الهوتميل تغير وعفسني معاه.. اللي تعرف الحل تساعدني

[غروب]

السلام عليكم بنات

الصراحة اليوم بطلت ايميلي والا تطلع لي رسالة ان بيتغير ستايل الهوتميل، أنا ضغطت على don't show me this
message again والا يقوم يغير لي ستايل الهوتميل وصار موووووو حلووووو كلش كلش :cxxxp:

وآخر شي صار في بريدي جذي

اللي تعرف شلون أحل هالمشكلة ياريت تساعدني ترى كلش مو قادرة أشوف ايميلاتي.. حدي ضاق خلقي

 

[CANDLES]

اول شي روحي صوب الرسايل عند الايميلات في كلمة Option او الخيارات ضغطي عليها
بعدها روحي عند السمه واختاري الثيم الي تبينه وبعدها ضغطي حفظ

 

[غروب]

أحلى حلاوه

المشكلة إن مو قادرة أسوي اي شي، شفتي الصورة اللي حاطتها بالموضوع؟ ترى ايميلي جذي صار شكله.. مافي اوبشنز ولا دليت ولا كونتاكت ولا شيييييييييي، نرفزني والله:eh_s(14):

 

[CANDLES]

صعدي فوق عاليسار على جنب اتلاقينها يمكن يصعد وياج هالوردي الي امغطي يتحرك
او طلعي من الايميل ودشي مره 2 شوفي شنو يصير وياج

 

[غروب]

أحلى حلاوة
جربت بطلت ايميلي على جهاز ثاني جان يفتح عادي بس طبعاً عالستايل اليديد، جان ارجع على جهازي وأحذف الكوكيز وملفات التمبرري والحمدلله تبطل عندي. مشكوووووورة وايد على مشاركتج :tek:.

بس مافي طريقة أرجع الستايل القديم؟ الطريقة اللي قلتي عنها بس حق الثيمز.

 

[CANDLES]

يالله زين
اول شي روحي عند option او الخيارات صوب اللايميلات بعدها .. ضغطي على يسار الصفحه في خيارات وايد ضغطي على كلمة Mail
راح تطلع لج 6 خيارات اختاري منها هالجمله
Hotmail Navigation
راح تطلع لج صفحة فيها مربع صغير حطي فيه علامة (صح)
وضغطي OK
وبعدهاا راح يطلع لج Inbox & compose
اللي ما كان موجود عندج من قبل
واذا بتردين مرة ثانيه للشكل اليديد ألغي علامة (صح) وضغطي OK

 

[ماما كريمه]

امبى علمونى انا لما احط على الاوبشن مايطلعلى الا الثيمات وكلمة رايت وبوتوم واوف شسوى ذبحنى ماكو شيى برد على القديم شسوى اشلون احذف الكوكيز وملفات التمبررى

 

[ماما كريمه]

يالله زين
اول شي روحي عند option او الخيارات صوب اللايميلات بعدها .. ضغطي على يسار الصفحه في خيارات وايد ضغطي على كلمة mail
راح تطلع لج 6 خيارات اختاري منها هالجمله
hotmail navigation
راح تطلع لج صفحة فيها مربع صغير حطي فيه علامة (صح)
وضغطي ok
وبعدهاا راح يطلع لج inbox & compose
اللي ما كان موجود عندج من قبل
واذا بتردين مرة ثانيه للشكل اليديد ألغي علامة (صح) وضغطي ok

امبى كل هذا ماعندى شسوى لوع جبدى

 

[BaTTy]

حبيبتي اذا بتردين عالستايل القديم دوري هالكلمة تلقينها تحت كلش او تحت هذول الان بوكس و السينت و هذول
try the classic version
شي جذي تحت كلش كلش تلقينها او نفس ما قلت لج تحت الان بوكس

 

[غروب]

أحلى حلاوة
شكله مافي فايده لأن الشغلات اللي قلتي عنها ماتطلع عندي لما أضغط على أوبشنز، بس بحاول اتأقلم مع الستايل اليديد شسوي بعد، عموما ماقصرتي تعبتج معاي وتسلمين يارب. :eh_s(7):

ماما كريمة
اللي تقولين عنه طالع عندي بعد حتى بعد ماحذفت الكوكيز والتمبرري يعني ماكو فايده هذا الستايل اليديد جذي طريقته، حتى لما بروح عالأوبشنز ما يطلع لي نفس قبل، حست حوسه على ما وصلت حق الخيارات وتغيير المعلومات والتوقيع، احسه شوي معقد. :bbbiu:

بس إذا تبين طريقة حذف الكوكيز، روحي بالإكسبلورر الصفحة مالت الانترنت العادية فوق مكتوب Tools بعدين اختاري Internet options بعدين تلقين هناك دليت كوكيز ودليت ثانيه حق التمبرري.

BaTTy
دورت اللي قلتي عنه هم ماحصلته، الستايل اليديد في شغلات مختلفة عن القديم وشكله قريبا راح يحوشكم التغيير، رفيجاتي بالدوام نصهم تغير والبعض لي الحين.

 

[CANDLES]

انا توى تغير عندي اليوم لول اول ماشفته تذكرتج بس اان لما افتح الايميل الصور ماتطلع لووول .. على الله

 

[غروب]

صرنا بالهوا سوا الله المعين

اليوم وحده معاي بالدوام بعد متوهقه، المشكلة الفايلات اللي كانت على يسار الصفحة اللي فيها الإنبكس والدرافت والسنت شوي تطلع وشوي تختفي، تعبونا هالهوتميل كل شوي يعودونا على شي ويغيرونه :bbbiu:

 

[أم روونه]

بنات شلونكم أنا بعد ايميلي اعتفس ما أدري شسوي ؟؟؟؟؟:krkrkr::eh_s(11):
ولافيه أوبشن ولابطيخ صراحه بط جبدي
تهقون راح يرد الايميل بروحه ؟؟؟؟؟؟؟؟؟؟؟؟؟؟؟؟؟؟؟؟؟

 

[غلاي غير]

اسمحيلي ما اعرف

 

[رضاب]

انا يصير معاي بس كنت اخليه فتره واحاول ابطله مره ثانيه ويرجع طبيعي

ااو نفس ماقالت بيتي

 

[بنت الكنادره]

وعليكم السلام

ههههههههههههه اي احنا بعد حاشنا هالشي

بس متحملينه شنسوي بعد

الله المستعان


واحلى حلاوه اذا الصور ما تطلع عندج
لمن تفتحين الرساله ضغطي على كلمة Mark as safe فوق تكون

وراح تطلعلج الصور ان شاء الله

^_^