النفاس والزيارات :gr4uu:

[mafio98]

السلام عليكم​

بنات موضوعي اليوم عن النفاس والزيارات. :gr4uu:بالنسبه لنفسي انا سويت استقبال بالمستشفى والبعض قدر ايي المستشفى واللي ماقدر ايي طبعا ياني البيت بس بعد اسبوع علاقل مثل ماالكل عارف المراه تبدى ترتفع والالم يخف شوي وحتى القراب مني خالاتي وعماتي مايوني الا بعد اكثر من اسبوع وطبعا زياره خفيفه وبدون يهال مو هذا. موضوعي الموضوع ان
عندي يارتي توها والده وسوت استقبال بالمستشفى واول يوم طلعتها من المستشفى بدت الزيارات :nocommint: وياريت زيارات خفيفه لا تخيلوا المراه نفاس فبيتها مو فبيت اهلها وكلوحده يايه مع ياهل او اكثر غير طبعا الخدم :flower: وطبعا الله لايراويكم الازعاج وتخيلوا لي الساعه جم ؟؟ لي الساعه 2 الصبح :eh_s(11): والله الله لايراويكم الازعاج شلون صاير واليهال كل شوي طاقين باب بيتنا طبعا قلنا اول يوم ميخالف نطوف بس الوضع صار مو طبيعي صارلها اسبووووووووعين على نفس الوضع سهر لي الساعه 2 وازعاج ويهال يلعبون ةناس داخله طالعه !!!والوضع طبيعي عندها ولما صادفتها عند الباب سلمت عليها ونزلت بس من كلامها جنها ماخذه بخاطرها ليش مازرتها
اوكي اهي اليوم كملت 14 وانا كنت ناويه ازورها هلاسبوع والصراحه ماشوف في داعي للزعل انا اهلي واللي قراب مني ماازورهم الي بعد اسبوع. فبنات انتوا شتشوفون هل وضعي انا اللي طبيعي والا اهي وانتوا متى تستقبلون الناس بنفاس من اول يوم ولا متى وهل لها حق تتضايق؟

 

[غرورأنثى]

هلا حبوبه ....
أول شي مالها حق تزعل الناس ظروف ومو على طول فاضيين الغايب عذره معاه .....

 

[iLLuMinaTion]

الغايب عذره معاه

 

[LiL MaMa]

رد : النفاس والزيارات :gr4uu:

انا بالنسبه لي اهلي و القراب مني عادي اي وقت ايون " زيارات خفيفه" بس ياراتي و صديقاتي و الناس البعاد ما اروحلهم الا بعد 20 يوم تكون الوالده مرتاحه و صحتها راده

و بالنسبه لموضوعج ما لها حق تزعل لأن تصرفج كان ذوق منج انج ما ييتيها و اهيا تعبانه و توها والد

 

[ملح الحيـــــاه]

رد : النفاس والزيارات :gr4uu:

صراحه هذي شكلها راااااااايقه مشالله عليها انا اخبر النفاس ما لها خلق حتى اهلها
بعد عشرين يووووم تبدا تميز منو جاها منو ما جاها هذي غريبه
بس اهي يمكن عشانج جارتها يم البيت واذا انتو ميانه مع بعض فزعلت
ماعليج اذا انتي عارفه انج ما اخطيتي كيفها خل تزعل

 

[مدمنة ككاو]

عادي جان قلتي لها فشله منج انتي بعدج واحنا متعودين نزور بعد فتره ان شاء الله لي زياره حقج بيوم

اما بالنسبه للي يزورونها والله مادري احس مبالغ فيه يمكن كل ناس لهم طبايعهم بس لي الساعه2 !!! ما تبي ترتاح البيبي ما يقعد يأذيهم!!

انا بالنسبه لي يداتاي وعماتي وخالاتي اييوني باول عشر ايام كل يوم مبسطين عندي بعد صلاة العشا لي بعد العشا بشوي يعني بالعشر يمشون

وفي ناس اييون الضحى تقول امي شسوي ما اقدر اطرد الأوادم

بس هالمره اذا الله تمم بالسلامه بكتب وبدز حق الناس بحدد الأيام والأوقات لأني ان اللي بالنهايه بتعب وبتعب امي وياي

 

[أم يوسف وأمونة]

شوفي حبيبيتي بالنسبه انها الناس يزورنها لي الفير هذي احسها مؤذيه شوي ولازم يراعون الاوادم معاج حق

هالشي مؤذي ترا


بس على سالفه انج ما زرتيها اعتقد حق الجار واجب واحسن كان تروحين لها شوي وتتحمدين لها بالسلامه

وتطلعين لانه صار لها اسبوعين وانتي تسوين الواجب مو مساله لها حق تزعل ولالا وبالغض النظر عن تصرفاتها


وانا بالنسبه حقي الناس القراب لي خالاتي ورفيجاتي اللي حيل معاهم اعتقد عادي

 

[*ريما*]

رد : النفاس والزيارات :gr4uu:

دامك شفتي ناس داخلة وطالعة من بيتها
كان زرتيها

 

[tmtmt]

انتي الصح من ١٥ يوم ٢٠ يوم
نبدي بالزيارات

 

[mafio98]

شوفي حبيبيتي بالنسبه انها الناس يزورنها لي الفير هذي احسها مؤذيه شوي ولازم يراعون الاوادم معاج حق

هالشي مؤذي ترا


بس على سالفه انج ما زرتيها اعتقد حق الجار واجب واحسن كان تروحين لها شوي وتتحمدين لها بالسلامه

وتطلعين لانه صار لها اسبوعين وانتي تسوين الواجب مو مساله لها حق تزعل ولالا وبالغض النظر عن تصرفاتها


وانا بالنسبه حقي الناس القراب لي خالاتي ورفيجاتي اللي حيل معاهم اعتقد عادي

اختي بالنسبه لحقها علي على عيني وراسي بس احس عيب اروحلها واهي توها فبداية ايامها غير هذا ماشاء الله بيتها مايفضى وانا اساسا ناويه ازورها هلاسبوع لان الحمدالله حتى المره اللي طافت رحت لها ووجبتها بس مادري شفيها هالمره ماخذه بخاطرها

 

[mafio98]

رد: رد : النفاس والزيارات :gr4uu:

دامك شفتي ناس داخلة وطالعة من بيتها
كان زرتيها

اختي شلون زورها احسها فشله اللي ماحبه لنفسي ماحبه لغيري وانا بمكانها ماحب احد يزورني باول ايامي غيرجذي انا مادري اللي يزورنها شنو علاقتهم فيها اهلها ولا غيرهوموحلوه ارز ويهي oster_av1:

 

[mafio98]

ثانكيو بنات اللي ردوا اشوه ريحتوني عبالي انا غير الحمد الله يعني مالها حق تزعل