوحده يمكن لاني وحيدة امي وما عندي خوات وبنات خالات او خوال

بس حاولت اني اتغلب على الوحدة باني اسوي اشياء الي احبها مثلا نفسي اشترك بمعهد عشان اطور اللغة
قمت ازور رفيجاتي ابيتهم واناديهم واحاول اتعلم اسوي طبخات معينة عشان افرح الوالدة

فانتي بعد حاولي انج تسوين اشياء الي تحبينها عشان تكون عندج سوالف وتشاركين رفيجاتج فيها واهما بعد يستانسون ابيتكم
اذا انتي شاطرة بالانقلش اشتركي بموقع مثل لايف موجا عشان تعلمين وتساعدين غيرج بالانجليزي

بس هذا الي طرى على بالي واهم شي الصلاة لمن تصلين كل صلاة بوقته راح ترتاحين اكثر وتصيرين نشيطة لانه رياضه وعبادة بنفس الوقت وعلى طاري الرياضة لو تخصصين لج يوم تروحين فيه الممشى مع رفيجتج او احد من اهلج نوعا ما تغيرين الجو وسبحان الله تتعرفين على بنات يدد
وان شاء الله ربي يرزقج على قد نياتج واذا مو متزوجة عسى ربي يوفقج ويقدر لج الزواج برجل صالح

اي الصلاه راحه وتوفيق من الله
مشكوره يا قلبي
بالتوفيق