النمسا ولا ايطاليا ولا اليونان اشرايكم؟؟؟؟؟؟؟

[كوكو لاتي]

هااااي بنات شلونكم ؟؟؟؟؟



بسافر ومادري وين اروح النمسا ولا ايطاليا ولا اليونان ؟؟؟؟؟


اللي تعرف هالمناطق ياريت تفيدني

شكلهم بس طبيعه وانا احب المجمعات والسوق والاشياء المودرن والمطاعم والتمشي واخاف اروح ما اشوف الا الريف ا



شرايكم


اي دوله تصلحلي

 

[جكورة]

أنا رايحه النمسا وبالتحديد زلمسي بصراحه طبيعتهم تهبل وتقدرين ترويحين ميونخ ( ألمانيا ) قريبة من زلمسي تقريبا ساعه أو ساعة ونص وهم إيطاليا وسويسرا قريبة منها يعني ضبطي جدولج على دولتين زلمسي + ميونخ
أو زلمسي + ايطاليا
أو زلمسي + سويسرا
ورحلة موفقه إن شاء الله

 

[davidoff]

انا رايحه ثلاثتهم احلى شي النمسا من ناحيه المناظر والراحه والاستجمام وطبعا ايطاليا سووووووووق ومقاهي ومطاعم مالذ وطاب للي يحب الاكل الايطالي واليونان الحين عندهم اضراب كل شي بتلاقينه مسكر ووهقه وهوشات شاللي حادج انتى مسافره عشان ترتاحين والا تقعدين على اعصابج ايصير مايصير

دشي الاخبار وشوفي اللي صاير عندهم

 

[الخيال المتلاعب]

السلام عليكم بصراحه انا رحت زلامسى الصيف الى فات رررررروعه من كل شى لاطوفك جوها شتا وربيع امابنسبه للتسوق عندك ميونخ وعندك فنيسا وتقدرين تروحين سويسرا يعنى بدال دوله تروحين دول ومن اجمل دول اوروبا

 

[الدلال]

النمسا وايطاليا حلووين بس اليونان حماي راح لها كلش ما يمدحها

 

[قمر الكويت]

هلا اختي
(( متع شبابك بفيينا ))
فيينا دوله راقيه وحلو التمشي فيها والمقاهي حلوه وسوقها حلو
و زا لمي سي حلوه طبيعتها عند بحيره كبيره حلوه حق تهدئة الاعصاب
ولا تطوفكم الزحلاقيه بم زلمسي حدها وناااااااااااااااااااااااااااااسه
اهي عند التلفريك عباره عن تصعدين بالتلفريك والي يخاف ينزل بالتلفريك والي مايخاف ينزل بالزحلاقيه طولها 1600 متر
والله يتمم عليكم سفرتكم ان شاءالله

 

[MsKeNa]

اوروبا كلها طبيعه وراحت بال .. بس بما انج تحبين المقاهي والسوق .. انا انصحج تروحين دولتين يعني روحي زلمسي حق الطبيعه وراحت البال جم يوم وباجي الايام روحي ايطاليا حق السوق والمقاهي والتمشي وتقدرين في ايطاليا تروحين ميلانو وفنيسيا
ضبطي رحلتج مابين النمسا وايطاليا

 

[ام مهاوش]

شوفي اذا تبين دوله وحده عندج النمسا تروحين فيينا حق السوق وبعدين زلمسي حق الطبيعه والوناسه وتقدرين تزيدين عليها ميونيخ ثلاث ساعات بالقطار هم منها تقدرين تتسوقين
او انج تروحين ميونيخ بعدين ميلان بعدين زلمسي وتردين ميونيخ انتي وكيفج نقي اللي تبين اختيارج حق النمسا راح يطلع صح لانه فيها سوق وفيها طبيعه ووناسه

 

[كوكو لاتي]

شوفي اذا تبين دوله وحده عندج النمسا تروحين فيينا حق السوق وبعدين زلمسي حق الطبيعه والوناسه وتقدرين تزيدين عليها ميونيخ ثلاث ساعات بالقطار هم منها تقدرين تتسوقين
او انج تروحين ميونيخ بعدين ميلان بعدين زلمسي وتردين ميونيخ انتي وكيفج نقي اللي تبين اختيارج حق النمسا راح يطلع صح لانه فيها سوق وفيها طبيعه ووناسه

بس يقولون سوقها غالي صج؟؟؟؟؟

 

[ام مهاوش]

عموما اوروبا كلها سوقها غالي بس يقولون سوق ميونيخ احلى من سوق فيينا وارخص

 

[ام مهاوش]

يعني اذا تبين سوق وطبيعه ووناسه روحي ميونيخ قعدي فيها نقول مثلا اسبوع اول يوم توصلين روحي السنتر مارين بلاتز ولا كارتز بلاتز سوق وتمشي ومطاعم وثاني يوم روحي قارمش منطقة حلوه ساعه بالقطار ونفس الشي تمشي ووناسه ثالث ورابع يوم ميونخ تسوق خامس يوم روحو يورب بارك نامو ليله فيها تردون سادس يوم قعدو لي سابع او ثامن يوم روحو زلمسي طبيعه وتمشي ووناسه يوم روحو الثلج تصعدونه بالتلفريك ويوم الزحلاقيه الصيفيه تروحون لها بالتلفريك ويوم كامل روحو سالزبورغ تمشو فيها واستانسو وبعدين ردو ميونخ يوم حق الراحه وثاني يوم ردو الكويت

 

[ام مهاوش]

اما اذا تبين بس النمسا عندج اطبين فيينا يوم ثاني يوم تروحين زلمسي تقعدين فيها جم يوم وبعدين تردين مره ثانيه فيينا حق التسوق وتروحين الملاهي اسمها براتر وتردين الكويت
او انج تخلين حجزج روحه حق فيينا والرده من ميونخ يكون حلو بعد
تروحين فيينا تقعدين فيها جم يوم بعدين بالقطار زلمسي تقعدين فيها جم يوم بعدين بالقطار ميونخ تقعدين فيها جم يوم وتردين الكويت
شوفي شنو تقررين وقوليلنا
وعلى فكره تقدرين تروحين فينيسيا من زلمسي في قروبات يسوونها هناك حق فينيسيا انا احتمال اروح معاهم

 

[Tender Heart]

حبيبتي زلمسي لازم تمرين المانيا اذا بتروحينلها ماعندهم مطار دايركت زلمسي..... ايطاليا مانصحج فيها كلش حاره وسوقها ممل وغالي ماعندهم شي مميز والدوله حيل قديمه اللهم محل برومود الي بميلان اهو اللي عجبني من بد سوقتهم ...... اليونان امي رايحتلها نفس ايطاليا اثريه وكلها مفاصيخ عند البحر واجسامهم صخر ... انصحج زلمسي وبس طبيعتها ترد الروح وزيدي عليها المانيا سوق

 

[كويتية بروما]

انا رايحه ثلاثتهم احلى شي النمسا من ناحيه المناظر والراحه والاستجمام وطبعا ايطاليا سووووووووق ومقاهي ومطاعم مالذ وطاب للي يحب الاكل الايطالي واليونان الحين عندهم اضراب كل شي بتلاقينه مسكر ووهقه وهوشات شاللي حادج انتى مسافره عشان ترتاحين والا تقعدين على اعصابج ايصير مايصير

دشي الاخبار وشوفي اللي صاير عندهم

حياتي انا بروما ماكو شي وكل شي اوكي:ada:
انا انصحج بايطاليا جوحلو للحين مشتين :q8:
واسواقها نروعة فنادقها نار وطبعاالاكل يهبل انصحج تنزلين بالسنترمال روما عشان تروحي
للسوق مشي طبعا كلها ماركات
يعني يبيلج مبلغ:tomato2:
بس قز وتمشي مو طبيعي فرصتج الحين اليورو طايح

 

[كويتية بروما]

ادا حبيتي تيين روما وعندج استفسار ساليني وما راح اقصر واعطيج كل شي بالتفصيل

 

[كوكو لاتي]

مشكورين على ردودكم يا بنات





انا قررت اروح









اليونان والنمسا والمانيا ويمكن امر سويسرا


الحين يالله شنو الاماكن اللي لازم ازورها بهالدول عشان لايطوفني شي كلش