النشله و السخونه هدت حيلي ساعدوني يعل مثواكم الجنه

[ملكة الفرس]

مراحب بالبنات

ما اطول عليكم صار تقريبا 5 ايام منشوله و حرارتي مرتفعه و بلاعيمي يعوروني
المهم رحت الطبيب و عطوني درب و أبر و مضار في العرج و عطوني علاج
والحمدلله صرت شويه احسن

لكن الي أحسه ألحين من بعد السخونه أنه عظامة جسمي يعوروني تقولي الوالده هذا من أثر السخونه لأنه السخونه تهد الحيل...

قلت استشيركم أذا تعرفون شي أشربه يريحني و يخفف شوية من ألم الجسم
الحمدلله مدفيه نفسي على طول ... لكن الألم هد حيلي ...

أنطركم

 

[آالنووفي]

.



هاذي الظواهر عاديه عقب الصخونه بس حاولي تدلكين نفسج او تحركي لا تهملين نفسج جذي تطول ...

شربي ليمون ونعاع فرش بس لاتكثرين عشان المعده وشربيه عقب وجبه مو على الريج ..
سلامتج ماتشوفين شر واجر وعافيه ...
















.

 

[بنت أبوه]

سلااامتج ماتشوفين شرا عوار العظام من أثر الحراره عاااادي حبوبه جربي زنجبيل مع الحليب اوشاي حلو

 

[ملامح بريئة]

والله مادري حسب العمر ويمكن الاكل يلعب دور فيه اشياء لها علاقة بالضعف مثل التغذية بالدورة والهواء والشمم العطور بعضها خاصة اللي مسك وريحان تهد الحيل تمرض اما الاكل فاخذي التجربة اهم شي الشوربة حييل تدفي وتعالج الضعف والدوخة مثل شوربة الشوفان مع الشعرية او شوربة عدس ولا تنسين الزعتر والزنجبيل لو مرة باليوم كوب ممتاز للسخونة وعندك التمر ة اهم شي للضعف

 

[ملكة الفرس]

مشكورين و يزاكم الله ألف خير كل من رد على موضوعي....

 

[قطوة@@]

حطي على جسمج فكس او بوفاس و نامي فيه و لازم تدفين عدل و اذا قعدتي الصبح تسبحي بماي داافي و سوي مساج لعمرج و عقبها تدهني بيبي اويل و تدفي عدل

 

[ديمــــــــــه]

اجر وعافيه ..هالشي طبيعي مع السخونه وشكلها ماسكتك بعظامك شوربة خضار ولا تنامين كثيررر عشان ماتغلبك
حاولي تتحركين حتى لو كنتي تعباانه شوي شوي بتتعافين ان شاء الله
الف سلامه عليتس ماتشوفين شرر يارب

 

[اشلون يعني &]

ماتشوفين شر

 

[روح العطش]

أجر وعافيه ماتشوفين شر حبيبتي خذي عسل طبيعي على الريق مفيد وايد

واشربي زعتر وزنجبيل حاولي ماتتعرضين لتيار هوا بارد

ربي يشافيج يارب

 

[طالبه مصدومه]

سلامتج ماتشوفين شر

 

[مفعمه بالحيويه]

اجر وعااااااااااااااافيه اختي

ذكرتيني ب نفسي قبل اسبووعيين حراراتي مرتفعه ، وريولي باارده << غريبه صح ؟

وزكااااااااام وبلغم وحاااااااااااااله

كسرت خاطر نفسي ، اختي اشربي اشياء داافيه وقبل النوم تمضمضي بماي فيه ملح الماي دافي اقرب للحار

وكل مادخلتي الحماام شلون لما تتوضين تنظفين خشمج بماي ؟ سوي جذي بس بماي داااااافي وايييييد ، بترتاحين


و فيه حبوب خذتهم من الصيدليه تاخذين كل 6 ساعات حبتين ،

اسمها اديفل Advil ، بـ 22 ريال ، مادري بكم عندكم


كانت تريحني ، والحمدالله الحين شفيت

والفال لج يااااااااارب

 

[سيدة بيتي]

الله يشفيك

 

[حضن امى]

اختى فيه دهن اسمه ابوعضلات دهني ظهرج وصدرج والقدم من تحت بالليل والصبح تسبحي
واذا ماتقدرين حطى لزقات الاسد اللي بالجمعيه تسحب الهواء بالصدر
وماتشوفين الشر

 

[هيبة ملك]

الله يشفيج

 

[العفافي]

سلامتش عادي ساعاتة بدون سخونة الجسم فية كل الم بس بندول الاصفر مال العضام تشربينة يسويش مثل الحصان

اذا احد صابتة صخونة يتوضأ ويضع يدة اليمنة على الجبين ويقرأ سورة الفاتحة 7 مرات راح تروح الصخونة ببركة هادي السورة

او قرأة دعاء النور المنسوب الى فاطمة الزهراء بنت النبي محمد صل الله علية واله فهو خاص يقرأ عند السخونة