النفاس. وألمائ

[نور دنياه]

قوة بنات
أنا صار لي من ولدت 11 يوم ؤمن ولدت كله عطشانه وخصوصا مع الرضاعه الطبيعية ، لما جبت الردادة قالت لي لاتشربين ماي تخربين !!! خلج على المشروبات الدافيه ..
بس أحس مأقدر أموووت عطش ماالتزمت بكلامه بس حففت ماي

السؤال الحين من فيكم شربت ماي بنفاسها ؤماخربت !؟!؟
ومشكورين مقدما

 

[ام عبد العزيز م]

حبيبتي لازم تشربي ماي عشان الرضاعه طبعي تعطشين بسرعه واهم شي ما تشربي ماي بارد

 

[جذابه بنت ذيابه]

بالعكس الماي روعه للنفاس انا قبل نفسج عبالي الماي يضررر

طلع غلط كلامهم .. اشربي ماي

 

[Vip qatar]

نور حبيبتي الحمدلله على سلامتج انتي ومنورة

نصيحة لاتصدقين هاي الخرابيط مو زين تمين بدون ماي بياثر على الكلية وبتصيدج التهابات اشربي ماي بس مو بارد يكون بحرارة الغرفة انا يوم بنتي شربت وعادي ماصارلي شي ومافيني الا العافية انا ماصدق هاي السوالف احس خرابيط انتي قالولج يخربج وانا قالولي بسويليج كرشة لازم تشربين فنجال ماي بس في اليوم ><

 

[أم معاذ الكندري]

شلون ماتشربين ماي مؤ زين يأثر ع النظر وحتي مؤ زين لإنجلترا ترضعين وتحتاجين ألماي
وجعلنا من الماء كل شئ حيا

 

[ظبية بوظبي]

انا الي اعرفه ان الماي يدر حليب الام
واقرى ان الماي وقت الدوره يخرب الي تحت ( طبعا كلام اهل المنتديات)
فنتي شربي لكن بعتدال ويكون حرارة الماي فاتره يعني حطي الغرشه فالغرفه
مب بارد من الثلاجه لان اصلا الماي البارد وحده قالت لي يطلع كرش :/

 

[*ضيفة*]

بالعكس لازم ماي عشان الرضاعة ويكون بدرجة حرارة الغرفة
انا كنت قبل كل رضعة لازم قلاص ماي وبدرجة حرارة الغرفة لو بعز الصيف

 

[kuwaitiya_84]

حبيبتي انا نفاس واشرب ماي دايما علشان الحليب واذا خايفه عالكرش ربطي بطنج انا اشرب ماي بعد لانه جسمي حار ماتحمل ماي دافي احس عطشانه بعد ورابطه بطني وطول ما انتي قاعده شفطي بطنج حتى واناي نايمه من تصحين ردي شفطي تدش الكرشه ولايقصون عليج تخربين اهتمي بنفسج رادويه نفاس واللبس الدافي وبس كثري ماااي يدر الحليب

 

[نور دنياه]

مشكورين بنات غ الردود برد اشرب ماي أن شالله

 

[Toffeeya]

خرابييييييط !! الماي يخرب !!!! اصلن لازم تشربين ماي عشان الرضاعه و عشان ما يصير فيج امساك

 

[زين ودلال]

مالج شغل باللي يقولج لاتشربين ماي

انا بكل نفاس لي ادردع بهالمااااي ليما اقول بس لاني اعطش بشي خيالي

والحمدلله لاخراب ولا شي

يعني الواحد شلون يعيش بدون ماي!!! شي بالعقل