الهلتون ؟ وبلو اليفانت ؟؟

[bambena]

بنات ضروري منو جربت الاقامه بهلتون المنقف ؟ وشلون الغرف فوق احلى ولا الارضي ؟؟

ومنو جربت مطعم بلو الفانت شلون اكله ؟؟وقعدته ؟؟

 

[bambena]

للرفع

 

[اللوتس]

أنا جربت المطعم يجنن وراقي وأكلتي المفضله فيه أرز بالخضروات مع دياي (كبت كاو) يسمونها لذيذه لا طوفج وريلي يحب الأكل التايلندي وااااااااااااااااااااي شوقتيني له

 

[bambena]

انا حاجزه فيه لمناسبه وقالت لي بوفيه

ورفيجتي قالتلي اكله مو حلو ومتردده

 

[bambena]

بنات اللي جربت الاقامه بروتانا المنشر تقولي شلونه ؟؟؟؟؟؟؟؟؟

 

[UMSAROON]

انا امجربه المطعم وماعجبني, الخدمة ممتازه بس الأكل مو ذاك الزوود

 

[girl_in_abottle]

الهلتون ممتاز
بس مطعم بلو إلفانت إييب اليهد
كلة اكل ني و ريحتة زفرة و تفشل إذا مناسبة
بس اهو فاخر
يعني إلي يحب الأكل التيلندي و بس

 

[bambena]

الحين غيرت الحجز خليته بروتانا المنشر والعشا ببلو اليفنت

انزين شنو حلو من مطاعم روتانا؟؟

 

[الجــادل]

انا جربت روتانا المنشر


حجزنا سويت ثلاث غرف نوم وحلو حده ورخيص


بالمقارنه بفنادق ثانيه


وجربت المطعم حلو بس كان بوفيه ريوق وغدا


الهلتون جربته بالحفلات كنا حاجزين قاعه الدره وعطونا معاها غرفه بس كانت حييل ضيجه

يمدحون شاليهاته

 

[bambena]

خذبنا غرفه بالهلتون مطله على البحر وتعشينا بالبلو اليفنت

الفندق اينن والعشا كذلك وان شالله انزل لكم الصور لاحقا

 

[شيهانه]

ناطرينك شوقتينا ....

 

[كسرة عود]

بالنتظار

 

[bambena]

انطر بس اييبونلي وصله الكاميرا

 

[manarah]

ومازلنا ننتظر وصلة الكاميرا عطيني خبر بسررررررررررررررعه حاجزه غرفه ومادري وين اتعشى

 

[زيـنـه]

عليج بالعافيه بمبون

و بانتظار الصور

 

[bambena]

الله يعافيكم

المناره

بلو اليفنت رومانسي بس مو الكل يعجبه الاكل لانه تايلندي عندهم بالهلتون مطعم تياترو هم حلو بوفيه احنا تعشينا بالبلو الفنت ولما وصلنا للطاوله كانو مزينينها بقلب حب وخرز احمر
وشموع


وتريقنا بالتياترو قعدته شرحه اتينن على البحر بوفيه

 

[manarah]

شكرا شكرا بامبينا على الإفاده ومااقصرتي

 

[bambena]

حياج الله وعقب الريوق روحي الكوت تسوقي وتغدي هناك