النفاااااااااااااااااااااس

[بشوشه]

السلا م حبيباتي

حاليا انا نفاس و هذا 4 بيبي و تنفست بشقتي اخ يالنفاس كريه للغايه الايام مااااا تمر و سهر مع البيبي و الحاله حاله

بحكم ان زوجي معاي اكيد مل و زهق من شكلي 9 اشهر حمال و 6 اسابيع نفاس اكيد ناطر مني تغير بطلعتي من النفاس
بليز
ارجوكم
احس اني استنفذت افكاري مسبقا و محتاجه افكار جديده و مقترحات حلوه منكم
حاليا قاعده اسوي جلسات تنحيف يمكن تخف الكرشه شوي و بصبغ شعري اشقر بما ان شعري حاليا بني
شنو اسوي بعد ابي ابداعاتكم تكفوووووون

محتاجتكم باقي لي اسبوعين و اطلع من الاربعين

 

[ام فواازي]

دام بتصبغين اشقر نصيحه اشتري من سيفورا كريم اسمر و بودرة تان و فرشة توزيع الكريم هذوووووول صج شي و من ميكب فور ايفر اضاءة اب لايتنق درجة الغامجة اللي تصلح للتان و بلشر ريميل المشمشي صج بتدعين لي
طالعه من الشر

 

[اميرة زوجي]

غيري قصة شعرك
لبس جديد للبيت و قمصان نوم
و عطور جديدة

 

[Um Tuki]

غيري طريقة لبسج

يعني نوعي
يوم تنورة يوم جينز يوم لقنز يوم فستان
دشي قسم المكياج تعلمي طرق يديدة بالميك اب
سوي تان اذا يناسبج مع اني ماحب التان كلش
غيري طريقة حواجبجو ابتعدي عن الحواجب الضعاف لانها تطلعج كبيرة
خذي قمصان نوم غير عن ستايل كل مرة

حطي تاتو بآخر ظهرج طبعا حطي اللي ينمسح بالماي عن الحرام
شنو بعد

ماعرف

حجزي فندق او شاله اذا ماسويتيها من قبل

اشتري فراش. جديد لج و لزوجج ليوم طلعتج

 

[al-musk]

عدل راي البنات غيري لوكج بالبيت واشتري ملابس جديده ونقشي حنه وحتى شعرج غيري بقصته شوي

 

[latkt7as]

ماقصروو البنات


بس الاهم من كل هذا

غيري اسلووبج وتعاملج معاه


للافضل طبعا


لان هذا الي بيثمر معاج

ولا اللبس وهالسوالف

يمكن ايام ويممل


لكن االاسلوب هو الي يدوم

هذي وجه نظرري

تقبلي مروري

 

[ديانا سبنسر]

طريقتج باللبس غيريها اذالوكج ناعم خليه ضخم والعكس صحيح اشتري عطورات حطي خزامة غيري ديكورغرفتج سافري او احجزي لكم فندق وطالعة من الشر

 

[قمرية الفيس]

انا بنفاسي صبغت اشقر وتغير لوكي وبطلعتي حطيت مكياج بصالون وزوجي شافني لما ولدت ولما طلعت من المستشفى بعدين اخر ايام نفاسي ماشافني يعني اخر ماشافتي حواجبي معششه وشعر اسود ودراعة نفاس بعد الغيبه شاف الصبغة الي تعجبه وميك اب الروعة ودراعة طلعتي كانت حيل حلوة وبصراحة حيل اعجبه شكلي

 

[Gifts&Occaions]

البنات كفو ووفو

 

[سارة ة]

اممممم البنات ماقصروا
بس بنبهج عل شغله
الا واهي غرفه النوووم
فيري فيها اشتري ابجورات جدد ومفاررش للتواليت واستاند للعطور او تحف او شموع ووكفر جديد راح تحسين انج عروس

 

[(*ام عهــــد *)]

البنات ماقصرو
وتطلعين من كل شر ياااارب

 

[لمى الهاجري]

قصي شعرج من جدام قصة غريبة بس خليه الورا سوي حركة بابقلذلة

 

[فوفو22]

انا اقول من الجهاله الوحده تقعد مهتمله وهامله روحها على ابو هي نفاس

بذكركم بشغله

29-1-2005كانت الملكه رانيا والده بآخر عيالها

<<<<طبعا انا حافظه التاريخ لانه بنفس اليوم ولدت معها

وبعد اسبوعين من الولاده

مات الحريري رئيس وزرا لبنان وكان بيوم عيد الحب

14-2-2005
يعني كم لها رانيا وانا (17 يوم )من الولاده

طبعا انا كنت بالبيت عادي .....تفاجأت بالتلفزيون

الملكه رانيا رايحه للسيده نازك الحريري

بكعب عالي ..وتنوره وبلوزه تجيب العافيه ...والشعر بلياج ....ووجها كله نضاره

ما شاء الله

ما قالت اخاف من العين حمولتي ....الناس
ما قالت ابي بسوي مفاجاه لزوجي بعد 40

باختصار

الزوجه واجب انها تكون كل يوم ملكه بمملكتها

فوفو

 

[Perfume]

^^^
مع فوفو
انا بالنفاس كل يوم اتسبح واتعطر واحط ميكب قبل ما يزورني زوجي وعشان نفسيتي تتعدل بعد

 

[كليـ دلعـ]

نفاس تكون مرتبه ونظيفه

ولابسه ملابس دافيه عن الهوا والبرد

40 يووم تقضيهاا بدفاا واكل معيين

وتحافظ ع نفسها ونوع اكلهاا

عشان صحتها وعشان تعب الحمل والولاده

وعقب الاربعين عليها بالعاافيه تلبس ميني جوب ان بغت

بس بالاربعين شي طبيعي متدفيه ومحافظه ع نفسها

هذا موكلامي كلام يداتنا وامهاتناا

شكو نفااس وطاقه التبهررج ؟؟

الحمدالله والشكر!!

لاحقه بعد الاربعين تطلع اللي عندها كله

ماقلنا نفاس تقطن

تلبس وتنظف وترتب

غير جذي مايصييرر



وحبيبتي


تعالي بيني وبينج اقوول شتسووين

 

[حوريه ...]

كلي دلع

وانا معكم دخلوني بالسالفه لان نفاس &#55357;&#56833;&#55357;&#56833;&#55357;&#56833;&#55357;&#56833;

 

[حوريه ...]

كلي دلع

وانا معكم دخلوني بالسالفه لان نفاس ????

 

[فوفو22]

كلي دلع

مو كل شي يقولونه امهاتنا صح

اكثره شغل عادات وتقاليد موروثه

ترى الحمل مو مرض .....حاله بيولوجيه

والولاده مو موت .....بدايه جديده

ولكن انا معاج ....تاكل وجبات مفيده ....


انا تنفست باسبانيا .....وشفت طريقتهم حيل حلوه ......الوالده تحتاج تمارس مشي وتستعيد لياقتها


كنت امشي اسم الله عليي ما عليي الا العافيه

كنت اكل 3 وجبات طبيعيه ....ما عليي الا العافيه


زوجي عندي ....والبس واتعطر وانسدح جنبه .....واسولف واضحك

ويشاركني معاناتي مع البيبي .....

ترى هالامور هي اللي تجعل الزوج يحس بمسئولياته



ليش هالعقد ...تتورثونها.... من جيل الى جيل!!!!!


الحين الوضح تنسدح عند اهلها وتسمن 5 كيلو

كل شي يتعلق بالبيبي هي تتحمله

وهو اما بالديوانيه يضحك ويسولف او نايم

واجباته بس
الو..... جيب بامبرز و حليب

بس لو تعيشين معه ويشاركج المجهود ....سلوكه يتغير

فوفو

 

[الغضى]

فوفو
والله شجعتيني أنفس بشقتي عند ريلي ان شاءالله


رايي حق صاحبة الموضوع :
غير اللي قالوه البنات بعد ازيدج شي مهم


مممممم مادري اشلون أقولها ؟؟


تثقفي بأمور العلاقة الزوجية أكثر و أكثر
غيري اسلوبج السابق
وتعلمي شغلات يديدة,,,,,,, أتوقع هذي اللي تفيدج أكثر من اللبس والعطور.

 

[غارقة بأحزانها]

البنات ماقصروا
الحمدلله ع سلامتج ومبروك ماجاج

بعلق تعليق عن موضوع النفاس والريال
انا جربت نفاس عند اهلي كامل
ونفاس ثاني نصه عند اهلي ونصه عنده


شعور الرجل بالمسؤوليه تجاه زوجته وطفله وتقديره لتعب المرأة
يرجع لثقافه الزوج ورجولته بالمقام الاول بالعربي اللي عنده احساس بيحس بدون لا تقعد معاه
ب٤٠
اما اذا كان عديم احساس لو اهي ميته من التعب يزفها ويقولها سكتي هاللي يبجي ويطلع من الدار
وويروح هالدواوين ومايرجع الا الفير

المراة النفسه تحتاج اهتمام ومساعدة وللاسف اغلب رجال الخليج مو كفو لا زواج ولا مسؤوليه وعديمين احساس

الرجل الشرقي اناني يبحث عن راحته فقط