النمل

[قسي قلبك تعيش]

السلام عليكم
شخباركم بنات
انا توني ساكنه شقتي بنيان جديد بس ذبحني النمل الاسود بكل صوب تكفون ابي حل قبل رمضان لانه لاعت جبدي وافكر افرش شقتي كلها زل والسبب النمل

 

[Om Ghalia]

جربي بودر خصوصي للنمل من الجمعيات............

 

[ريح النرجس]

للرفع

 

[bnt_7waa]

بقولج على حل ان شاءالله يفيد معاج

امي قبل فتره اتعاني من النمل بالمطبخ تقول حطت صحن فيه سمسم وخلته على الرف الي يتجمع فيه النمل

تقووول صج بعد فتره مالقت ولا نمله بالمكان الي حطت فيه

جربي وان شاءالله تنفع وياج

 

[أم جوري]

رد : النمل

يمكن طرد النمل من المنزل برش خل التفاح مخفف بالماء
فلفل اسود حب انثريه بالمكان ما تشوفينهم وكذلك النعناع
لا تقتلين النمل ..

كرري هذه العباره 3 مرات مع النفخ بصورة خفيفه على مكان خط سير النمل .....
وهي :
= يا نملة يا بنت النمال ، اخرجي من بيتي في الحال ، وإلا ارسلت عليك جنود سليمان =
ثاني يوم باذن الله بشيلون قشهم ويروحون ..

 

[مزون الحب]

انا ايد كلام ام الجوري

وموشرط خل تفاح عادي خل ابيض ونمل بعد يخاف من الخيار اما فلفل الاسود الفار بخاف منه

 

[جوزائيه مغروره]

وانا بس قاعده اذبح فيهم

فكرتكم حلووه بخصوص الخل والفلفل

احسن من البودر لانه اخاف ولدي لما يحبي ياخذ منه ويحطه بحلجه بعيد الشر

 

[مملكه الرشاقه]

بينتا كان فيه نمل بشكل مو طبيعي حتى النمل صار يطلع من بلاك الكهرباء ... امي دقت على اللي يرشون البيت
رش البيت كله ب 10 دنانير والنمل راح وافتكينا منه

 

[$$لامار$$]

شكرا للي فادونا لاني انا بعد اعاني من النمل

 

[dnyay_mll]

رد : النمل

وااااي انا عانيت من النمل شهريييين بغيت اذبح نفسي والله وبالله ماخليت شي ماجربته

يوميا ادش النت واخذ طرق ولا اكو فايده

جربت السمسم والنعناع والخل والفلفل الاسود وجل العملاق الاخضر ماخليت شي ماجربته يخف او يختفون ساعتين ثلاث بالكثير ويردون

وطبعا حذرتهم وحلفتهم ولا رضو يطلعون قاعدين على قلبي

لما حطيت سورة البقره بالبيت وعليت على الصوت

ورشيت بودرة النمل العاديه

وراحو بلارده

الحمدلله

 

[انتظر حبه]

رد : النمل

يسلموو لكل البنات

 

[Confused Girl]

واي احنا نعااااااني بعد من النمل

هالسنه تطوروا صار عندهم جناح بعد

 

[فجر الهاجري]

بنات انا بعد ملوع جبدي النمل كنت حاطه زيت زيتون بالكبت والا الاقي متجمع عليه عفيه شحط بالكبت؟؟؟

 

[ميرال]

شوفوا النمل الوايد فعلا عين اقروا سورة البقره واذا ما طلع ماكو الا دوا الجرب احنا نييبه من المزرعه وحده بوحده عن تجربه لا زهيويه ولا نمل يدور عندي بس لازم تطلعون من البيت ذاك اليوم وصبوا بالبواليع كلها وخففوه بماي ورشوا بالاماكن اللي فيها نمل وادعولي الله يشفي ولدي0