النقاب في ماليزيا ؟؟

[سعودية قلبها كويتي]

اخواتي الغاليات ..

عندي كذا سؤال عن ماليزيا ..

انا البس العباية والنقاب .. ابي شلون بيكون الوضع في ماليزيا ؟؟

يعني اكو حريم لابسين نقاب هناك ؟؟

لاتنسون ان الحين مو موسم سياحة .. يعني نادر مانحصل خليجين هناك بهالوقت ..

وانا الصراحة افكر اتحجب بس .. لأني خايفه انهم ينظرون لي نظرة مو حلوة ..

صج انها ديرة مسلمة بس على قولة بنت خالي تقول يطالعون النقاب جني ارهابية :0bee2e8d89:

ابي رايكم بهالموضوع ..

وبالنسب للسكن اي من هذولي احسن بنظركم .. وعلى فكرة انا معي عيالي الصغار 2

برجايا تايم سكوير

او زون سويت ستاي


بارك الله فيكم

 

[rawona]

الصراحة ماعندي فكره بس ماحبيت اطوف على الموضوع وما اعلق ..

بس اعتقد عادي عندهم ومادري عن ظروفكم اذا انتوا حيل ملتزمين او عادي تقطين التقاب بالسفر الشي هذا راجعلج ..

موفقه​

 

[ناعمة]

اي اتوقع عادي هناك

و بعدين اختي شعليج منهم ، ثقي تماما ان انتي الصح و سوي اللي تبينه براحتج

 

[ام سعودمنبطحه بين القشع]

شكو تقطين النقاب ؟؟
اقول عادي ترى انا سافرت لالمانيا وعباه راس ونقاب بعد ورافعه راسي شنو اقطه عشانهم ؟؟
وبعدين هم يجون للكويت ويلبسون لبسهم مايغيرونه وما يقولون نخاف مانعجبهم
اختي خليج واثقه من نفسج ولا تسترخصيين النقاب اذا بتقطينه برى اشحقه لابسته الحين ؟؟؟؟؟؟؟؟

 

[شهدQ]

عادي ياقلبي عادي

هناك متروسات بنات الخليج منقبات

وهم بعض البنات الماليزيات

لاتحاتين

سفره موفقه

 

[BkuwaitB]

شكو تقطين النقاب ؟؟
اقول عادي ترى انا سافرت لالمانيا وعباه راس ونقاب بعد ورافعه راسي شنو اقطه عشانهم ؟؟
وبعدين هم يجون للكويت ويلبسون لبسهم مايغيرونه وما يقولون نخاف مانعجبهم
اختي خليج واثقه من نفسج ولا تسترخصيين النقاب اذا بتقطينه برى اشحقه لابسته الحين ؟؟؟؟؟؟؟؟
عين العقل ياأم سعود

 

[PINK*LIPS 81]

حبيبتي ماليزيا دوله اسلاميه على ما اعتقد محد يقدر يحوووووشج على طرررررررف .. ثقي بنفسج ورفعي راسج واللي يحاجيج بالقبقاااااب على راااسه لووووووووووووووووووول مجرمه انا

 

[الفنانه79]

لا لا لا اهناك الوضع جدا عااااااااااااااااااااااااااااااااادي بالعكس راح اتشوفين اهناك كله نقالات واعبي انا رايحتلها قبل 5 سنين تقريبا اول ماهبوا الناس فيها كانت عااااااااااادي فمابالج الحين ؟؟؟

والناس كلها منكته عليهم والخليج بالذات

لا بالعكس رب اهني ورب اهناك خليج على عباتج ونقابج والله يوديكم ويرجعكم بالسلامه

والله يعينج على الرطوبه تحت النقاب ههههههه

 

[@ دهن العود @]

حبيبتى انا رحت لها مرتين مره بالصيف ومره بشهر 2 وبكلا الحالتين بتحصلين خليجيين

عموما انا البس عبايه ونقاب ولا فكرت انى اقطه لان ماهمنى كلامهم ولا نظرتهم لى مع انهم كانوا اطالعونى بكل مكان

بس مو انا اللى اقط نقابى واعصى ربى على شانهم

وعلى فكره بتلاقين هناك وااااااااااااااااااااااااااااايد حريم سعوديات قاطين نقاباتهم وبعضهم حتى مايلبسون عبى للاسف

وقليل اللى متمسكه بعباتها ونقابها

 

[كويتية أصيله]

السلام عليكم .أشلونكم ؟ أختي لا تخافين آنا توني راجعه من ماليزيا وايد سواح سعوديين جايين شهر عسل وكويتيين بعد.
الوضع طبيعي جدا جدا بس المشكله في الرطوبه . أقتراحي لج تاخذين معاج مروحه صغيره كهربائيه وماتشيلين النقاب صحيح آنا مو منقبه بس أشوفهم بكثره بالسوق والفنادق توكلي على الله ولا تشيلين هم.
تمسكج بدينج أهم :tek:

 

[brettey]

انا مو متنقبه بس شفت وايد يلبسون نقاب عادي يا قلبي ومافيهم الا العافيه
وطبعا اخذي فندق برجايا تايم سكوير لانه اهو منه فندق ومنه مجمع اسواقه تهبل انا ما سكنت فيه بس رحت السوق الي فيه بس بنات خاله ريلي سكنوا فيه يمدحونه وبعد الشقق الفندقيه ملوتهم احسن لان حماماتهم وانتي بكرامه فيها بربيش
وطبعا لا تطوفين جبل جنتنج و صن واي لاغون و افاموسى

 

[سعودية قلبها كويتي]

بعد عمري انتم والله ماقصرتوا

.. انا الحمدالله متمسكة بنقابي .. بس بعض الناس خوفوني .. خاصة واني بطلع فترة النهار هناك لحالي بتمشى ..

بس كلامكم طمني ..

ام سعود يالغالية انا النقاب مو رخيص عندي .. من عمري 14 سنة وانا البسة يعني قطته مو سهله بالنسبة لي ..

بس انا اول مره اسافر لماليزيا وماادري شنو الوضع هناك ..

جزاااااااااااااااكم الله كل خير وكثر الله من امثالكم

بارك الله فيكم

 

[سعودية قلبها كويتي]

يرفع للأهمية

 

[tofy]

انا رحت لها الصيف الي طاف وايييييييييييييييييييييييييد شفت متنقبات والوضع عادي

لانها دول اسلامية + متعودة على السياح فشي طبيعي النقاب عندهم

 

[احلى كويتيه]

الوضع عادي ومتعودين على النقاب اصلا في ماليزيات متحشمات ومتنقبات بعد

 

[احلى كويتيه]

اكيد روحي تايم سكوير وخاصه انتي معاج عيالج لانه فندق سكني للعوايل ومجمع شكبره ومطاعم وملاهي يعني كل شي فيه وماتخافين تتمشين فيه

 

[ياشايل الظبى]

والله محد درى عنا ........ واحنا شايلين همهم .. نخاف نجرح مشاعرهم بلبسنااااااااااااا

ثقى بالله ... وامشى رافعه راسج بعباتج ونقابج

 

[عزااااايز]

حبيبتي انا رحت لها من سنتين بشهر 12 كان في بنات منقبين بس من الخليج بس اهم كشعب ماعندهم بس عندهم حجاب وعندهم كشف على الاخر بس لا حبيبتي تقدرين تروحين بالعباية والنقاب لاتغيرين عوايدج علشان الغير لان الغير ما يغير عوايده علشانا بس انتي بتفطسن من الرطوبه لان كله رطوبه يعني بتصير عبايتج بدلة ساونا اذا مشيتي بالاماكن المكشوفة بس المولات طبعا تكييف

 

[ترانيم العود]

بصراحه اللي تقط النقاب او العباية بره الكويت تطيح من عيني
ليش عندنا مستتره بره لأ؟
روحي وانتي عليج نقابج

 

[سعودية قلبها كويتي]

وهذا اللي يبصير بأذن الله

انا لو الموضوع مو هامني جان ماسئلتكم

الله يريح بالكم مثل ماريحتوا بالي ..