الهالات + المنطقه الحساسه !

[أحلى ليونه]

السلام عليكم عيدكم مبارك ،، بنات بسأل عن كريم الدوكين للهالات شلون استخدمه وهل اخلطه معاه كريم ثاني او لا واخذ للهالات اللي 4٪ او 2٪ وجم مده استخدامه لانه هالفتره فيني ارق ونادر مانام فابي السواد يروح ساعدوني ! وبالنسبه للمنطقه الحساسه شرايكم بالدوكين وهل احطه بروحه او اخلط معاه كريمات ساعدوني بليز :/ < سوري مافي تنسيق داشه من الايباد

 

[ام عبد العزيز م]

للرفع

 

[عروس مشعل 2014]

الي اعرفه الدكوين مو حق الهالات ديري بالج هالمنطقة حيل حساسة في كريمات خاصة لها في كريم من ماركة isis وفي من اوباجي والمنطقة الحساسة عادي تستخدمين الدكوين بس قبلها مسحي بأسكينول ليمون ولمن ينشف حطي الكريم عادي بروحه موشرط مع كريم ثاني

 

[حقوقية 2011]

حق المنطقة الحساسه تخلطين كريم رتن اي و دكوين و اليكوم و كل يوم حطيهم قبل لا تنامين لمدة شهر
و جنه جنه الدكتورة الي كنت اعالج عندها قالت استخدمي هالكريمات بس لا تزيد الفتره عن 6 شهور
مو متأكدة بس للاحتياط استخدميهم لمدة شهر بسسس
و الهالات ما عندي فكرة بس يمدحون زيت جنين القمح الاصلي

 

[قاهره عذالي]

الهالات مالهم الا كريمات طبيه

الالدوكين للتبييض والبقع مو حق هالات ولمحيط العين

الهالات اول شي بالنهار لما تطلعين حطي على محيط العين كريم مضاد اكسده + فيه حمايه وبعدين حطي واقي شمس على وجهج كله مثل رايحه دوام او طالعه مكان وتكون الشمس قويه

مثل كريم غارنييه لمحيط العين

لما تكونين بالبيت بالنهار وبالليل وصاحيه يعني بالبيت وبعيده عن الشمس

حطي كريم فيتامين سي من فير اند وايت يجي مثل جل تحطينه بمدار العين وبعده بخمس دقايق حطي اي كريم مخصص لتفتيح الهالات السود بس يكون طبي ومن الصيدليه ومكتوب عليه للتفتيح فقط وحق محيط العين

وبالليل قبل النوم حطي كريم اتاشي لتجاعيد حول العين

هالـ 3 خطوات

هي الخطوات الصح حق علاج تجاعيد وسواد تحت العين


وتبي استمرار

اي علاج حق بشره يكون من كريمات يبي 3 شهور


المهم بالنسبه للمنطقه الحساسه

الدوكين + اليكا + رتن اي عصره من كل كريم وتحطينه ع المنطقه الحساسه تكونين شايله الشعر + غاسلتها بغسول طبي مافيه عطور مثل سيتال وهالشغل قبل النوم

وبالنهار الصبح غسلي المنطقه هم بغسول مخصص لهالمنطقه ومافيه عطور وحطي مرطب طبي مثل سيتافيل للبشره الحساسه او مرطب من ماركة بيوديرما

او في طريقة كريم تريتوسبوت المصري

بس طريقته شوي معقده وهو كريم تقشير قوي يعني من رابع يوم بتشوفين القشور

يعني عندج طريقتين

 

[ملح الكون]

انا قريت عن دكتور بتويتر يحذر من الكريم ماينوخذ الا بوصفه طبيه وماينخلط مع شي واللي يناسب غيرج مايناسبج